لعيونكم ...و لكثرة الاستفسارات .... طريقة اعشاب لمغص و امساك البيبي .. من عمر يوم::::

[ام اغلى الناس]

السلام عليكم و رحمة الله و بركاته
شلونكم بنات
حبيت افيدكم بسالفه ... لاني لاحظت كثرة الاستفسارات عن شي ينفع للمغص و الامساك
انا كان ولدي جذي .. وللحين مستمر معاه الامساك من ولدته لليوم بس الحمدلله اخف بوااااااااااااجد عن قبل
طبعا الطريقه بسيطه ...
جيبي اعشاب .... يفضل انها ما تكون من الحواج ... لاني مره جبت منه و لقيت دود وووووووع :eh_s(12):
المهم جيبي ...
الاعشاب:
ينسون
+
حبه حلوه
+
كراويه
+
شمر
+
كمون
+
بابونج

و ممكن تضيفين نعناع و ممكن تنقصين او تزيدين اللي تبينه ... انا حطيت نعناع و ما حطيت شمر لاني ما حصلته
المهم ....
يكونون نظاف .... حطيهم مقادير متساويه ب علبه ... انا حطيتهم بعلبة حليب فاضيه و غطيهم و خشيهم ...
و يوميا ...
حطي قفشه ( مالت الحليب) من الاعشاب ب قلاص ... و صبي عليهم ماي مغلي
و خليهم ينقعون شوي يعني تقريبا ربع او نص ساعه
و بعدين صبيهم بمشخال ( بالمشخال اللي يكون نفس الشاش ) فتحاته صغيره حيل عشان ما يأذي البيبي
و اذا ما حصلتي هالمشخال ... جيبي غتره زوجج ما يبيها و اشخلي الاعشاب بقلاص بعدين صبيهم ب ممية البيبي ...
لا تكثرين ماي ... بس حق رقمين
و حطي فوقهم قطعتين سكر نبات
و رجيهم او خليهم .. المهم يذوبون
و خليه دافي ... مو بارد
ترى قريت انه اي شي بارد تعطينه البيبي يجيب له غازات و مغص
حتى الحليب ... الاحظ ناس واجد يعطون عيالهم حليب بارد :eh_s(11):
و عليه بالعافيه
سوي هالطريقه يوميا ... بس رقمين

تقدرين تعطينها لكل الاعمار ... انا كنت اعاني بالنفاس الى ان ناس علموني هالطريقه و الحمدلله ارتحت
و مرات يتعصر وما يقدر يخرج تكرمون ... ف بسرعه اسويها و اعطيه و انتظروا الى ان يخرج و يرتاح
كنت قبل هالطريقه دايم على تحاميل الجلسرين ... الدكتور وصفهم لي ...
بس خرعوني ... قالوا لو عودتيه عليهم .. اذا كبر ما يخرج طبيعي لازم بتحميله ... و نعرف ناس جذي
اعوذ بالله
و ناس تمدح منقوع التمر ... لكن ما جربته الا مره وما رضى يشربه ... بعدين ان شاء الله ارد اجربه له

و فيه ادويه للمغص و الغازات ... واحد اسمه دسفلاتيل : نقط .. و واحد اسمه بونيسان
دسفلاتيل ... وصفه لي دكتور مستشفى حكومي .... و سمعت انه من الاعشاب الطبيعيه يعني ما يضر ... تحطين من 10 ل 15 نقطه بشوية ماي و تشربينهم البيبي
اما بونيسان اعتقد تعطينه 2 ملي ... وكنت اخففه بشوية ماي لان ولدي ما يرضى يشربه بروحه ... يمكن ثقيل عليه
بس الحين ما عدت اعطيه الا الاعشاب

بس نصيحه بنات ... لا تلعبين ب البيبي من غير استشارة دكتور
و ان شاء الله كل فتره انزل مواضيع تفيدكم

و مشكورين على المتابعه
بس الله يخليلكم عيالكم ... ادعوا الله يحفظ ولدي و يخليه لنا و يهدي ابوه
:hjy5jewf:

 

[سموره 87]

مشكوووووره حبوبة

 

[ام ناصر 2009]

اي انا اسوي جذي
مشكوره حبوبه

 

[حرم_طيار]

مشكورة

 

[ام حمد&]

حبيبتي بسالج اذا تعرفين قولي الحين البيبي ابو شهرين طبيغي انه مو كل يوم يوسخ (الله يكرمج)

 

[ام اغلى الناس]

تسلمون حبيباتي

حبيبتي بسالج اذا تعرفين قولي الحين البيبي ابو شهرين طبيغي انه مو كل يوم يوسخ (الله يكرمج)

هلا فيج اختي
بالنفاس ما كان يخرج تكرمين الا يمكن كل اسبوع او 6 ايام
رحت للدكتور و قال مو طبيعي
مو زين يقعد ما يخرج اكثر من 3 أيام
و ان زاد ما خرج اكثر من 3 أيام لازم تخلينه يخرج عن طريق تحميلة الجلسرين
بس نفس ما قلت التحميله مو زين يتعود عليها الجاهل
ف انتي سوي هالطريقه و استمري عليها

 

[قمري]

صج صج الله يعطيج الف عافيه و مشكوره ماقصرتي على الموضوع

 

[ام اغلى الناس]

الله يعافيج يالغاليه
تسلمين عالمرور و الرد

 

[ام اغلى الناس]

بنات نسيت اقولكم شي مهم
الاعشاب غسلوها بمشخال عدل و بعدين نشفوها بالشمس
و ترى الشمر هو الحبه الحلوه

 

[صدى الأفراح]

موضوعك روووووووعه وتسلميلنا يااااااااااارب

 

[ام اغلى الناس]

الله يسلمج حبيبتي

 

[آهات الليل]

الله يعطيج الف عافيه ويخليلج عيالج

 

[صمت ودموع]

الله يجزاج كل خير ويخلي لج ولدج ويهدي لج زوجك امين يارب العالمين

 

[عطراللافندر.]

يعطيج العافيه...

 

[ام اغلى الناس]

تسلمون حبيباتي على مروركم

 

[قانونية]

تسلمين يالغاليه
موضوع مهم يفيد كل ام بجر

 

[ام اغلى الناس]

الله يسلمج
مشكوره على مرورج

 

[أم حمد =)]

يعطيج العافية

 

[أم حمد =)]

يعطيج العافية

 

[ريمية مزيونه]

يعطيج العافيه ماقصرتى ويارب يخليلج ولدج وتفرحين فيه عريس ان شاء الله


وانا بنتى عندها هالحاله وراح اسوى اللى قلتيه وان شاء الله تسير زينه وادعيلج بالصحه والعافيه