لعشاق حلو المنجا .. من مطبخي بالصور ..

[.. Om Mr.7sN ..]

مرحبا صبايا

اشلونكم ؟؟

اليوم يايبتلكم طريقه كيكه المنجا وصج لذيذه الكل يسالني عن مقاديرها جربوها وقلولي اشرايكم

المقادير ..



- كيك فانيلا

- 2 قيمر كي دي دي او بوك

- 1 كريم كرمل بس بدون الشكر اللي معاه

- 2 كيس كريمه دريم ويب او العلالي

- 1 اناناس معلبات

- عصير منجا

- ملعقتين طعام نشا

- فواكه ( للتزين )

الطريقه ..

نقطع الكيك ونصفه في البايركس مثل الصورة ..



نحط القيمر والكريم كرمل والاناناس راح نحط القطع بس مع شوية من ماء الأناناس والكريمه بخلاط الطماط وبعدين نحطه فوق الكيك ..

ونحط الطبق بالفريزر نص ساعه ..



نطبخ 4\3 لتر من عصير المنجا مع النشا ..

نحركه لين يغلى وبعدين نتركه يبرد ..

نصب المنجا فوق الخلطه السابقه شوي شوي عشان لا ينخلط مع بعض ..

نزين الطبق بالفواكه ( منجا وكيوي وفراوله ) بس انا ما كان عندي فراوله فما حطيت ..

وهذا الشكل النهائي ..





وعليكم بالعافيه

 

[Snow angel]

ماشاء الله تبارك الرحمن روعه

ترتيب وتنسيق يسلمووووووووو هاليدين

 

[كتكوته فوشي]

تسلم ايدييكي شكله يشهي

 

[حقوقية]

مع اني مو ذاك الزود مع المانغو بس شكلها يشوووق

تسلم الايادي عسوولة

 

[المستبــده]

شكلها يشووق
وخاصه اني اموت بالمانجاا
يعطيج العافيه

 

[الكويت^غلاي]

شكلها حلو
تسلم إيدج

 

[78MariMar78]

تسلم ايدج
بس انتي تحطين الأناناس الدوائ بالخلاط
ولا أناناس عصير؟؟؟

 

[أحلى همبه كويتية]

تسلم ايدياتج

 

[.. Om Mr.7sN ..]

الله يسلمكم حبايبي

 

[جارة القمر]

ماشاء الله

تبارك الرحمن



تسلم ايدج

 

[.. Om Mr.7sN ..]

تسلم ايدج
بس انتي تحطين الأناناس الدوائ بالخلاط
ولا أناناس عصير؟؟؟

احط اناناس معلبات مع الماي اللي معاه ..

الله يسلمج حبيبتي

 

[الحــــالمة]

مشكووووووورة حياتي

على الطبق الحلو

 

[<<لمار>>]

تسلم ايدج

 

[RAIN FALL]

شكلها يشووق
يعطيج العافيه

 

[زهرااا]

يمي يمـــي
شكلها روعه

 

[بوكاهانتس]

الله يهبل .. ثااااااااانكس..

 

[jolie_q8]

ماشاءالله التنسيق وايد حلو

وتنفع حق الصيف والحر

تسلم ايدج

 

[قطوة@@]

شكرااااا

 

[Boshiya]

يم يم يم

تسلم ايدج .. انشالله بطبع المقادير حق خدامتنا عشان تسويها :tomato2:

 

[خاشووقه]

بارده للصيف
وتشووق
يعطيج العافيه