لعبــــه الاسئله الزوجيه <<< حياكم

[لوولوو_88]

ارتب الشقه تلفزيون أو نت أو يوتيوب أو اقرأ قرآن شوي ..

نفسه

 

[@@نور الدنيا@@]

ترتيبات البيت اخلص اموري الشخصيه اذا عندي انسدح ف الصاله واطقطق ع الفون والريموت وهذا اهم شي طبعا ههههههههههههههه

شو احلى شي تحبينه ف ريلج؟!!

 

[سكرررة]

طيبته وحنيته وروحه المرحه
نفسه

 

[لوولوو_88]

حنون و شقردي ربي يحفظه من كل شر

شنو الشي الي بتميز فيه زوجج سواء طبع أو شي بشكله نبي شي غريب و مو مؤلووف .. مثال بالنسبه لي زوجي ما يحب العلج ولا يحب ريحته ولا يحب طاريه جنه وحده اتنسى لا طرو العلج و يجن جنونه اذا احد تعلج جدامه ههههه شي غريب علي جد

 

[وردة وطني]

زوجج مثل اختي وبنت حمااي سبحان الله بالظبط

زوجي مايجب ورق العنب وعصير ليمون بالكيوي
ههه انسان مهمممل حيييييل للاسف

 

[مآيكبرني نك]

ماشي سؤآل ؟

شؤ الطبع اللي قدرتي تغيرينه ف ريلج ؟

 

[سور المدينه]

للاسف ولا شيء

نفسه

 

[أمورته]

ممممم مادري يمكن ولا شي


هل تشعرين بحب زوجك?

 

[سور المدينه]

لا ودايما اتهاوش معاه على سالفه انه مايبين لي حبه
حده كتوم وكله ساكت
وين اريح حياتج قبل الزواج ولا بعده

 

[غآب نورك ~]

الزواج كله قيوود من طرف الزوج يعني اي شي بتسوينـه لازم تاخذيـن رايه وممكـن يررفض طبعا عاد موتي قهر انتي بعكس حياة العزوبيـه الراي والاخير لج انتي وفوق هذا محاتاة المسـؤوليه وزعـل وهواش وتعالي راضيـه وتنازلين عن اشيـا وايد عشـانه يعني قبل الزواج اريح بمليون مره

نفسـه

 

[(دنيتي)]

بالنسبه لي حياتي قبل الزواج كان فيها وناسه وتعب وهمًبعد الزواج

وناسه وتعب

بس الفرق الاستقرار احس انه هذه حياتي ومصيره واني بديت اكون شيي يستاهل هالتعب

خوش سؤال اي اريح قبل الزواج ولا بعده؟

 

[3tebeya]

بعده .. صج عند اهلي كنت معززه مكرمه واللي ابيه يصير بس تحسين مسئوليه لا التفت لا اطالع محد يخطبني تخافين من نفسج على نفسج .. محاتات امي اذا طلعت .. الحين الراي رايي والشور شوري وريلي على كيفي وانا على كيفه بس الحين زادت مسئوليتي عندي بنت ومابي اعلمها واربيها مثل ما ربتني امي ان اخاف من الريايل لمن يتعرضون لي واسكت وانطم وهذا غلط لازم انربي بناتنا واعيالنا ونوعيهم باخطاء ممكن تحصلهم واكبر مثال اغتصاب الاطفال
اليموحه على الطواله


السؤال .. ليله رومنسيه بينج وبين ريلج شنو يدعتي فيه ؟ عطونا افكار يديده

 

[مذهلة2013]

كلش مالي بهالسوالف هالايام ههه
بس سويت مره اورود وشمووووع


نفسو

 

[سور المدينه]

ليله عيد ميلاده عادي كيك وشموع وورد ومساج بس

شنو اجمل ذكرى حلوة بينج وبين زوجج؟

 

[Barbiea]

ايام الخطوبه لما كنا نشوف بعض بالسر فالدوام وارجع البيت مستانسه



متى اخر مره تهاوشتي ويا ريلج وليش ؟

 

[سكرررة]

ههههه مو هوشه بس زعل لان انا مو من النوع اللي يهاوش اذا تضايقت او عصبت اسكت عادي يمر يوم بدون ماانطق بكلمه قبل اسبوعين تحسست من حاجه وكنت عارفه ان مكان يقصدها نمت عنه ذاك اليوم وهو مايحب اني انام عنه واليوم الثاني من الصبح ماخلاني الا وانا راضيه فديته حبيبي ربي يخليه لي ويحفظه ويدوم المحبه بينا وبين كل المتزوجات

نفسه

 

[سور المدينه]

البارحه لانه بيسافر

طبع تتمنين تغيرينه في زوجك؟

 

[سكرررة]

التدخين للأسف يدخن وجالسه احاول فيه يقولي ان شاءالله بس بعده مستمر ربي يهديه ويصده عن الزقاير ياااااااارب
نفسه

 

[سكرررة]

التدخين للأسف يدخن وجالسه احاول فيه يقولي ان شاءالله بس بعده مستمر ربي يهديه ويصده عن الزقاير ياااااااارب
نفسه

 

[أسيرة القمر]

العناد


شي ما يعجبج بحمولتج ؟؟