لعبة متوهقه ما اعرف احلها .. منو تساعدني؟؟

[lolly]

لعبة التركيب

 

[lolly]

لعبة الشقة

 

[lolly]

لعبة مادافيش

 

[بنوته-توته]

بنات منوتساعدني بالمطعم

 

[بنوته-توته]

ماعرفت احل المطعم واللعاب صعبببببه

 

[بنوته-توته]

بنات وين الرجال اللي بالمطعم اللي تكلمونعنه ماشفته؟

 

[lolly]

اللي بالمطعم يكون واقف يم الباب ولما تفجين الفتحة اللي في الباب تبين ملابسه

 

[lolly]

اذا سويتي بيتزا على حسب الطلبات اللي بالورقة
وطلعت غلط لا تقطيها وحطي كل شي فيها جبن وطماط و و و كل شي ماعدا الفلفل واذا ما اخذها ساعتها ضيفي الفلفل وتحصلينه بنفس سلة الطماط

 

[lolly]

لعبة يديدة وماعرفت شلون اعلق الصورة بالطوفة عشان الليت يتحدد مع اني حطيت المسمار

لعبة الاختطاف
لعبة الاختطاف

 

[بنوته-توته]

اي شفت الرجال بس شلون اكلمه؟؟؟؟؟؟؟؟؟؟؟؟؟؟؟؟

 

[lolly]

ما تكلمينه لكن تعطينه البيتزا واهوا اما ياخذها او يقول لج نو يعني في شي غلط في البيتزا ناقص او زايد

 

[lolly]

لعبة سرداب الوحوش ... حليتها
سرداب الوحوش

 

[أحلى عطر]

بصراحة حابة أقدم شكر خاص جدا للحلوة لولي مشكوووورة حيل ونستينا وشوقتينا الله يعطيج العافية

 

[lolly]

بصراحة حابة أقدم شكر خاص جدا للحلوة لولي مشكوووورة حيل ونستينا وشوقتينا الله يعطيج العافية

عفوااا .. خدودي حمرت من الخجل .. ههه ..
انا اللي اشكرج على كلامج العسل

 

[أحلى عطر]

بلييييز حطولنا حل المطعم بالعربي أسهل و أوضح وسرداب الوحوش بالمرة:eh_s(8):

 

[lolly]

هههههههه ..
انا بطلع اروح اكمل تجهيز البيبي وارد وانشالله احطهم بالعربي

 

[lolly]

لحل الكامل للعبة سرداب الوحوش

*ضغطي عالليت ليما توضح الصورة

*لفي يسار وفتحي الدرج الثاني واخذي الورقة واتصلي عالرقم 944521644

*لفي يمين وصعدي الدرج واخذي الظرف من تحت الباب وبالمرة اخذي المفتاح الاخضر من تحت الاعلان الاول اللي عاليمين عن طريق الضغط عالزاوية اليسرى من اسفل.

*ردي للغرفة ولفي يمين واخذي الكتاب الاخضر من المكتبة وفتحيه بالمفتاح الاخضر (اختاري المفتاح اولا ثم الكتاب) واخ1ي المفتاح الاصفر من داخل الكتاب.

*لفي يمين مرتين وفتحي الدرج الاخير من المكتب باستخدام المفتاح الاصفر واخذي الكرة الذهبية من داخل الدرج.

*قربي الصورة عند سلة الزبالة اللي تحت المكتب واخذي علبة السبراي والورقة

*قربي الصورة عند المحاليل فوق المكتب واخذي القطعة الذهبية اللي يم المحاليل. وحطي داخل علبة السبري المحلول الاحمر.

*لفة يمين ورشي السبراي عالفأس واخذيه

*لفة يمين وحطي الاغراض الذهبية بالمكتبة عالرف الثاني من فوق

*فجي الظرف اللي خذيتيه من تحت الباب بتلاقين مفك براغي على شكل عين.

* سكري الليت من المفتاح اللي يم الدرج وصعدي فوق عالسقف وفتحي الليت بالمفك واخذ الليت اللي داخله.

*فجي الليت وفي يسار او يمين مرتين وكسري الباب بالفأس وركبي الليت فوق داخل الغرفة .. بيطلع لج وحش طقيه بالفاس.

* اخذي القطعة الذهبية اللي خلف الصندوقين الكبار اللي لونهم ابيض خلف الصندوق الايمن

*اخذي المفتاح الابيض فوق الصندوق الابيض الايسر


*استخدمي المفتاح الابيض لفتح القفص في الغرفة الاساسية بعد الخروج من الغرفة الحالية واسحبي الغطا من الوحش الثاني وضغطي عالغطا مرة ثانية واخذيه.

*حطي الغطا على الطاولة اللي كان عليها الفاس

* واخذي القطعة الذهبية الثانية من على يسار المكتبة عالارض.

*ركبي القطعتين مكانهم عالرف الثاني في المكتبة .


* فجي الورقة اللي خذيناها من الزبالة مكتوب عليها اتصل سالفيشن (call salvation) الحل هني انج تتصلين على ارقام الاحرف يعني سالفيشن بالتلفون النقال يصير رقمها 725828466

* اتصلي عالرقم وصدي الدرج واخذي الظرف الثاني

*فجي الظرف واخذي القطعة الاخيرة وحطيها مع المجموعة عالرف الثاني في المكتبة ومن ثم ضغطي عالكرة عشان تفتح العين ويطلع منها ليت وروحي لاتجاه الليت وضغطي عالجزء المطلوب عالطوفة راس الظل وبعد ما تقرب المنطقة المحصورة بين الظل ليما يتحدد مربع ويفتح الطوفة واخذي الاغراض منها ..

*علقي القلب عند الحديدة صوب الدرج بيطلع لج الوحش الاخير انحاشي وحطي الدوا عالوحش اللي داخل القفص عشان يساعدج.

ههههههههههههه شوفي النهاية واكتشفي انتي شنو لوووووووووووووووووووووووول

*

 

[بنوته-توته]

حبيبتي انا وصلت هني (فجي الظرف واخذي القطعة الاخيرة وحطيها مع المجموعة عالرف الثاني في المكتبة ومن ثم ضغطي عالكرة عشان تفتح العين ويطلع منها ليت)

بس مافتحت العين ليش؟

 

[بنوته-توته]

واااااااااااااي عرفت أنا منو لوووووووووووووووووووووول


شكرا ممكن لعبة ثانيه سهله ويعطيج العافيه
وناسه هذي أول غرفه انهيها

 

[lolly]

لغز المطعم

الحل الجزء الاول

*اخذي الاغراض على الطاولة اليمين (الملح والفلفل والكلينكس والمفرش والطاولة)

*ضغطي على ريل الطاولة ثلاث مرات من تحت واخذي المفتاح .. جربي عليهم كلهم انا لقيته عاليمين.

* رفعي النبتة اليسار اللي كانت ورا الطاولة واخذي السكين من تحتها وردي الطاولة واغراضها مكانها ماعدا الملح

*لفي يمين وتلاقين لوحة فوق الباب قطعي الحبل المتعلق فيها بالسكين واخذيها من الارض

*لفي يمين وفتحي الباب اليمين تحت المغسلة واخذي الفرشة مبين لونها احمر

*استخدمي الفرشة عشان تمسحين اللوحة اللي عندج وتخلينها تصير صينية

* حطي الصينية داخل الفرن عند الخطين وردي الفرشة مكانها عشان نوفر مكان فاضي

*فجي الباب اليمين واخذي ورقة الطلبات ورا الكلينكس

*لفي يمين وسوي البيتزا.
(الادوات: القفشة الكبيرة - كوب - القلاص اليمين من مجموعة القلاصات ...... بطل - جدر ...)

البطل نحط فيه ماي من المغسلة
الكوب نحط فيه طحين .. كيس الطحين نفتحه بالسكين
القلاس نح فيه شي لونه بني مادري شنو يمكن خميرة تلاقينها بصحن ازرق

*الحين ناخذ بيضة ومو اي بيضة لان في بيض فاسد .. البيضة اللي نختارها لازم تلف شوي اذا وايد ما تنفعنا يعني جربي 3 او 4 انتي وحظج ..

*زهبي الجدر وحطي الماي وبعده الطحين والخميرة والملح والبيضة وبعدها خلطيهم عدل بالقفشة

* لفي مرتين على ما تختمر العجينة وطلعيها .. اذا متضايقة وتبين مكان فاضي ردي الاغراض مكانهم ويظل عندج العجينة والسكين والملح ..

* المهم عجني العجينة بايدج بعدين ما اعرف اسمها لكنها مثل العصاية تفرد العجين

* حطي كتشب عالعجينة وقطي جبن وطماط وفلفل اخضر حلو .. .. و و و كل شي ماعدا الفلفل الحار وتلاقينه بنفس سلة الطماط .. وبعدبن حطي البيتزا داخل الفرن واخذ المطرقة من ورا الفرن عاليسار وطقي فيها الفرن عشان يشتغل.

* لما تشوفين ريال لا تعطينه البيتزا اول شي .. خرعيه بالسكين واذا انحاش معناته مو زبون ويبي يقص علينا ..
لما ما ينحاش عطيه البيتزا لما تجهز (تطلعينها باستخدام القلوفز الوردي المعلق عالطوفة) وبيعطيج ورقة حمرا علقيها عالطوفة صوب المربعات الحمرا

*اذا ما اخذ البيتزا ضيفي الفلفل الاحمر الحار وعطيه من غير ما تحطيها بالفرن.

*كرري الحركة مع باقي الزباين

يتبع الحل ...