لعبة : تخمين الإجابة قبل معرفة السؤال

[كوكب الدرر]

السؤال 12

اكتبوا لي اسم دولة خليجية

 

[حصة]

الكويت

 

[توتة27]

السعوديه

 

[كوكب الدرر]

ناطرة بعد إجابة أو إجابتين علشان أقول لكم الإجابة الصحيحة

بس حبيت أذكر ملاحظة :

وآنا اراجع الأسئلة السابقة لقيت إجابة صح حق أم عبد المحسن كتبتها في نفس الوقت اللي كنت انا

قاعدة أكتب فيه فما شفتها والسؤال كان عن الحيوان اللي نربيه وتقدر ناكله ،، أم عبد المحسن قالت

الدياية وإجابتها صحيحة فتاخذ نقطة وتصير النتائج :

توتة = 2 نقطة
فرفورة = 1 نقطة
أم عبد المحسن = 2 نقطة
جاب جونيور = 4 نقطة
غرور أنثى = 1 نقطة

 

[Gap Junior]

لووووول

يمكن لاني قاعدة اخمن شنو السؤال


البحرين

 

[كوكب الدرر]

السؤال كان يقول :

اللي بيروحون الحج أي دولة يروحون ؟؟؟

الإجابات :

حصة تقول : اللي بيحج يروح الكويت

توتة تقول : اللي بيحج يروح السعودية

جاب جونيور تقول : اللي بيحج يروح البحرين Gap Junior

الإجابة الصحيحة عند توتة :ggdw:

النتيجة النهائية : :klhfl:

توتة = 3 نقطة
فرفورة = 1 نقطة
أم عبد المحسن = 2 نقطة
جاب جونيور = 4 نقطة
غرور أنثى = 1 نقطة

ويشتد التنافس بين توتة وجاب جونيور

 

[كوكب الدرر]

السؤال 13

كتبوا لي اسم شي نشوفه بالسماء

السؤال اللي بحطه غير متوقع فكروا زين

 

[Eng.shosha]

الشمس

 

[~ miss NERD ~]

طياره

 

[Gap Junior]

غيوم

 

[من بين البشر&]

حروف الكلمه ال وسين والميم والالف والهمزه لانه قلتي غير متوقع عاد انتي طبي وتخيري من هالحروف

 

[توتة27]

الطير

 

[كوكب الدرر]

هههه
من بين البشر : انا ما اقصد اللي فهمتيه
انا اقصد اني دايما احاول افكر بسؤال ما يطري على بال اللي بيجاوبون
يعني اتوقع الكل يفكر شنو بالسما غير الشمس والقمر والنجوم
فآنا اسال سؤال ما يكون جوابه هالأشياء المتوقعة

يعني السؤال هالمرة يقول :

من وين ينزل المطر ؟

الإجابات :

ام عبد المحسن تقول : المطر ينزل من الشمس

BaSmO تقول : المطر ينزل من الطيارة

Gap Junior تقول : المطر ينزل من الغيوم

توتة27 تقول : المطر ينزل من الطير

فتكون إجابة قارئة الأفكار جاب جونيور اهي الصح وتزيد نقطة

النتائج : :klhfl:
توتة = 3 نقطة
فرفورة = 1 نقطة
أم عبد المحسن = 2 نقطة
جاب جونيور = 5 نقطة
غرور أنثى = 1 نقطة

 

[كوكب الدرر]

سؤال 14

كتبوا لي اسم شي ينشرب

:nbptr:

 

[Gap Junior]

:")


قهوة

 

[كوكب الدرر]

ناطرة مشاركتكم

 

[Eng.shosha]

عصير

 

[^_^ lollipop ^_^]

ماي ....

 

[كوكب الدرر]

السؤال كان يقول:

الياهل اللي توا مولود شنو يشرب ؟؟؟

الإجابات :

جاب جونيور : الياهل اللي توا مولود يشرب قهوة :krkrkr:

أم عبد المحسن : الياهل اللي توا مولود يشرب عصير

لوليبوب : الياهل اللي توا مولود يشرب ماي

المفروض تكون الإجابة الصحيحة اهي الحليب

لكن راح نعتبر الماي صح والعصير بعد لأن الياهل أحيانا يعطونه عصير برتقال

النتيجة : :klhfl:

توتة = 3 نقطة
فرفورة = 1 نقطة
أم عبد المحسن = 3 نقطة
جاب جونيور = 5 نقطة
غرور أنثى = 1 نقطة
لوليبوب = 1 نقطة

يالله لوليبوب شدي حيلج الحظ بدا يبتسم لج

 

[كوكب الدرر]

السؤال 15 :

كتبوا لي اسم حيوان يعيش في البحر (( غير السمك ))

:nbvppw: