لعبة التراث الكويتي ..... لعبي وتعلمي

[جويـريه]

وييييييي

نسيت اني عطيتكم كلمه

اسفه

اني ما دخلت

الخدامه يعني السكينه

والغلفط اعتقد عصب او عفس وجهه

 

[أمواج المحبه]

الغلفط = تخربط بالكلام وغلط بالكلام
صح....؟؟؟؟

 

[كوكب الدرر]

اعتقد إن جواب روزة صح

اتغلفط الشخص يعني اتخربط أو خلط بين شيين

يعني مثلا نقول : قمت أغلفط بين فلان وفلان لأنهم يتشابهون

أو اتغلفطت بين كذا وكذا

بس انتي عجيبة فراولة

من وين مطلعة هالكلمة :dddds:

 

[a7la_frawla]

غَلْفَطْ

أي غالط، عندما يقوم أحدهم بالقراءة أو الكتابة يعمد أحدهم إلى التشويش ويطلب منه صاحبه أن يكف عن ذلك التشويش بقوله: لا «تغلفطنا»، و«الغلفطة» في الحساب والحديث هي المغالطة.


هذا الصح خخخخخخخخخ
كوكب مطلعتهم من موقع والله قاعده ادور بعض الكلمات بقوقل مو موجودين انتي لا تشوفين الكلمات الثانيه لوووووووووووووول

انزين شي ثاني شنو معناة كلمة غَلْغَصْ لووووووووووووول يالله طلعوها

 

[جويـريه]

لا عاد جذي يبيلنا مترجم

 

[جننها السعودي ]]

غَلْغَصْ
ههههههههههه شو هآي
اممم يمكن شيء ان حاجة دخلت في مكان ومهيب راضية تطلع !
يعني كيذا كتابي تغلغص ورآ مكتبي خخخخخ
<~ مسسوية فيها فاهمة

 

[a7la_frawla]

ههههههههههههه بنا قلت لكم الموقع كلماته صج تضحك
جننها سعودي انتي قربتي عالمعنى راح اعطي مجال لي باجر علشان تجاوبون واذا ماجاوبتو راح اجاوب لي باجر الظهر<<<تهدد بعد

 

[كوكب الدرر]

غَلْغَصْ

«تغلغص» الشيء.. أي صعب إخراجه لكونه في مكان عسير ضيق، و«تغلغصت» اليد.. أي دخلت في فتحه ضيقه وصعب إخراجها

 

[a7la_frawla]

صح صح صح شطوووووووووووووووووووووره كوكب لووووووووول

خلاص بعطيكم كلمات سهله هالمره طلعتلي موقع سهله كلماته
شنو معناة كلمة خـّري مـّري

 

[كوكب الدرر]

خـّري مـّري = الدخول والخروج من غير إستئذان أو نظام

وفي بعض المصادر مكتوبة بالكاف :

كيري ميري :

وهو لفظ يقوله القدماء يعنون به اللف والدوران فيقول البعض مثال انا ما عندي كيري ميري يعني انا ما اعرف اللف وادور ولا اعرف الغشمره اعرف الحق وبس

 

[كوكب الدرر]

فراولة

وأنا ادور لقيت هالكلمة وعجبتني

شوفي شنو معناتها ؟؟؟



عفلنقي

 

[a7la_frawla]

اول شي يعطيج العافيه لقيتي كل الكلمات وترى في بعد وراح احطهم بعدين

عفلنقي : صفه تطلق على الشخص سئ السمعه المتلاعب
صح ولا غلط

 

[كوكب الدرر]

ايوة صح

برافوووووووو

يالله دروج

 

[a7la_frawla]

سوري مو قاعده ادش القسم وايد هالايام قاعده اتعلم عالفوتشوب

يالله مممممممممم
بضحكم شوي هههه حق منو تنقال كلمة إلهيس الأربد هههههههه

 

[كوكب الدرر]

فراولة ... أبي أتعلم فوتو شوب وياج



الهيس الأربد . . هي مقوله أو مثل غالبا ما نسمعه خصوصا من كبار السن

ومعناها لعل البعض يعرفه والبعض الآخر يجهله . . ومعناها هو " الأسد الكسول "
والكسل هي صفه واضحه عند الأسود ولعلها أحد الأسباب التي جعلت بني البشر يطلقون عليه "ملك الغابه" لأنه نادرا ما يقوم باصطياد فريسته . . في الغالب اللبؤه هي التي تقوم بالاصطياد والأسد يكون نائم تحت ظل الشجرة . . وعندما يتم اصطياد الفريسه وتأتي الوجبه يقوم الأربد لالتهامها . .

بالتالي " الهيس = الأسد " و " الأربد = الربادي أي الكسول "
وننتهي أن " الهيس الأربد" هو " الأسد الكسول

 

[a7la_frawla]

تعالي تعلمي معاي ترى سهل انا قاعده واطلع الدرروس اللي حاطينها وجرب على نفص الصور وترى سهل انا اول شي قلت صعب بس حده سهل وانا اكثر شي قاعده اتعلم المكياج وناسه لمن تمكيجين ججنج تمكيجين عيون احد لوووووووووووول

صح اجابتج صححححححححححححح

انزين شنو معنى كلمة بلاغة شف<<<همن سهله

 

[جويـريه]

تطلق على الشخص الفضولي

 

[a7la_frawla]

صح شطووووووووووووره

انزين شي يديد لمن تقال كلمة خـذ وخـل<<<<<همن سهله

 

[كوكب الدرر]

خـذ وخـل = تقال للشخص الذي ليست لديه مصداقية أو لمن يتحدث بأمور غير صحيحه

 

[a7la_frawla]

صحححح شطوره كوكب
مممم شنو معنى كلمة غَلْجْ<<<<يمكن تقولون انها صعبه بس حلها سهل