لعبة التراث الكويتي ..... لعبي وتعلمي

[كوكب الدرر]

لقيت النجر

بس كلمة مو كويتية

كلمة سعودية معناتها الهاون

صح والا شي ثاني

 

[sweet_girl96]

النجر اللي اهوا اللي يدقون فيه الهيل والحبوب المجففة
وبعض الناس تقول الهاون

 

[a7la_frawla]

انا طلعته ( النجر اداة تستخدم لطحن الحبوب )
يعني صح اعتقد الهاون عندنا انزين شطار شي يديد

شي سهل ماهو الابْريج اتمنى مع الصور اذا لقيتو

 

[a7la_frawla]

يالله بنات الجواب سهل حيل

 

[كوكب الدرر]

في الأبريج اللي يستخدمونه تكرمون بالحمام للإغتسال بعد قضاء الحاجة

وهذي صورته

وفي الأبريق اللي حق الشاي


وهذي صورته

 

[a7la_frawla]

ابْريج
الابريج هو الإبريق، ويطلق هذا اللفظ عادة على الإبريق المعدني الكبير من الألمنيوم، ولا يقول الكويتيون لإبريق الشاي «ابْريج» بل يقولون «غوري» وجمعه «غواري»، ويطلق لفظ «ابْريج» أيضا على الأباريق المستعملة في الحمامات ودورات المياه.
بعض الكويتيين من أهالي «شرق» يطلقون على «الابْريج» اسم «كيتْلي» وهي من الانجليزية (KETTLE)، ويستعمل الكويتيون «الابْريج» للوضوء أو لتسخين الماء.
* المصدر: الموسوعة الكويتية المختصرة ـ المرحوم حمد محمد السعيدان.

صح شاطره كوكب ممتازه حطيت جم معلومه عنهم


انزين شي يديد ابي اعرف شنو معناة ربادي معناتها كلمه وحده بس يالله شدو الهمه

 

[كوكب الدرر]

ربادي بعني كسلان

هذي من عندي بس بدش جوجل علشان أتأكد

 

[sweet_girl96]

صح كلامج كوكب
الربادي اهوا الكسول
وفي ناس تقوول الربادة بمعنى : الكسل والخمول

 

[كوكب الدرر]

ربادي = الكسول الذي لايعمل


يعني مثل هذا

 

[a7la_frawla]

هههههههههههههه كوكب الصوره عجيييبه لووووول

صح يعطيكم العافيه انتي وكول يالله اللحين ابي اعرف
شنو معناة طمطم عليه

 

[كوكب الدرر]

طمطم عليه = أخفى ودفن وستر على عمله أو قوله

 

[a7la_frawla]

صح شطوره
خل اغير شوي
انزين شنو اهو الطاروف؟؟؟<<<همن سهل

 

[كوكب الدرر]

هي شبكة من شباك صيد الأسماك

بس للأسف ما لقيت صورة

بروح أدور وارجع

 

[a7la_frawla]

يعطيج العافيه
وهذي معلومات زياده عنها
((الطاروف)) شبكه من شباك صيد الأسماك مستطيله سعه فتحها 2سم ويترواح 20-80 باع
وعرضها حوالي باع يعلق في أسفلها عددا من الأثقال كالرصاص لكي تلامس قاع البحر أما
الطرف الأعلي فيربط به قطع من الخشب أو (الكرب) لكي يطفو تستخدم هذه الشبكه بالقرب
من الساحل أذا كثرت الأسماك يقوم أثنان من الصادين بمسك أطرافها

 

[a7la_frawla]

وصح حتا انا مالقيت صوره

 

[sweet_girl96]

لأسف ما لقيت معلومات جديدة عن الطاروف

 

[a7la_frawla]

اوكي راح احط عن شي ثاني كافي المعلومات اللي حطيناها واذا لقيت صورتها راح احطها

شنو معناة عاقد النونه الكلمة حلوه خخخخخخخ

 

[كوكب الدرر]

عاقد النونه = الشخص الذي يقرب حاجبيه إلى بعض تعبيرا عن الزعـل


وهذي صورة ياهل عاقد نونته

 

[كوكب الدرر]

يلا فراولة اللي بعده

 

[a7la_frawla]

هه شحلات الصوره شاطره صح
انزين مممم شنو معناة غَلْفَطْ شوي صعبه مو وايد