لعبة التراث الكويتي ..... لعبي وتعلمي

[a7la_frawla]

الماي سجي .. والماي ثبر..؟


(الماي سجي) مصطلح يستخدمه اهل البحر ويطلق على البحر عندما يكون في حالة المد

(الماي ثبر) مصطلح يطلق على البحر للدلالة على حالة الجزر..

يوم يتراجع ماي البحر يسمونه ثبر.
ويوم ينترس البحر يتقدم للامام يسمونه سجي..

والسجي والثبر يكون يوميا تقريبا اما في الليل او في النهار..


فوائد السجي والثبر ..

1- بالنسبة للحدق (الصيد بالخيط)::

اذا كانت الماي ثبر يستخدم الصياد طريقة معينة للصيد بالخيط وتسمى ( التدمينه)..

التدميـنه
يكون البلد (الثقل-او الرصاص) بعيدا عن الميدار بمسافة طويلة نسبيا ..تقريبا 3 ابواع "الباع هو المسافة من طرف اليد اليمنى الى طرف اليد اليسرى وهما ممدودتان بشكل افقي" . ... وفائدة الصيد بالتدمينه ولمذا يكون في حالة الثبر يرجع السبب الى انه عند الصيد بالطرق الاخرى مثل الصاروخ او بوالريش والبلادي ما يستقر او يصك الطعم او البلد في القاع فيتم يسحب الخيط بحيث ماتكون هناك فائده من العملية..



حطيتهم لان لقيت معلومات حلوه عنهم

وانا راح افصل وراجعه لكم بعدين

 

[بيه كويتيه]

لوووووووووووول مادري والله جنه نوع من انواع السمج؟

 

[a7la_frawla]

عندي صور لهم انزلهم لمن ارجع

 

[كوكب الدرر]

بيه شكلها توهقت مو لاقية صورة

اما تعريفهم فكلمتين بس

 

[a7la_frawla]

اي صح كلمتين مد وجزر لوووووووول الصور سهله بيه خلاص اخليهم عليج اذا ماطلعتيهم بعدين انزلهم ههههههه

يالله برب راجعه لكم

 

[كوكب الدرر]

فراولة

انا قررت أرشحج للعمل كمدرسة اجتماعيات

عطيتينا معلومات كافية ووافية عن السجي والثبر اللي اهم المد والجزر


اشرايج نروح الحداق انا وياج لما تصير الماية سجي


:krkrkr:

خخخخخخخخخخخخخخخ

 

[a7la_frawla]

ههههههههههههههههههههه نروح ليش لا عاد الخميس رايحه الشاليه يعني في حداق عاليال لووووووووووووووووول موبالطراد لا بعد اعرف خخخخخ

 

[كوكب الدرر]

يالله فراولة

ما راح انزل صور بنطرج لما تردين وتحطينهم

أو نعطي بيه فرصة تحطهم لنا

 

[بيه كويتيه]

لوووووووول لا توهقوووني لا لا

 

[a7la_frawla]

لووووووووووووول كاني رديت اللحين انزل الصور

المـــد

المايه يايه الجزر

اذا موعاكستهم عاد لووووووووووول

 

[a7la_frawla]

يالله كوكب شي يديد

 

[a7la_frawla]

هذي صور اوضح حق الظاهرتين

[/url][/IMG]


هذي اللي فوق المد


وهذي اللحين الجزر

[/url][/IMG]

 

[a7la_frawla]

يالله كوكب شي يديد لووووووووووول

 

[كوكب الدرر]

فراولة ......

الظاهر بس انا وياج اللي بنلعب اللعبة

خخخخخخخخخخخ

ما عليه

اللي يدخلون الموضوع راح يشوفون الصور ويستفيدون


يالله فراولة حطيلنا صورة

الدندرمة

 

[كوكب الدرر]

لووووووووووووول كاني رديت اللحين انزل الصور

المـــد

المايه يايه الجزر

اذا موعاكستهم عاد لووووووووووول

ترى صح انتي عاكستهم

لأن الماية ياية يعني المد اللي اهو السجي

 

[a7la_frawla]

اي زين يعني صح
اوكي خليني ادور الشغله اليديده واردلج ترى صح بس انا وياج لووووول يالله الباجي يستفيدون لمن يقرون هههههه

 

[a7la_frawla]

دندرمه هي تسمية تطلق على البوظة أو الآيس كريم وهي لفظة تركية " طو كديرمه " ، وكانت الدندرمه يعمله صاحبه في المنزل وبعدها يضعه في المطـّارة الخاصة له وهي من نوع أم نسر (EAGLE ) والتي عرفت في الكويت قديما ، وكان هناك أنواع من حافظات أم نسر فهناك للماء وأخرى للثلج ونوع للآيس الكريم والتي تتميز بشكلها الأسطواني ووجود فتحة بالأسفل (صنبور) لصرف الماء الذي ينتج عن ذوبان الآيس كريم ، وكذلك حجمها اكبر من الحافظات الأخرى إذ يبلغ ارتفاعها70 سم وقطرها 30 سم ، وتتميز هذه الحافظات على وجود طبقة من رقائق الزجاج بالداخل للحفاظ على درجة الحرارة وقد عزلت هذه الرقائق الهشة من الزجاج عن اسطوانة الصفيح الخارجية ببعض نشارات الخشب كي تحمي تسرب حرارة الجو .

وكان بائع الدندرمه يتجول بين الأحياء حاملا ً المطـّارة ويصوّت على بضاعته ( بَـرّّّْد ) ومرة يقول ( برّد على اكْليبكْ يا ولد ) ومرة ( دُنـْدَرْمَـِبوزْ ) ، وحين يتجول يتجمع عليه الأولاد والصغــار حاملين معهم صحون صغيرة ليشتروا منه .
عربانة مَهـْدَلي وَســـــَط الطـّريـــجْ عنـده ِدنْـدَرْمَهْ حَمَـرْ آه يا سلام
صيحِتـَه( دندرمه بوز) اتـْمِزْ الرّيج يا ولد( بـّرد على اكليبك) دوام
ِيِنـْـسِمع صوتــــه يلعْـلعْ بالفريــــج يجذب اليَهال من شوق وغرام
وكان من أشهر الباعة في الكويت أيوب يوسف الغريب وكان يبيع في منطق الشرق وفي الخمسينات انتقل إلى ميدان حولي ، وكان يمتلك ثلاثة حافظات فقدت أثناء الغزو الغاشم وظلت عنده ذات اللون الأزرق التي تعرضت للتشويه والخدش وأصبحت ضمن مقتنيات حسن أشكناني.


هذا كل شي عنها لووووووووووووووول اتمنى يكون صح عاد


هذي صوره لقيتها بالمنتدى كاتبين عليها (((مهدلي يبيع الدندرمه))لوووووول

وهذي صورة الدندرمه(( الايس كريم ))

 

[كوكب الدرر]

جوابج صح 100 %

بصراحة انا لما حطيت الموضوع توقعت إجابات مختصرة ما تزيد عن سطر أو سطرين

بس انتي ما شاء الله عليج قاعدة تعطينا شرح وافي

وقاعدة تحطين لنا معلومات ما سمعنا عنها من قبل

شكرا فراولة

يالله نروح حق شي ثاني

 

[a7la_frawla]

حبيبتي تسلمين بعد عمري والله
يالله نروح

 

[كوكب الدرر]

ما هي.......

الصفرية