لستتي آلنيووو من الكتب :)

[غيدآء]

شكرا عزيزتي

بالنسبه لروايات اجاثا اللي خذيتهم لي الحين ما ابتديت فيهم..

لكن انصحج كـ بدايه لج بروايات اجاثا كريستي ( جريمه في بيت الطالبات + جريمه من الماضي + فنجان قهوه )

 

[miele]

قوة يا حلوة .. شرايج بالكاتبه دانيال ستيل .. انا عن نفسي شريتلها روايتين اللي اهمه منزل في شارع الامل ... ورواية خمسة ايام في باريس .. مادري ماحبيت طريقتها في سرد الروايه احسها تطول السالفه حيييل .. وما تشوقج للنهايه تخلييج باااردة .. حلاته الروايه تدخلج بمووود القصه وتحسين انج حاسه باحساس الابطال .. هذي مووليه كلش ماحبيت رواياتها

انتي شرايج باماديا روايتها

 

[غيدآء]

هلا حبوبه

اماديا حبيتهاا كثييييير...انا معاج انه سردها طوويل ومتعب ويملل في بعض الاحيان...لكن كقصه واحداث حبيتها وتلاقين رايي بموضوع الاخت ليلوو بنفس القسم موضوع النقاشات...

وان شالله اكون افدتج

وحياج الله^_^

 

[عسولة وكتكوتة]

حبيبتي بما انج خبرة بالروايات ودي بقصة حب فيها شطانة شنو تنصحيني فية لان اغلبهم مليقين صراحة

 

[غيدآء]

والله حبيبتي ماعندي خبره بقصص الحب لاني ماحبها بصراحه

تقدرين تشوفين قسم الروايات والقصص يمكن تلاقين الي تبينه

 

[6αl 3uмянα]

-

مبين عليهآ حلوه =)

بس مآ في مثلهآ مترجمه

قرآءة ممتعه


​

 

[غيدآء]

ايييه حييل حلوه حبيتهااا

وماعندي فكره والله لو في منها مترجمه...لكن حتى لو فيه ماراح تكون بروعة اللغه الاصليه ^_*

ونورتي ياحلوه

 

[عادت ذكرياتي]

أبي رايج بالروايات الانجلش اللي ذكرتيها لا هنتي حبوبة

 

[غيدآء]

اهلا عزيزتي

بالنسبه للروايات الانقلش..

خلصت من مفتاح ساره ومثل ما قلت رااائعه..اذا تحبين اسلوب الدمج الحاضر بالماضي والعكس بالاحداث انصحج فيها..خصوصا انها مبنيه على احداث تاريخيه واهي الحرب العالميه الثانيه..

وحاليا اقرا 10 اشياء احبها عنك...وبصراحه ممتعه ..رومانسيه كوميديه...بس اخلص منها اقول رايي النهائي عنها..وطبعا الاحداث بالزمن القديم الارستقراطي

 

[Sweet.Heart]

وااو ننطر الرفيوز​

 

[غيدآء]

نورتي

 

[دلع الكون]

عليج بالعافيه الكتب

 

[هوية غريب]

بالعافية عليج كتب أجاثا كريستي .. هذي بالنسبة لي صديقة الطفولة

ورود ملونة لعلياء الكاظمي موجودة عند اختي وقريت كم صفحة منها .. بصراحة الرواية مو سيئة بس حسيت كأني أطالع مسلسل كويتي

شدتني رواية سيسيليا أهيرن ومفتاح سارة

ياريت تقولين لنا عن شنو هالروايتين ..

وبالعافية عليج

 

[مآكله الجو]

عليج بالعآفيه

 

[M!SS EV!L]

غيدااء بالنسبه لـ مطبوعات اجاثا كرستي جرير صج ممتعة بس مقطوعة يعني ما تنكتب الجريمة بالتفصيل :/ يعني بس ندري انه الشخص انذبح انزين اشلون اشصار ما ندري وللحين جاري البحث عن شي يوازي مطبوعات جرير من غير حذف بعض النصوص

انا قرئت قصه من هالنسخ اللي اهي من جرير (واختفى كل شئ) واايد حبيته بس +_+ مقطع وهذا الشي مزعج بالنسبه لي

 

[غيدآء]

هلا حبيبتي شلون مقطع!

اممممم مادري انا قريت كل مطبوعاتهم من ناحية قصص اجاثا كامله اخاق المشكله متاصله ببعض المطبوعات....


زين انتي اول مره تقرين لاجاثا اخاف مافهمتي اسلوبها!

لانه اهي تخلي الجريمه تصير فجاه وبعدين يطلع التحليل وشلون انقتلت الضحيه من خلال الاحداث !

 

[غيدآء]

بالعافية عليج كتب أجاثا كريستي .. هذي بالنسبة لي صديقة الطفولة

ورود ملونة لعلياء الكاظمي موجودة عند اختي وقريت كم صفحة منها .. بصراحة الرواية مو سيئة بس حسيت كأني أطالع مسلسل كويتي

شدتني رواية سيسيليا أهيرن ومفتاح سارة

ياريت تقولين لنا عن شنو هالروايتين ..

وبالعافية عليج

رواية سيسيليا لي الحين ما بلشت فيها

رواية مفتاح ساره تهبل الروايه...وانا كاتبه عنهاا باحد المواضيع المثبته بس راح اقولج عن شنو ولا يهمج...

اهي القصه تتكلم عن عائله يهوديه في فرنسا ايام الحرب العالميه الثانيه وشلون تم اجلائهم من ناحية الاحتلال الالماني لانه تعرفين هتلر كان معادي اليهود...

والعائله مكونه من ساره واخوها الي اصغر منها وامها وابوها..لمه يتم امرهم بالرحيل ساره تخش اخوها بالدولاب وتقفل عليه على اساس انه بيردون له لانها طفله ماتدري شنو بيصير وكانت تبي تحمي اخوها ....

اهني تنتهي القصه من ناحية ساره وعائلتها تمر سنين وسنين وفجاه تنتقل الروايه الى الصحفيه الامريكيه بالزمن الحاضر اللي تبي تسوي تقرير عن اليهود المهاجرين واسباب هجرتهم فا تسافر مع زوجها الفرنسي لباريس وتسكن بنفس الشقه الي كانت عائلة ساره ساكنه فيها بس شلون تتعرف الصحفيه على قصة ساره وهل اخو ساره تم عايش او شنو صارله مابي احرق عليج الاحداث اقريها وبتعرفين شنو صار

 

[M!SS EV!L]

هلا حبيبتي شلون مقطع!

اممممم مادري انا قريت كل مطبوعاتهم من ناحية قصص اجاثا كامله اخاق المشكله متاصله ببعض المطبوعات....


زين انتي اول مره تقرين لاجاثا اخاف مافهمتي اسلوبها!

لانه اهي تخلي الجريمه تصير فجاه وبعدين يطلع التحليل وشلون انقتلت الضحيه من خلال الاحداث !

:bbbiu:

اناا افهمك ليش حسيت انه في جزء حذف من النص

انا هالروايه وايد عجبتني وقراتها مرتين :/ واختي قراتها مرتين بس مره من النت ومره من الروايه اللي عندي وورتني الاختلاف وحتى بنت خالي خبرتني بهالشي

مثلاا الجريمه القتل لا تفصل مثل دار النشر الاخرى

مثلاا في مقطع بالرواية الخادم يموت ويرمونه بالبير وبس ما يشرحون اشلون مات :eh_s(10):

وبروايات اخرى معطينج شرح انه تم قتله بادات حاده وتم قطعه الى نصفين وإلقاء جثته بالبئر

مع انه روايات جرير وايد مرتبه وترجمتهم حلوه بس هذي عيبها قعد احس انه جزء من النص حذف في احد صادف هالمشكله

ان شاء الله العيب بس بنسختي :eh_s(2):

ان شاء الله اكون مخطئة لانه جد الاشياء اللي قامو يترجمونها كلها مميزه

 

[Ronnie]

امم روايةة سسارة حييل اعجبتني احب القصص اللي جذي
بس انا اعرف انجليزي ولا مرةة جربت اقرا قصص انجليزية
وو ان ششآء الله راح اشتري لآجاثآ كريستي

 

[بنتج يآكويت]

قراءة ممتعة
بالنسبة لرواية هشامة أكثر من رآئعةة
و هم ورود ملونة حلوو بس من زمان عندي يعني ما نزلوا يديد ؟
و مشكووووورة