لساني يبيله قص.....

[أمل q8]

مساء الخير



خلووني أدش بالموضوع أنا فيني طبع خاااايس حيل حاولت أغيره ماقدر فيني طبع العصبيه ولاعصبت قطيت الحجي بدون حساب وبدون كنترول وأدري هالشي يأثر بس حاولت أمسك نفسي ماكو فايده عصبيتي موطبيعيه علي أتفه الأمور وسبحان الله أحس صرت منبوذه والواحد قام يتحاشاني بسبب لساني الفالت والحجي أللي أقوله واقعد أتحجي بحجي ماله معني وأذكر أللي أتهاوش معاه بسوالف قديمه صارتله مادري شلون أغير هالطبع الخايس؟؟؟​

​

 

[..<< ندى الورد >>..]

رد : لساني يبيله قص.....

حبيبتي قبل اول ما تعصبين غيري وضعيتج

يعني اذا كنتي واقفه قعدي واذا كنتي قاعدة وقفي
او اطلعي من المكان بكبره

وقبل ما تبدين بالكلام عدي من 1 الى 10 لين تهدى اعصابج
او استغفري

 

[(كويتيه عسل)]

انا عكسج طبعي هاديه قبل كنت كلا ساكته الحين صايره قرقه بالدوام وايد اسولف

موحابه طبعي ابي ارد مثل قبل شحلاتي المهم شوووووووووووووفي حبيبتي

انتي يبيلج تمرين ووقت شوي شوي على ماتتعودين

اول شي لازم توضحين حق اللي تعرفينهم ان انتي لما تعلقين موقصدج تجرحينهم

انا مااعرفج بس اعرف ان الانسانه الطيبه اهيا اللي تلوم نفسها وماتحب تضايق الناس

واذا قطيتي كلمة وحسيتي ان اللي جدامج زعلو اعتذري وقوليلهم موقصدي بوقتها وووضحي وجهة نظرج

انتي مشكلتج تعليق وتردين بسرعه عودي نفسج على هالتمرين لما تسمعين سالفه او احد قالج كلمه

قولي 3 مرات سبحان الله العظيم سبحان الله وبحمده بعدين ردي

واذا حسيتي نفسج معصبه وانتي قاعده قومي اوقفي واذا واقفه قعدي او تحركي وغسلي ويهج بماي او شربي ماي

واذا عصبه حيل قولي اعوذه بالله من الشيطان وقولي لااله الا الله محمد رسول الله العصبيه اللي فيج تروح

 

[سارونه*المزيونه]

رد : لساني يبيله قص.....

للاسف ماااا اقدر افيدج لاني مثلـــــــــــــــــــــج وابي حل :eh_s(13):

 

[So0oKaRa]

الله يعينج بس انتي تقولين تحسين انه الناس قامو يبعدون عنج بسبه هالطبع يعني هذا سبب قوي يخليج تخفين من عصبيتج
بصراحه انا وحده من الناس اللي اتحاشى الناس العصبيين
وعلى فكره انا عصبيه بعد بس غصبا علي اتحكم بأعصابي جدام الناس عشان ما يكرهوني او يزعلون مني
واكيد انتي ملاحظه على نفسج انه بعد ما تهدين تندمين على الكلام اللي قلتيه وانتي معصبه
وادري شي صعب انج تتمالكين اعصابج بس مع التدريب والايام راح تخف عصبيتج ان شاءالله

 

[كوشيه فوشيه]

رد : لساني يبيله قص.....




كل مايصير شي يضايقج ويعصب فيج


تذكري انه مافي شي يستاهل تعصبين عشانه


ولا تبقين قاعده بنفس المكان اللي عصبتي فيه



حاولي تغيرينه واشغلي نفسج بإي شي


عشان تنسين بس قبل هذا كله لازم تكون عندج اراده انج تتغيرين


لانها اهم شي والله يهديج يارب

 

[مابنكسرصابره]

رد : لساني يبيله قص.....

هلاحبيبتي والله العظيم كانك تتكلمين عني انا بس الفرق انا اعتذرللشخص والحمدالله ماينفرون مني واللي مزودعصبيتي القولون متعبني كثيرماقدرامسك اعصابي انا لساني مايبي له قص يبي له منشار من طوله سبحان الله الانسان العصبي دايم يكون طيب وحنون حيل وحساس جدا انا كذا وانا حاسه انتي نفس الشئ اعتذري من الناس اذا غلطتي عليهم راح يحبونك ولاينفرون منك وعلى العصبيه ان شاء الله البنات يلاقون حل لك ولي الله يعينا انا احيان والله لما اعصب على انسان وبعدين اندم احسه مايستاهل ادق عليه ابكي والله وانا اعتذرله مامسك نفسي الله يبردقلوبنا يارب

 

[✿¸3ώẪṧĤ»]

رد : لساني يبيله قص.....

أنـــــــآ نفسج و أبـــــي الحل :!!!


​

 

[Pearl Qatar]

رد : لساني يبيله قص.....

ههههههههههههههههههه


قصي لساني ويأج

الؤؤؤؤؤؤؤؤؤل << غشمره


اذا عصبتي ع طول استغفري واستغفري واستغفري واستغفري واستغفري وبس هذا هو الحل

 

[شقرا كويتيه]

رد : لساني يبيله قص.....

خخخخخخخخ مي تو نبي حل

 

[( المـلاك )]

رد : لساني يبيله قص.....

حبيبتي اول شي دربي نفسج
جدام اي موقف بايخ
سكتي
وقعدي بينج وبين نفسج فكري شغلي نفسج
لا تردين
حتى لو بتردين
سكتي مسكي نفسج
يوم يومين ثلاث راح تتعودين
انج تسكتين
لين عقبها حاولي انج تتكلمين بس بكلام موزون
و لما تصير مواقف مفاجئة نهائيا ماتقدرين تتحكمين بنفسج
اخذي نفسج و روحي او قعدي او امشي لا توقفين جدام هالموقف
لين تحسين نفسج ارتحتي شوي او طخت الطاقة عندج ردي قولي اللي بقلبج بس وقتها يكون كل شي بهدوء

و من ناحيه انج ما تنسين اللي يصير و تذكرين باشياء قديمة
حطي ببالج وفكري فيها بينج وبين نفسج
انه ماكو انسان كامل ، واكيد انتي بيوم من الايام عندج مواقف
و تموتين لو احد يذكرج فيها ،
ففكري فيها بمنظور اللي ما تحبينه لنفسج لا تحبينه لغيرج

و اهو كل شي بالاراده
والهداوة اول المشوار باذن الله

 

[ber00]

رد : لساني يبيله قص.....

حبيبتي قبل اول ما تعصبين غيري وضعيتج

يعني اذا كنتي واقفه قعدي واذا كنتي قاعدة وقفي
او اطلعي من المكان بكبره

وقبل ما تبدين بالكلام عدي من 1 الى 10 لين تهدى اعصابج
او استغفري

اتفق مع اختي تعب قلبي صح كلامها

 

[*ريما*]

رد : لساني يبيله قص.....

قبل لاتنطقين بشي
استغفري

 

[نور مغليها]

رد : لساني يبيله قص.....

اول ما تحسين انج عصبتي قومي وطلعي من المكان الي انتي فيه عشان ما تقطين كلام وتندمين ...
او حاولي قد ما تقدرين انج ما تعصبين يعني الشي الي يعصب فيج تحاشيه واتركيه ...

 

[الحسن كله]

انا جتني فتره من الوقت صرت عصبيه حيل وأتهاوش مع اللي جدامي وأقول كلام ماله داعي وأبالغ بالردود وأجيب سوالف من الماضي نفس وضعج وبعدين إكتشفت إن السبب بعصبيتي كانت الضغوط لأن ذيج الفتره ماكان عندي خدامه وبناتي مرضو وزوجي كان مسافر يعني حسيت بضغوط أثرت على نفسيتي حاولي تعرفين السبب الأساسي ورى عصبيتج يمكن تكون من ضغوط نفسيه أو مسؤليات زايده أو جرح بقلبج هو اللي مخليج تفرغين هالشي بالعصبيه وحاولي تفكرين قبل لاتعصبين بالإنسان اللي جدامج لأن بعض الناس مايستاهلون منج هالشي.. والله يارب تخف عصبيتج ويحققلج اللي تبين​

 

[المرتاحة]

شوفي حبيبتي انا كان فيني الطبع هذا بس ماكان بصورة كبيره الحمد الله

بس من كذا موقف صار لي جرحت ناس اعزها واااايد و هالشي واااايد ضايقني طبعا بعد ما هديت

الحين قمت من اعصب على شي اول ما افكر فيه العواقب الوخيمه اللي راح تترتب عليها هذي العصبيه بدون ما احس فا ابدا امسك لساني و اتعوذ من ابليس

ثانيا أكون على يقين ان اللي قاعد يصير لي هو اختبار من الله علشان جذي ابدا استغفر

ثالثا امشي على وصايا الرسول عليه الصلاة و السلام بما معناه (ليس الشديد بالصرعه انما الشديد الذي يملك نفسه عن الغضب)

( ليس المؤمن باللطعان ولا اللعان ولا الفاحش ولا البذيء) الفاحش معناتها اللي يسب بالفاظ مو زينه مثل المسبات اللي نسمعها واسمحيلي اقولها مثلا وحده تسب يا كلبه يا حماره يا غبيه الخ

وصايا الرسول عليه الصلاة و السلام للغضبان اذا كان واقف يجلس و اذا جالس يضطجع واذا ماكو فايده يتوضا بس الحمد الله انا ما وصبا لهالمرحله اني اتواضا

و خليج على يقين ان حقج ماراح يضيع لانج بين ايدين رب عادل

 

[غداً القاك]

رد : لساني يبيله قص.....

اتبعي ماقاله الرسول صلى الله عليه وسلم
الوضوء وتعوذي من ابليس واطلعي من المكان اللي فيه الهوشه
والله يوفقك

 

[حجيه هيونه]

رد : لساني يبيله قص.....

احسن شي تتركين المكان الي انتي فيه لين تهدين


وتعوذي من ابليس بحزتها لانه يسيطر عليج وتقوم تقطين كلام غلط بحق الناس الى حولج

 

[angell]

رد : لساني يبيله قص.....

العصبيه من الشيطان تعوذي من الشيطان الرجيم
والعصبيه ماتفيد بشي لان اول شي انتي راح اتعبين نفسج والي حواليج وثاني شي راح تخسرين حقج وتخسرين الناس شوفي انا لمه اعصب من موقف اسكت او اكول للمقابل مشكور هو راح يحس بغلطته واكون انا صاحبه الحق

 

[angell]

رد : لساني يبيله قص.....

العصبيه من الشيطان تعوذي من الشيطان الرجيم
والعصبيه ماتفيد بشي لان اول شي انتي راح اتعبين نفسج والي حواليج وثاني شي راح تخسرين حقج وتخسرين الناس شوفي انا لمه اعصب من موقف اسكت او اكول للمقابل مشكور هو راح يحس بغلطته واكون انا صاحبه الحق