لخبيرات الخطبه تعالوا ابيكم

[مزيوونه حيل]

من اسبوع انخطبت وجا الولد يشوفني شوفه شرعيه واتصلت امه من باجر عشان تعرف رايي وقالت اني عجبت ولدها وروحوا اسألوا عنه .. اخذنا عنه معلومات وسألنا واستخرت ووافقت...


الحين الشئ اللي مأزمني... اتصلت عليها امي اليوم عشان تقول لهم خل الرياجيل يتفقون واحنا موافقين بس الأم ما ترد :eh_s(16):
صحيح امي اتصلت 4 رنات فقط وسدت التلفون خافت انها مشغوله.. بس شنو العمل الحين؟ اخلي امي ترد تتصل فيها ولا ننتظرهم يتصلون ولا شلون؟ اخاف انهم هونوا :eh_s(16):
ميته اعرف ليييش ما ترد .. ولو انهم مهونين المفروض ترد وتقول مافي نصيب صح؟ :gr4uu:
دعواتكم بليز

 

[رفيف الخير]

عادي حبيبتي يمكن ظروف او ماكان التلفون بجنبها الحين الاحسن انكم تنتظرون لانهم بيشوفون الرقم ويعرفون انكم متصلين عليهم ولا تحاتين اطلبي من الله ان يقربه ان كان خير واذا كان مو من نصيبك فنصيبك بتلاقينه ان شاء الله*

 

[يتيمة جابر العز]

شسالفه التطنيش الخطبة كثرانه هالايام !!!

سلوم العرب تغيرت !!!

توها صايره مع وحده من رفيجتي المشكله الرياجيل اخطبوا رسمي تالي طنشوا !!!!

بعرف الناس ما تستحي على دمها ولا كرامه الناس بالطقاق !!!


أختي عيب تدقون عليهم مفروض هم الي يدقون وان مادقوا بالي ما يحفظهم !!!!!

 

[امـ خــزامـى]

^^^
انا معها

عندنا عيييب نتصل اهل الولد هم يتصلوووون

وااصلا الشوفه تجي عقب السؤال
وخلاص اول مايشوووف البنت يقول ابيها يحددون الملكه
او يتصلون بعد كم يوم

فايقولون حددوا الملكه او مافي نصيب

 

[غآب نورك ~]

المفــرووض ما ادقون عليهــم


عشان ماتبينون انكم ميتين عليييهم @@

اذا يبووونج صـج راح يدقون ويتأكدون

 

[ghadeerq8]

لاتستعجلين بالحكم عليهم يمكن لمه والدج اتصلت ام الولد ما اسمعت التلفون حبي امانه طمنينا ان شاء الله تفرحينا
والله يتمم عليج ياااااااااارب

 

[ghadeerq8]

ان شاء الله يتصلووون اليوم

 

[حبيبي مالكني]

يمكن ماردت عندها ظروف
اذا امج اتصلت على موبايل الام يعني رقمكم ظهر عندهم
اذا جذيه لازم اهم الي يتصلون فيكم
لا تبينون لهم قاطين روحكم عليهم
والله يسوي الي فيه خير وصلاح لج

 

[M!SS.LOBY]

المفروض ما تتصلووون لا تعطونهم أكبر من حجمهم

اذا الله كاتب لج نصيب بتأخذينه

 

[طيبة83]

والله على حسب العادات

لازم ام البنت اتدق تعطيهم الموافقه احنا عندنا عادي



عاد عن موضوع التطنيش اعرف وحده من اهلنا عمرها فوق الثلاثين خطبها واحد وكلنا فرحنالها لانها تستاهل وبحكم سنها بعد

بعد بعدين اهل الزوج طنشوهم

والله حراااام تعشمون البنت اشوله



صاحبه الموضوع ان شاء الله الام ترد

ودام اتصلت ع طول من شافتج معناه يبونج

 

[عزوتي خمس صقور]

ان شاء الله تتصل وتفرحكم ويتم كل شي على خير

 

[PuPa^^SWeeT]

خلاص لاتدق امج


كافي اتصال مرة وحدة


والبيوت اغلبها فيها كاشف و الموبايلات بعد



فا عادي كملي حياتج لين يدقون



يمكن صارت لهم ظروف

 

[زوجة عزيز]

الله ايسر امورج

 

[.. روحي تحبه ..]

..

عاادي يمكن انشغلت ..
وأتوقع متى مافضت راح اتدق ..
بهالفترة ادعي إنه الله يكتب الخير ..
وإذا ماصار نصيب مع هذاا أكيييد خيرة لج ..
الله يوفقج ..

..

 

[كويتيه فرنسيه]

احنا عندنا عيب تدق الام على اهل الولد

انا اقول طنشوهم دقو اهلا وسهلا مادقو مايشوفون شر

ترا في ناس تخطب عبط بس يعطون البنت امل وتالي يسحبون واذا شافوكم تدقون بيستانسون يحسون انكم ميتين عليهم وسحبو

اما اذا كان عندهم ضروف فالله يسهل عليهم ونفرح فيج يارب

 

[دلوعةمآمآ]

لا خلاص لاتتصل امك ,,انتظروا ام الولد تتصل

واذا لك نصيب بتأخذينه إن شاءالله

ربي ييسر لك ِ كل اموورك

 

[orange blossom]

انا ما أأيد اللي قالو ليش انتو تتصلون عليهم
بالعكس هاذا من حقكم
و يبين قيمتج عندهم
و اهم ناطرين منكم جواب لأن الراي الأخير صار عندكم
على العموم انتو نطرو شوي
يمكن عندهم ظروف
بس لاتدقون عليهم
اهم الحين المفروض يدقون
و الله ييسر اموركم يارب
و تبشرينا انشالله

 

[Rooz Aziz]

جم صارلهم مكلمينكم


ع الاقل اسبوع الى شهرتقريبا

 

[طيبة83]

وين اختفت

صاحبه الموضوع

بشري؟

 

[%دانة%]

الله يكتب لج اللي فية الخير وييسر امورج