لحقو بنات شوفو رئيسة القسم شنو قالتلي

[الناعمة]

والله هالاوادم مو صاحين والله ما أطلب من اختي جذي اشلون من زميلة !!!!! طن طن طنشييييي

 

[حبووبة 76]

هاذى استغلالية

 

[أم الدلال]

ان لم تستحي ففعل ماشئت

 

[عباير]

واااااااااااااااااااااي
مشرفات اخر زمن
حبيبتي مالها سنع تطلب منج
بس اسمحيلي اقول انتي بعد غلطتي شكو تقولين لا فظيتي؟

المفروض من البدايه قلتي كانج تضحكين (( من صجج انا ما كتبت لعيالي ))

راح تندقر وما ماراح تعيد الطلب



هذا الناقص بعد

 

[نجمة سهيل]

فدددددددددددددديييييييييييييييتج ام الدني اي عادي خووو السالفه حاشتني معاااااج مو شي يديد اشوا ماقالتلج انتي بالاوعي

 

[نجمة سهيل]

من صجها هذه والله يازينة انقهرت عليج صج عشنا وشفنا صدقيني اذا سويتي لها الي تبيه ما راح تخلصين لكن اذا ماعطيتيها وجه راح تزعل اشوي وتنتهي السالفة مع الوقت اشوى من كل يوم سوي ولا تسوين لعيالي الحمد لله والشكر صدقيني سوي لنفسج هيبة احسن ماتجسر عليج شيفكج عاد انا مثلج استحي بس صدقيني تعبت نفسيتي ناس ما تستحي ما اقدر اجاريها طول العمر ناس ما تقدرني شلون اقدرها طولت عليج بس والله من حرة قلبي حسيت فيج ياعمري والله يوفقج ولا تكبرين السالفة انتي قدها وقدود تقدرين تفرضين هيبتج واحترامج ان شاء الله واعلى ما بخيلها تركبه

حبيبتي ماشفتي شي انا معاها بنفس القسسسسسم عيييييييييييييززززززززززززززنننننننننننااااااااااااا ندققققققققررررررررررررررر فييييييييييييهااااااااااااااا ماكووووو فاييييده مننننننجججججججججججججججببببببببب:cxxxp:

 

[نجمة سهيل]

زززززززززززززززززيييييييييييييييييننننننننننننة قلبييييي ويييينج يايباااااااااااااااا .... لوووو انحط المواضيع الي تصير بالقسسسسم بشيييييييييييييب راسهم ستري على ماوايهتي

 

[om mariam]

شوفي يالحلوة لا تسكتين علشان لا تتمادى بعدين وطنشيها
كله سوي روحج ناسيه

 

[بنات حواء2]

خرعتيني من التخصص
و الله يعينج على رئيسة القسم الهمجيه

 

[قوطي نيدو]

الله يعينج

 

[paraka]

عندكم ورشة وحالتكم حالة وتطلب منج هالطلب ..أنا لو منج أحرجها وأقولها إنتي من صجج ولاتتغشمربن

 

[mi corazon]

غلطانه الله يهداج....لييييييييييييييييييييش ماطقيتي الحديد واهو حامي

ماراح اقول لج المفروض والمفروض .. لأن المفروضات اللي كنتي لازم تسوينهم وايد

بس الموقف خلص

خلي علاقتج وياها عاديه جدا ... ولا تبينين لها انها السلطه كلها

شنو حاطع السجين على رقبتج؟

والله ماحب احد جذي

الناظرة قعدت تنتقد ولا عطتني فرصه ماخليتها تكمل .. طلعت ابجي واهي تتكلم .. بس علشان ماخليها تحسن بدموعي

وكنت بغيب ثاني يوم .. بس ماغبت مع اني كنت مريضه بس علشان ما تحس انها كسرتني


حبيبتي .. اللي طلبت منج طلب بهالشكل مره .. ولقت ردج مو صارم

اضمنلج راح اترد تطلب منج


ليييييييش انتي بالذات؟؟؟ أكيد لمست فيج شي .. يا انج خجولة .. او منقاده .. او طيبه وخدومه زياده عن اللزوم

لي ياتج المره اليايه وطلبت منج اي طلب خارج نطاق العمل .. قولي لها ..

بصوت واضح .. مو توطيت صوتج


آسفه يا ابله فلانه ... ولو سمحتي ما اسمحلج تهينيني بهالشكل مره ثانيه .. لأنج تأمريني نفس الخدامه ..

صدقيني من طريقتها واسلوبها ترى لي يتيها بلسان .. راح تخق .. ( عن تجربه اعرف هالنوع من الاوادم )

صح بتكرفج .. بس انتي بالاساس مكروفه .. وخلي شغلج ملموس .. لا تسمحين لها تهضم حقج ( وراح تحاول) ..

حبيبتي معليه شدي على نفسج .. بس لا تخلين احد يستغلج

حسبي الله عليها

 

[دانة-الكويت]

يماااااااااااااااااااااااااااااااامي لا مو صج

شهالنوعيه

 

[ضحـاوي]

الموضوع اخذ حقه من النقاش