لحقوووووووووووووووووووني

[أم أسيل]

السلاااام عليكم


لحقووووووووووووووووووووووووني انا مسجلة بنتي في مدرسة اسرار القبندي وبسحب اوراقها لان بنتي اكرهت المدرسة والسبب انه الابله الهنديه طقتها وبنتي اللحين بالحضانه بس اكرهت المدرسه فقررت اغير مدرستها فاتمنى انكم تفيدوني قبل لايخلص التسجيل

وحاطة في بالي المدارس هذي

مدرسة كيمبرج بحولي

او مدرسة الاكاديمية الكويتية ثنائية اللغة بالرقعي

او مدرسة اكاديمية الخليج البريطانيه بالسالمية

او مدرسة الكويت العالمية الانجليزية بحولي



تنصحوني في اي مدرسه بسرعه لحقوووني نقذوووني قبل لايطوف التسجيل

 

[mr000]

والله أختي آنا أعرف منهم العالميه الأنجليزيه بحولي مدحوها لي ونجح ولدي باختبارهم بس بنفس الوقت أنقبل بالعالميه الأمريكيه فوديته الأمريكيه بس كان الأختيار الثاني العالميه الأنجليزيه أو مدرسة الخليج الأنجليزيه اللي ورا ليلى غاليري هذي مدرسه قديمه متأسسه من زمان ومخرجه دفعات وايد وتأسيسهم قوي ومافي عليها كلام وألحين مبناهم هذا يديد وحلو آنا شفته من داخل وعندنا وايد من عيالنا بالكي جي والريسبشن وغريد 1 و2 وأمهاتهم يمدحونها وايد

 

[sara999]

والله انا مادري توه ولدي صغير بس اشوف وايد اقبال على العالميه الامريكيه الي بحولي بس ترى الحين مبلشين بالويتنق اذا بتسجلينها !!!!
روحي وشوفي بسرعه

 

[ثلاثينية]

انا النظام الامريكي ما احبه
وعيالي دخلتهم الاكاديميه الانجليزيه اللي بالجابريه من الروضه والحمدلله خرجت 2 وباقي لي بنت وهذي اخر سنه لها

 

[ريماا]

طمنينا ام اسيل اشصاار؟
انا عيالى انقبلو فى absبس ولدى اللى بالحضانة مانقبل؟ استخفوا المدارس الخاصة بالله طفل عمرة سنتين وعشر شهور شنو يبونة عالم ذرة؟
قتلهم ماابى خلاص انا يا ادخلهم مع بعض او ماادخلهم
الحين قلت لابوهم يسجلهم بالرواد الانهم هم انقبلو بالرواد والحمدالله انا حيييل مرتاحة حتى لما زرتهم تعاملهم راااقى ومبناهم مرتب ومنهجهم امريكى

 

[أم أسيل]

والله يا قلبي لي اللحين ما صار شي ما رسيت على مدرسة ومحتاره لان بنتي متعبتني وايد حالتها النفسيه اوصلت انها ما تبي اتنام الليل عشان ما تبي اتروح المدرسة تبجي وبجتني معاها والله اللعظيم تهبنا انا وابوها

 

[أم أسيل]

للرفع

 

[mr000]

حبيبتي والله بنيتج وهذي الهنديه ليش طاقتها جان رحتوا كسرتوا أيدها الله ياخذها عقدت البنت ! أختي بعد فيه مدرسة الكويت الأنجليزيه بسلوى قطعه 11 وايد زينه بنت أخوي فيها وصلت 4 أبتدائي ويمدحون مدرساتهم وايد! أن شاءالله تستقرين على مدرسه زينه تتطمنين لها وأشترى حق بنتج ألعاب صغيره وغلفيهم ولما تقررين على مدرسه قوليلها هذي من مدرستج اليديده وهم يحبونج وعطيها قبل لاتودينها خل ترتاح نفسيتها شويه

 

[أم أسيل]

حبيبتي والله بنيتج وهذي الهنديه ليش طاقتها جان رحتوا كسرتوا أيدها الله ياخذها عقدت البنت ! أختي بعد فيه مدرسة الكويت الأنجليزيه بسلوى قطعه 11 وايد زينه بنت أخوي فيها وصلت 4 أبتدائي ويمدحون مدرساتهم وايد! أن شاءالله تستقرين على مدرسه زينه تتطمنين لها وأشترى حق بنتج ألعاب صغيره وغلفيهم ولما تقررين على مدرسه قوليلها هذي من مدرستج اليديده وهم يحبونج وعطيها قبل لاتودينها خل ترتاح نفسيتها شويه

هلا حبيبتي مشكوره على فكرة الهدية وايد حلوة ان شاءالله ترتاح نفسية بينتي عاد بنتي كانت اتحب المدرسه بس من بعد هالهنديه اكرهتها والله لايوفق هالمدرسة ويا مال ايدها الكسر


بس ادعو لي ان بنتي اترد نفسيتها وترتاح وترد اتحب المدرسه

 

[أم أسيل]

حبيبتي ريما مبرووووك القبوووووووول وبالتوفيق وعقبال ما تشوووفينهم بالجامعه