لحقووونييييي....شوفوا شنو لقيت في جنطة خدامتنا

[silent99]

السلام عليكم بنات

امبيييه حدي حدي منصدمة بدش بالموضوع على طول

عندنا 3 خدامت.. 2 منهم فلبينيات ماصارلهم 3 شهور عندنا و وحدة سيلانية صارلها سنة و نص عندنا

المهم .. وحدة من الفلبينيات حدها تبط الجبد و جذابة و وصخة و غبية و امي مو مرتاحة منها و قالت انها بتوديها المكتب

انا قلت لها وديها بدون ماتدري و بعدين انوديلها جنطتها و هدومها

عاد امي اليوم الصبح ودتها المكتب و انا لما رجعت من الدوام قل حق امي تقول حق الخدم الباجي يحطون اغراضها عشان نوديهم لها

جان اتذكر مواضيع البنات هني عن السحر اللي يسوونه الخدم و بلاويهم

المهم.. فتشت الجنطة قطعة قطعة و امي تقولي شنو تدورين ؟ ماراح تلاقين عندها شي توها ماصارلها 3 شهور عندنا.. قلت لها يما ميخالف خليني اتأكد

فجأة جان افتح بوكها ولا الاقي صورتي في بوكها !!!!!!!

شوي جان الاقي اندروير (سليب) من ملوتي في جنطتها !!!!!!! اهيا مقاسها سمول و انا اكس لارج يعني مستحيل بايقته عشان تلبسه

و انا اكمل تفتيش جان انصدممم و الاقي خاتم من خواتمي !!!!!

و لقيت اوراق مكتوب فيها اسامينا انا و اهلي و مادري شنو كلام مافهمته بالفلبيني

امبيه حدي انصدمت و امي اخترعت

شحقة الخدامة بايقة صورتي و صروالي و خاتمي ؟؟؟؟ امبيه اخاف كانت بتسويلي سحر

معني والله مالي شغل فيها و ما اكلمها ولا اآمر عليها ولا شي

حتى اذا بتنظف غرفتي و تغسل حمامي امي تكون واقفة على راسها

ليييييش تبوق هالاشياء ؟؟؟ و شمعنة بس اغراضي انا ؟؟؟ مو بايقة ولاشي من خواتي و اخواني.. بس انا اللي بايقة مني لييييييييييش ؟؟؟؟

امبيه بنات بليز شرايكم شسوي ؟؟

الحين ودينالها الجنطة بس انا شلت اغراضي و الاوراق

الله يخليكم ادعولي انها ماتكون مسويتلي شي ..حدي مو مترقعة مو ناقصة هذي تسويلي سحر بعد

حسبي الله و نعم الوكيل

 

[شموخ المملكه]

ياعمري لاتخافين ان شاء الله ماتسوي لك شي خلاص خذيتي كل غراضك والله يكفيك شرها حسبي الله ونعم الوكيل والله يستر عليك

 

[مشتاقه لك يبا]

رد : لحقووونييييي....شوفوا شنو لقيت في جنطة خدامتنا

لا تخافين حبيبتي ما يصير الا اللي كاتبه ربــــــــــي

 

[silent99]

مشكورة حبيبتي شموخ المملكة على ردج

بس والله خايفة احس من شفت اغراضي عندها و انا القولون عندي منتفخ من التفكييير

 

[الزين 85]

الله يحفظج ويفكج من شرها

 

[silent99]

مشتاقة لك يبا مشكورة على ردج حبيبتي

 

[silent99]

الزين 85 مشكورة بيبتي
امييين اجمعين يارب

 

[EnGiNeeRa_92]

رد : لحقووونييييي....شوفوا شنو لقيت في جنطة خدامتنا

أقري على روحـج حبيبـتي ، وذلفــيهـا على طول :eh_s(4):
وان شاء الله ما في إلا العافيـه ​

 

[الغاليه ام احمد]

الحمدلله انج فتشتيها

 

[silent99]

Engineera_92 .. الغالية ام احمد
مشكورين على مروركم

اي الحمدلله ان وديناها حسبي الله عليها

قريت سورة البقرة قبل شوي و ان شاء الله ربي بيحفظني

 

[غيمه ظميانه]

رد : لحقووونييييي....شوفوا شنو لقيت في جنطة خدامتنا

لاتحاتين دام انج خذيتي الاغراض تطمني

بعدين ترا الفلبن عندهم الاعجاب واااجد يمكن معجبه فيج والله ما يندرى عنهم او رجال يكافينا الشر


قبل جتنا وحده تحلفين وتقولين رجال حتى الصوت ماقعدناها جم يوم ووديناها المكتب بس تتغزل فينا استغفر الله كل كلمه والثانيه تقول

بيوتفل مال ترقعينها على وجهها تخرررع



فحطي ببالج اهم نضامهم وصخات اعجاب وحب وخرابيط

 

[silent99]

غيمة ضميانة مشكورة على ردج حبيبتي

ما اعتقد اعجاب !!! لو اعجاب ليش تاخذ صروالي و خاتمي بعد ؟ اخاف بتسويلي سحر عشان ما اتزوج

و بعدين شكو اعجاب ؟؟ خواتي احلا مني بيض و ضعاف و حلوين.. انا سمرة و فيني متن و عادية مو جميلة

شمعنة خذت اغراضي انا و ماخذت اغراض خواتي ؟

 

[غيمه ظميانه]

رد : لحقووونييييي....شوفوا شنو لقيت في جنطة خدامتنا

انزين دام السالفه جذي


تذكري اخاف انتي مسويه لها شي قاطه عليها كلمه

لازم تعرفين السبب عشان تتحاشين تسوينه


غريبه تسحرج مني والطريج

اللهم إنك قد أقدرت بعض خلقك على السحر والشر ولكنك احتفظت بذاتك بإذن الضر فأعوذ بما احتفظت به مما أقدرت عليه بحق قولك "وما هم بضارين به من أحد إلا بإذن الله

 

[عضوة ذهبية]

رد : لحقووونييييي....شوفوا شنو لقيت في جنطة خدامتنا

حبيبتي الحمدالله انج كشفتيها قبل لايقع المحظور والله سلمج عاد انتي حرصي من عقب هالسالغة ولاتامنين للخدامات اللي عندكم خاصة اللي نفس جنسيتها ماتدرين يمكن متفقات عليج والله اعلم

 

[•°أنـــفْــِـاسِ اَلِــــوُرَدِ°•]

رد : لحقووونييييي....شوفوا شنو لقيت في جنطة خدامتنا

الله يحفظك يارب وأحرصي على قراءة الأذكار الصباح والمساء والله بيحفظك ويرعاك لاتخافين توكلي على الله وأقري آية الكرسي ,’

 

[دوت نت]

لاتنسين الاذكار وانشالله ماتقدر تضرج

 

[الفارسه الفارس]

رد : لحقووونييييي....شوفوا شنو لقيت في جنطة خدامتنا

ترى مو شرط انتي مسويه شي لهم لا يمكن تبي تاذي اهلج فيج يعني انت وسيله

هذه رقيه شغليها دوم بالبيت وخاص عندهن يعني الصوت ارفعيه حيل

http://www.roqiah.net/prev/

وعلى فكره اذا هن بغرفه وحده انتبهي للباقي

 

[مارغريتا]

لا تامنون بالخدم ان شالله 20 سنه عندكم تدخل تتفتش وتطلع تتفتش صيروا جمارك لبيوتكم


الله يحفظج حبيبتي

 

[إستبرق]

الحمدالله انكم وديتوها وربي يكفينا شر الخدم

 

[منوووووله]

عليج بالرقيه الشرعيه