لحقوني يابنات شالحل شسوي ؟؟

[زهره الجلنار]

الله يعينج

 

[صدفه نسيتك]

الله يهديه لج انتي قولي السالفه عشان نعرف نحلها معاج

 

[نور خانوم]

ماكو غير حل واحد

ادعي ربج انه الله يهدي ومايشوف اي وحده جدامه غيرج وانتي خلج هاديه وخليه لين يطخ

 

[ضحكة]

آه...هالمواضيع تعبني واجد

ومااتمنى وحده تمر فيها....

الله يعينج ويصبر قلبج....

ويسخره لج ومايتزوج عليج...

 

[ام اريج 22]

استخيري يابنت ان شاء الله يفرجها ربي واكثري استغفار

 

[ام يوسف2011]

انزين كتبي الموضوع كله ليش حاطه بس شنو راح يصير كتبي انتي شنو سويتي عشان نفهم السالفه ونعطيج حل

اذا شي جايد وله عادي لازم تكتبين كل شي وميخالف احنا خواتج وبنساعدج وله اقل شي ندعيلج

 

[Loloki]

يا حياتي والله واللهةما احب اسمع هالكلمه ان يتزوج على مرته الاوليه استغفرالله

طبخيله سوياه جو ضحكي لعبي معاه شوفي انا صارلتي سالفه وبقولج شنو سويت

كتبت ورقه وحطيتها ع طاوله طعام قتله انا ما استاهلك وانا طالعه وموفق يا فلان وقام يدق ع امه قالها طلعت ودق ع خالتي قال بروح اسوي عليها تغيب هههههه وانا منخشه بالغرفه ورا ستاره لان غرفتي فيها بلوكه بس مصكره وسمعت كلامه كله وايد متازم بالموضوع وبعدين يوم راح صاله طلعلته شويشوي شافنيواذا عندج بنت خليها تنام عند خواتج او عند امج وديها وانخشي واذا قام يصرخ لميييييه وابجي اهو راح يحس بالذنب وصارت الامور عااااادي قام يضحك وكل شي جربي وعكينا خبر.

يارب يريحج ويسخرلج ياااه امين يارب *

 

[رحيل المرافيء]

انتي تقولين مشكلة كبيرة شنو المشكلة
مشكلة عن مشكلة تفرق خاينته يعني ؟؟؟؟
ماكو واحد يتزوج منيه والطريج خاصة انه صغير ماراح يحط مسئولية ثانية على نفسه
بيتزوج عشان يقهرج ليس الاا لانه بهالعمر مايفكر يتزوج ثانية كافي مسئولية بيت واحد

 

[دندونه@@@]

يا اختي تقربي من الله وادعي محد يقدر يغير الحال غيره سبحانه وتصدقي بنية صلاح الحال بينج وبين زوجج والله يسخره لج


و يا خواتي العضوات ماله داعي نقول للبنت قولي السالفه كامله وشنو سويتي لان البيوت اسرار واذا الله سترها ماله داعي تفضح نفسها بالمنتدى لان ممكن احد من معارفها يعرف نك نيمها بالمنتدى وينشر سالفتها وتعالوا عاد بدل ما نحل مشكله وحده نحط البنت بمشكلتين وزوجها بيغسل ايده منها ما سامحها على الاولى هاالمره ناشره مشاكلهم على الملأ

خففوا من الفضول الانثوي شوي

 

[دي حسن]

هههههههههههههه حرام احس تقصد بيزهق مب هاييج الكلمة :krkrkr:

loooooooooooooooooooool:krkrkr::krkrkr:

 

[برائـة طفلـة]

اذا الله كاتب يتزوج راح يتزوج وقتها مالج إلا الصبر

وحاولي تغيرين من وضعج الحين كلميه قعدي معاه تقربي منه

وكثري من الدعاء إن الله يكتب لج الخير

مع أختي هيبة ملك
الله يهدية لج ولا يشوف أحد غيرج
:yaaaaaarb:​

 

[awashamen7asha]

الحمدلله على كل حال. المهم رضى عليج
حاولي تصدين عنه كم يوم و الهي بصلاة الليل و الدعاء و قراءه القران.
و لاتفتحين معاه الموضوع الحين يمكن يشيله من راسه . تغيري بنظره خليحس انك ناضجه و مخج كبير و حياتج ماراح تنتهي ان تزوج عليج.
و عسى ربي يكتب لج الي فيه الخير ويسسخره لج

 

[روج وردي]

ربي يسخره لج ويهديه

ماعرفت اطلع بدون ما ادعيلج

 

[~حبيبة خلودي~]

الله يعينج ويسخره لج يارب ويغير رأيه

 

[احلى ديما]

بعد عمري كل اللي دعولي فديتكم والله يسخرلكم ريايياكم يارب

 

[فلسفة جرح]

اكو واحد صاحي يتزوج على مرته وحده ثانية وماتدري شالسبب اكيد عنده سبب وخاشه عنج يمكن انتي مقصره بحقه او مقصره بالفراش لازم يكون سبب شدعوه مني والطريج يتزوج وحتى لو بيتزوج بدون سبب مايفكر فيج وفبنتج انتي اسااليه لاتستحين منه لازم تعرفين شالسبب اللي خلاه يتزوج عليج

 

[" ام حمود "]

الله يصبر قلبج ويسخره لج ..


مجنونة << ضحكتيني ع كلمتج يبا طالعي الكيبورد قبل لا تكتبين
ههههههههههههههههههههههههههههههههه

 

[ولهـ مطير]

السلام عليكم ورحمة الله وبركاته ،،،،
انا بصراحه رايي من راي الاخت دندونه @@@ والله زييييييييييييييييييين ما قالت الناس ما راح تنفعج مالج الا ربج بثلاث شغلات :
1) الدعاء ساعات الاجابه...
2) الصدقه بنية صلاح الحال...
3) الاستغفاااااااااااااااااااااااااااار قولي استغفر الله العلي العظيم باليوم فوووق 2000 مرة واركز ع الاستغفار لان سبب مشاكلنا كلنا من ذنوبنا واذا استغفرنا برحمة الله سبحانه يغفر لنا ويبسط لنا بالرزق ويرزقنا حياة هنيئه واذا كلش كلش حسيتي انج مخنوقه شوفيلج وحدة عاقله بعايلتكم وحكيمه وصارحيها يمكن شورها يفيدج مثل اختج او خالتج اي وحدة من اهلكم تحبج وتخاف عليج وحكيمه وانا اركز علي تحبج ومن اهلج وحكيييييييييييمه
ولازم تبينين لزووووجج انج ندمااااانه وانج شاريته وهالله هالله بالحجي الحلووو والتطبيق بعد مو بس حجي والله يعينج ما تدرين يمكن ربي حاب يسمع صوتج وانتي تدعينه وتناجينه
وهم بعد في شغله حييييييل راح تفيدج انج تدعين الله بأسمائه وهاذا الشي جربته قولي يا رازق ارزقني يا قابض اقبض عني الهم والمشاكل وكل اسم ادعي فيه دعوة
والله يهدي سركم يَ رب 

 

[دلولي]

حبيبتي الله يهديه لك ويسخره سخره تتعجب لها ملائكه السماء ومخاليق الارض دايم ادعيها واللهم يامسخر الريح والجن لسليمان عليه السلام سخر لي زوجي وكثري من الاستغفار والدعاء والصدقه والله يسخر لك ولي ولكل بنات المسلمين

 

[أم وليد الشمري]

الله يصبر قلبج
مالج إلا الدعاء .... افرشي سجادتج وادعي انه يغير رأيه
خلاص بنوتات ماتبي تقول مشكلتها .... خلوها بالي فيهاااا
ربي يحنن قلبه عليج ويسخره لج ياااارب