لحقوني : ما اكل زود وما اضعف ؟!؟!؟!؟

[الام المحبه]

مرحبا حبيباتي
انا عندي مشكله ( الوزن الزائد )
انا اصلا قليله الاكل يعني مو طبيعي اكل ولا احب الاكل زود ..
ولكن ..
الوزن كل ماله ويزيد ويزيد ..
مع العلم : اني احب الرياضة ( المشي يوميا ساعه على الاقل ) ودائما احوس واتحرك
صار فيني كآبه لان وزني يزيد
رحت لدكتور رجيم ( عبدالله المطوع ) عطاني رجيم فيه اكل ؟؟؟؟ طبعا كانت صدمت حياتي وقلت له اني ما اكل هالكثر .. وما اقدر اشرب 8-10 اكواب ماي باليوم انا حدييييييييييييييييييي وبالموت 3 .. وبالاسبوع اذا ذبحت عمري نزلت 600 غرام (((

المهم
قالي لازم انزل 18 كيلو :eh_s(22): ما اادري شلون ؟؟
ما اقدر اكل وايد لاني ما احب اكل .. ووزني يزيد ... مع العلم اني سويت تحليل شامل .. وقال كل شي طبيعي بس ان عندي وااااااااااايد شحم ( من وين ما ادري ؟؟)
بنات انا تعقدت شتنصحوني فيه

 

[خباري مطر]

رد : لحقوني : ما اكل زود وما اضعف ؟!؟!؟!؟

انا مثل حالتج بالضبط
اسوى ريجيم وعند دكتور وامشى عليه ولما اوزن يا انزل

500 غرام او 200 غرام
سويت تحليل غدة ومافينى شى
هذى اكيد طبيعه جسمنا من كثر الرجيمات
ما عاد لنا قابليه ننزل وزن
ويسمونة رجيم اليويو
يعنى نضعف ونرد نمتن
ويعين الله

 

[الإسراء]

والله حبيبتي ما عندي فكرة عن حالتج ..
بس جربي الخلطات اللي تضغف وتحرق الدهون من بنات المنتدى .. وكثري من شرب الشاي الأخضر .. يساعد على كثرة التبول بالتالي تحرقين أكــــــــــثـــــــــــر ..

 

[كيكه توفي]

انتي طبقي كلام الدكتور وانشالله ينزل وزنج

 

[الام المحبه]

حبيباتي مشكورين
انا ماشيه هالرجيم ( بس مواعيد الاكل مو بالضبط ممكن ااخر او اقدم نص ساعه) لاني ما احب اقعد اكل
اما الرياضة اي ماشية عليها وزايده بعد الساعات لاني احب العب رياضة واحب امشي برمضان
لكن الوزن مجنني والميزان مأزمني ... ماادري ليش العداد ما بنزل الا جرامات .. مع العلم اني وزت بببيت اهلي وبالدوام وبالمستوصف وكلا نفس الرقم والفرق 100 او 200 غرام بس
((((((((((((((((((((((((((

 

[الام المحبه]

شرايكم بدايت كير ( الجزرة)
سمعت انه عنده رجيم انواع وان اكله وايد لذيذ ( فطور رمضان يقولون انه يشوق ويشبع ) وانهم يحون لك رجيم على حسب جسمج يعني مو اي رجيم وخلاص
انتوا شرايكم
؟؟؟؟؟؟؟؟؟؟؟؟؟؟
اذا زين ممكن اصحاب الخبره بالتعامل مع دايت كير افادتي بمعلومات عنه وعن اسعاره ورجيماته وهل فعلا ضعفتوا علية ( كم كيلو بالاسبوع)

وشكرا

 

[اخوي كشخه وكيوت]

انا نفسج مااحب اكل وايد وموكل شي احبه ووزني يزيد ولما اسوي رجيم ماانزل وايد وسويت تحاليل الدنيا ومافاد

 

[سموالاميره2009]

حبيبتي من متى قاعد يزيد الوزن هل انتي تعانين من زمان او فجأه حسيتي انك تزيدين بعدين حاولي تكثرين من الماي ترا له علاقه كبيييره..شربي كمون يوميا انا وااايد ضعف بطني ..

 

[احلى الورود]

شربي كموون وليمون ولاتجوعين نفسج واحيانا الاكل نفسه يضعف يعني كل ساعتين اكلي شي خفيف تفاحه برتقاله روب حبتين بسكوت او شربي كابتشينو لاتخلين نفسج وقت طويل بدون اكل وكثري من شرب الماي وان شاءالله تضعفين بصحه وعافيه

 

[الام المحبه]

مشكورين حبيباتي وايد
بجرب الماي
ولكن الليمون والكمون شلون طريقته ( يعني عصير ليمون واحط معاه ملعقة كمون ؟؟ ) كانه راح يصير وايد حامض ويسحن الجبد
؟!؟!؟!؟

 

[اخت خالتهم]

انا سامعه ان الاكل القليل واايد ما يخلي الجسم يحرق السعرات الحراية ويحتفظ فيها
فـ بدال ما ينزل الانسان يزييد
ولازم تنظمين وقت الاكل
يعني انا برمضان نزلت اكثر من لما انزل بشهر عادي
لان الوقت يكون منظم

نظمي وقتج
وعسى الله يوفقج

 

[Heaven Light]

جيكي على الغدة الدرقية اذا خاملة عندج ما تضعفين ..

روحي طبيبة النساء وقولي لها ابي تحليل الغدة الدرقية لأن ما اضعف مع اني اسوي رياضة ودايت ..

وان شاء الله ما تطلع فيج ..​