لحقوني قربت انجن بشق هدومي

[حسافة 13]

مررررررررررررررررحبا بنات .امانة هذي حالة مع هاالمناهج المتغيرة كلن يشكي الجهال كرهوا حياتهم والامهات والابهات كرهوا حياتهم والمدرسات اللي اعرفهم اغلبهم حولوا اداريات ولا متلازمة الداون لية هاالمشكلة بس عندنا باالكويت مو باالخليج لنا اهل باالسعودية مرتاحين المناهج مريحة وعيالهم ماشاء اللة اولى ابتدائي يقرا الجريدة واحنا عيالنا صاروا فئران تجارب من هاالمناهج اللي كل سنة غير الروضة سنتين رقص وبعدين تطلع من جبودهم التقريب من اولى اتقوا اللة فيهم ياوزارة التربية انتوا درستوهم الارقام عشان تدرسونهم التقريب . حالتنا النفسية تعبت ضاقت صدورنا خلنا نشوف حل دلوني تكفون شسوي بنتي بثانية مو قادرة الحق معاها اعيالي الكبار ماكانت عندي هاالمشاكل معاهم العيب ياناس فينا ولا في المناهج احد يقولي شنسوي كرهت نفسي بنتي نفسيتها تعبت موعارفة شسويييييييييييييييييييييييييييييييييييييييييييييييييييييييييييي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[om mishaal]

العيب بالمناهج على نوعية المدرسين السيئة اللي تختارهم الوزارة وكل همهم الدروس الخصوصية
مستوى المدارس بالكويت للأسف سيىء جدا
الله يعين
يعطيك العافية

 

[حسافة 13]

طيب شاالحل؟ ياناس شلون نوصل صوتنا للي مايحسون في معاناتنا صارت الدراسة هم

 

[Um Hasan]

ما اعتقد في حل ... اشتكوا الناس من المناهج القبلية .. شوفي شنو حطولنا بدالهم مناهج اسوأ من اللي قبلها
الشكوى لله .. حاطين عيالهم بمدارس خاصة واحنا ما ندري شنسوي ويا عيالنا

 

[الحراير]

الله يعين عيالنا يقولون منهاجنا نفس مصر بس مصر ماأسسينهم من اهم صغار واحنا علي كبر استغفر الله والله بطة جبد

 

[رمانة الكويت]

والله ما ندري من المناهج والا من المدرسات ... الله يعين عيالنا ...

يقولون المدرسات المنهج حلو بس دسم ... ما يعتمد على الحفظ يعتمد على التفكير ... يبون عيالنا يصيرون عباقرة ..

منهج الكويت ماخذينه من مناهج لبنان والاردن ...

 

[frfr197]

شرايج الى يقولج ان بنتى للحين ما درست الانجليزى ولا العربى ولا الرياضيات ولا شافوا الابلات ؟؟؟؟؟؟؟وعلى شان تعرفين ان العيب مو فينا احنا بس شنقول الشكوه لغير الله مذله ....ولا شرايج

 

[ام فهووودي]

انا بنتي بثالثه ابتدائي انصدمت من المناهج وايد دسمه امغيرينها للأسوأ

وانصدمت من كمية الكتب اذا انا بشيل الجنطه الصبح ايدي اتعورني اشلون اهي طول اليوم تقعد ادز فيها مسكينه

مادري وين دراستهم عن تخفيف الكتب على الطلبه والا بس طلع كلام ؟؟

 

[*نور الكويت*]

حبيبتي حسافه لاتضايقين روحج
العيب موفيج وبدليل انه ماشاالله عندج عيال كبار ماواجهتي مشكله معاهم
ولا العيب بالمناهج ،، بالعكس المناهج من ابدع مايكون ومواكبه العصر اللي احنا فيه
عصرنا حبيبتي الحين غييييير عن عصر مع حمد قلم ،،
عصرنا عصر التكنولوجيا ولازم نواكب العالم التطوري ،، لأن الكويت من الدول المهددة من كذا منظمه بأمريكا واوربا
بأن شهاداتنا مستقبلآ غير معترف بها في حالة عدم تطور المناهج وزيادة ساعات التعليم تخيلي
يبيلنا مده شوي على مانتأقلم مع المناهج
وآنا من رايي ان وزارة التربيه تبتدي من الروضه من حيث تدريب الطفل على الكتابه والقراءة
وتكون تمهيدي للطفل للمرحلة الإبتدائية

 

[الكـ صمتـ ــلام]

حبيبة قلبي والله اني فرحت لما شفت المناهج تغيرت يعني العام انصدمت لما شفت كتاب العلوم مال سادس انا وولدي دارسين نفس المنهج!!شنو هالتخلف:flower: حلو التطور وعيالنا الحين ماكو شي صعب عليهم ماشالله فطينين واذكياء بس ممكن يكون الرك عالمدرس:s141: شوفي انتي ماعليج الا انج تشترين مذكرات المايسترو صج صج الله يعطيه العافيه ملخص كل شي مهم من اسئله وتعاريف وغيره والله انج ماتحتاجين تفتحين الكتاب وراح تشوفين ان العيال بروحهم بيدرسون لان ملخص وسلس وانا اكلمج عن تجربه بس ديري بالج اخذي الاصلي
تحياتي لج

 

[كويتية صغيرة]

حبيبتى وسعي صدرك

ولاتقولين جذيه جدام عيالك ..... بعدين يكرهون الدراسة

......... تصعبت المناهج صارت اصعب و هذا من صالح الطالب..... و على فكرة من كلام الأخوات ان المناهج صارت مقاربة لمناهج المدارس الخاصة ..... ..... المنهج صار مواكب لعصر التكنلوجيا

اخذي الأمور ببساطة

كل شي في بدايته صعب و بعدين تتعودين
بس تابعي عيالك اول بأول علشان ما يتكود عليهم
و الله يوفقهم

في رأيي المشكلة مو بالمنهج
يمكن الأبلة موزينة
روحى شوفي شنو المشكلة
و حرصي الأبلة على عيالك و تابعيهم بالمدرسة و ان شاء الله سهالات