لحقوني قاعد ينزل علي

[كتكوته حبيبي]

السلام بنات امس نزل علي نقطه بنيه مثل اخر يوم الدوره واليون نزل علي جم نقطه بعد شسوي شورو علي هل من الحركه لاني واايد امشي بالجامعه وفي عوار خفيف اخر ظهري شسوي والله حدي خايفه

 

[كتكوته حبيبي]

انا قريت بقوقل انا بدايه اجهاض او في خطوره ع الجنين وحدي خايفه ماقلت حق ريلي

 

[أبله هنوف]

نصيحه روحي المستشفى او راجعي دكتورتج
لانه موزين عليج
لازم يعطونج مثبتات عشان يوقف الدم
والله اثبته لج

 

[كتكوته حبيبي]

مشكوره حبيبتي بروح اليوم بس اهوا مودم احمر لونه بني

 

[أأأميرة الورد]

لازم حبيبتي تروحين طبيب ا


لحركه الزايده والمشي والتعب خطر على الحامل في الثلاث شهور الاولى

 

[برميت]

مافيها غشمره
لااازم طبيب و يعطيج تثبيتات

 

[كتكوته حبيبي]

مشكوووووووووووووورين حبايبي ع الردود والله خايفه حيل اني افقد البيبي وين تنصحوني اروح مستشفى خاص ولا حكومه وشنو راح تسويلي الدكتوره سونار ولا شنو انا اخذ الفوليك اسيد من زمان ومتطوفت يوم وبشتري دافستون اعتقد اسمه جذي والله كريم

 

[منال $]

حبيبي روحي عادكتورتك افضل
ان شالله خير لاتقلقي

 

[english muffin]

مايصير على كيفج تاخذين دفستون
لازم تروحين المستشفى

 

[dala3-katkoota]

حبيبتي لازم تروحين حق الدكتور ضروري و على فكره اكو حل اكو ابر مثبته عالاقل تطمنين و ان شاء الله ماكو الا العافيه يا رب و لازم تعرفين ان الخيره فيما اختاره الله و فوق هالشي لازم ما تسكتين روحي الطبيب ضروري​

 

[د.أطفال]

ما تخافي بس شوفي دكتوورر از سوون از بوسيبل

 

[شنوووفه]

حبيبتي مايصير عله كييفج تشترين دافستوون لازم الطبيب يسوي سوونار لاتستكتيين
انا اول نزل علي افرازات شفافه وشويه دم قلت اووه يمكن من التعب وانا ناايمه البيبي طااح وصار علي نزييف
بعدين لاتخافين ليش مخرعيينج من الولاده والحمال خلييج قويه وتوكلي عالله وروحي الطبيب باجر لي شفتي البيبي بحضنج كل هذا تنسيينه :>

 

[دلوعه ززوجي]

ماكو الله كل خير ان شالله انتي روحي الطبيب شوفي اذ نبض زيين. و الحجم زين استريحي

 

[R هوى روحي R]

حبيبتي روحي المستشفى خاص

عشان يسوي لج سونار على طول بس ديري بالج بعضهم يقولون سونار دااخلي بهالحاله لازم ترفضين
السونار الداخللي

لاني انا صار فيني جذب بحملي بس وقتها كنت بالشهر السادس
الله يسسهل علييج

وتقر عينج بشوفته يارب

ويارب باذنه اكون حامل هالشهر دعواتكم

 

[كويتية خجولة]

رووحي الدكتوره ضروري.

 

[احلامي غير]

لازم ياقلبي مثبتات لانك طالبة انتبهي وروحي لطبيبة الله يتمم لك على خير

 

[أم عزيـز]

اي وحده حامل بالشهور الاولى وينزل عليها دم او افرازات بنيه لازم على طول تروح المستشفى ما تنطر
لان يمكن يكون بدايه اجهاض
او يمكن انها تحتاج مثبتات عليشان يثبت الجنين اذا كان فيه نبض

 

[shy rose]

لاتمشين كثير

 

[بدوية بملامح كشميرية 86]

انا بحمالي من اول شهر ينزل علي دم بني ودم احمر

ورحت الطبيب وصفلي ابر وحبوب مثبته

روحي للطبيب احسن

والله يتمم عليج يارب

 

[$special$]

لا تاخذين شي من كيفج
روحي راجعي احسن لج ومافيها شي قولي حق زوجج باجر الله لايقول لا صار شي بيصير اللوم عليج
واذا باول اشهر ان شاءالله شي عادي بس لازم مثبتات
ديريبالج ولاتجهدين نفسج