لحقوني زوجي بيسوي عملية تكميم وانا اقوله روح رجيم سنتر المغاتير ساعدوني تكفون

[فلـه]

مرحبا باحلى منتدى والي اكثر وقتي ادشه

ولاني اثــق فيكـم وبتـجاربكم ابي نصيحتكم وشوركم خواتي

زوجي كان وزنه مثالي حيل وفجأة بعد سنتين من عرسنا قام يزيد وانا مستانسة بالبداية عشان مايشوفونه البنات
حد ماصار وزنه حيل متين
طوله 170 ووزنه 94
زايد 22 كيلو على طوله واهو حاول رجيم وتعب وقرر يروح يسوي عمليه تكميم عند احد الدكاتره

وانا اصيح عليه اقوله جرب رجيم سنتر المغاتير يمكن ينفعونك

شرايكم بنات والله محتاره خايفه على زوجي
واهو متشجع لان من ربعه مسوين ثلاث عمليات تكميم وضعفو

نصايحكم ولكم الاجر
​

 

[المزه]

ليش يبي يسوي تكميم موحيل متين احسه عادي فيه امتن منه وما فكرو يسون تكميم بس يبي له رياضه وشوية رجيم وخلاص

 

[لين***]

نفس وزن وطول ريلي
مو وايد متين
حرام يسوي تكميم
شفتي فيصل الشطي اشصار فيه
توفي بخطأ طبي
خليه يسوي ريجيم وانتي شجعيه وطبخيله اكل دايت
وخل يسجل بنادي حرام تكميييييييييم

 

[تهبل و تستهبل]

شنووووو وزنه 94 و بيسوي عمليه موو زيين و حيييل خطره خااصه انه ماشاءالله فييه طوول
انا عمتي وزنهاا كاان 110 و الدكتوور قاال لها انتي موو واايد متيينه العمليه رااح تصيير خطره علييج <<<< لانه شوي طويله ماشاءالله
و مثل ماا قاالو البنات شوي ريااضه و مشي و اكل صحي و انشاءالله ينزل وزنه بصحه و سلاامه
​

 

[modern]

اكدي مو زين . عشان ٢٢ كيلو يسري عملية؟ و الدكتور وافق معاه؟

 

[فواصل]

خله يستخير لان هذي عملية مب لعبة

 

[سفيرة العشق]

والله وزنة مؤ حيل متين يعني حتى الدكتور ما راح يساويها له لازم يكون زايد ٤٠ كيلو

 

[فلـه]

مشكورين حيل على الردود

وبالنسبة لسؤالكم اذا كان الدكتور قاله بيسوي له العمليه

لا اهو للحين ماراح يسوي فحوصات حق عملية التكميم

بس ســؤالي بليز

منو جرب رجيم سنتر تنــصحون فيه ...؟


​

 

[أمـــــل]

لا بسوي عمليه ولا يروح رجيم سنتر ابيخ شركه انا تجربتي وياهم فاشله

 

[رحيل المرافيء]

يروح التغذية مستشفى الصباح
ويمشي وبركض هو ريال خله يروح بليل يركض ويمشي
والله من تصير الساعة 12 بليل ودي اروح الممشى وهو ريال مايبي
خل يروح المسيد مشي