لحقوني ريلي يخوني .. وشفته بشقه

[ابلة لولوة]

الله يهديه
مالج الا الدعاء
وتكلمين ابوه او احد كبير بعايلته يهابه
عشان ينصلح حاله

 

[مناير ...!]

دخلي ابوه بالسالفه
وطلبي منه يشوف لج حل مو يزعل منه وبس

 

[مناير ...!]

عمرج 22 ومطلقة مرتين
العيب فيج شحقة متصربعة على الزواج
تطلقتي جان اشتغلتي كملتي دراستج

وليه حياه الوحده بكيفها؟
الانسان مسير وليس مخير
وهذي كتبت ربج من يومها برحم امها
قل خيرا او اصمت:eh_s(7):

 

[أم بشبوشة]

الصراحه احنا لو بننصح بس ما راح نعيش عيشتج انتي تقررين و الله يهداج مو مستقره و تحملين! حاولي بالكلام الحلو تيرينه صوبج ادام يحب يسولف مع البنات انتي سولفي معاه و شغليه عنهم و مو كل شوي نصيحه جنج امه او يدته لا لازم تكسبينه بالاول و تالي اذا تعلق فيج راح تعلمينه علي الصلاه _ القهر و الدموع ما راح تحل الموضوع خلج قويه وحطي هدف بحياتج و اذا ما تسنع خليه عيالج ما يبون ابو مثله والله يعينج

 

[خجل~]

اللي مايخااف ربه ينخااف منه


واللي يشرب الخمرر تطيح الغيره من قلبة


واللي قلبه مافيه غيره على اهله وزوجته مو رجال

واللي مووو رجال ماينتعاااشرر ابد



شلون تثقين فيه امانه ؟؟؟


انا اقولج لاتطلقين


بس ذكريه بعقاااب ربه

وعيشي لعيالج


والله يهديييه

 

[3w!Shni]

استغفري .. تمي طول اليوم استغفري بنية انه ينصلح ويرد لج

يا اختي خليها تستغفر لله سبحانه .. انا قريت فتوى بالمنتدى ان مايصير نستغفر او نقرا سورة البقرة بنية شي معين ..

وحبيبتي اختي مناير ..

الانسان مخير ومسير .. مسير في اوامر الدين واتباعها .. ولكن مخير في اعماله..


حبيبتي انا مو متزوجة .. لكن طول ما انا اقرا سالفتج ايدي على قلبي وقلبي انقمت ..

يا عمري .. خافي على نفسج وولدج من الامراض .. اهو مو مهتم لنفسه ولا لج ولا ربه ولا ولده ضناه ..

انتي خافي على نفسج منه وعلى ولدج .. انا ماقول تطلقي ..

وانتي حبيبتي ماعندج حل غير تبجي و تواجهين .. وقاعده تقولين انه صار مايتحملج .. معناها صار عنده عادي دريتي ولا مادريتي زعلتي بجيتي ولا طقيتي راسج بالطوفة مو هامه ..

وزوجج صغير 24 سنه .. وانتي صغيرة ..

والحياة جدامج ..

انا اعرف وحده تطلقت اول مرة عندها ولد .. و تزوجت و تطلقت مرة ثانية و تزوجت ثالث مو وخلفت منه ..

واعرف وحده ثانية ما شاء الله عندها ست اعيال .. و مات ريلها الله يرحممه ياها الي ظفها اهو وعيالها .. ووحده ثانية تزوجت وتطلقت واثبتت عالثالث ..

يا عمري ولدج ماله ذنب يتحمل هالعيشه اذا انتي راضية تتحملينها .. انتي مسؤولة جدام الله عن هالوليد المسكين ..

اهلج مادرو لوقت كافي من وجهة نظري .. الحين لازم يدرون ..

انا ماقولج ليش اهلج ما يسئلون .. لان الحين الكل يمدح قبل الزواج صراحه .. وبعد الزواج لاتعليق ..

طمنينها عنج غطيتي ياقلبي .. ربي يسهل عليج امرج

وعليج بالدعاء .. الدعااااااااااااء الدعاااااااااء و القرآن و الاستغفار .. الله قادر و فوق الكل و خالق الكون .. كل شي بيد الله سبحانه ..

حرقتي دمي والله ربي يعوضج خيييييييييييييير يارب ..

استغفرالله ..

حتى المبزرة صارت تشرب الله يعين ويستر يارب

 

[noura ooo]

هذا زوجك الثاني ؟؟

طيب حبيبتي شوفي انا بعطيك وجهة نظري والقرار الاول والاخير لك

زوجك توه صغير 24 سنه يعني تلقين اغلب اخوياه عزابيه ترانا بزمن مسهل الحرام الله يهديهم
واكيد زوجك متأثر منهم

المفروض ماتوضحين له انك طايحه عليه وعارفه اخباره
عندك رب قال ( ادعوني استجب لكم)
مبين انك تحبينه وماتبين فراقه
وبينكم ولد
المفروض تفكرين بالاحسن وتتفائلين (تفائلوا بالخير تجدوه)
انتي مجربه الاهل اذا تدخلوا شيصير
تطلقتي من الاول
بتتطلقين من الثاني بعد ؟
انا اكيد مو معجبني تصرف زوجك
بس انك تفضحينه ؟
وتدخلين اهلك واهله بالسالفه << يعني انتي مو قادره تتصرفين ؟؟
اذا دخلتيهم بمشاكلك وانتي باول الزواج شتسوين اجل بعدين
الزواج مو يوم او يومين
وبعدين ماشاءالله عليه زوجك يحبك ومايبي زعلك
لو انتي مو هامته من الاساس كان ماهمه وبيقول بالطقاق خل تدري وتزعل وتذلف << سوري
ومع انك كم مره شكيته لاهله بس للحين متمسك فيك
هو مايكلم هالبنات حباً فيهم
كلللللللللللللللللهم مو هامينه
انتي ام ولده
حبيبته
بس انتي غيري من نفسك وحاولي تشغلين نفسك بأي شي تحبينه بعيد عنه
واستغفري واذكري الله
ولا عاد تجيبين طاري لسوالفه السودا
بكره يكبر ويعقل
ويشكر ربه على هالزوجه العاقله
انا يختي كنت اعرف وحده تجر زوجها من الشوارع وهو سكران وتستر عليه ماتبي احد يشوفه بهالحاله وانتي ماصدقتي شميتي ريحه
الله يهديه ويسخره لك ويخليلكم ولدك ويكبر بينكم آمين

 

[جنون الهوى]

لا حول ولا قوة الا بالله​

 

[دلوعة صلوح]

الله يسخرة لج يارب العالمين ويهدى.

 

[q8tyah]

الله يكون بعونج تحملي واطلبيله الهدايه شكله ريلج هالسوالف تمشي بدمه واللي مأثر عليه ربعه يمكن ، حاولي ماتخلينه بروحه حتي لو كنتي نفاس قعدي علي قلبه وايد بنات يولدون ويتنفسون بشققهم واذا طلع مكان خلج علي طول معاه بالتلفون لحد مايوصل مشواره واذا سهر سهري معاه لايقعد علي النت فترات طويله ، ريلج بالعربي نفس الياهل يبي وحده ماوراها شغل غيره ومجابلته ليل نهار تهذري عليه وتخربط فوق راسه ، وصدقيني فتره وبتعدي باجر يلهي بعيال ومسؤؤليه ويكبر ويعقل، حرام تهدمين بيتج وتيتمين ولدج علي نزوات انتي اكتشفتيها غيرج من الحريم رياييلهم لاعبين لعب ومادروا عنهم ومسكينه منخدعه ليه سولفت قالت ابو فلان مافيه مثله وتحلف باسمه وعايشه حياتها واهيا مرتاحه وغيرج ملوا من سوالف رياييلهم وطنشوا عشان ماتيتم عيالها ، خلاصه كلامي اصبري موعشانه عشان ولدج وعيشي حياتج طبيعيه كأي وحده متزوجه ومستقره بحياتها وطنشي نزواته وخلي الريال اخر اهتماماتج وبنفس الوقت اهتمي بنفسج موعشانه عشان ترضين غرورج وحسسيه انج مرغوبه والكل منهبل عليج وليه طلعتي مكان قولي واحد قط علي رقم والا واحد لحقني بالسياره اي شي بس غثيه واشغليه بهالسوالف مثل ماهو غاثج

 

[عسولتي]

شوفي حبيبتي هذا يبيله واحد يمسكه عدل البجي والصياح ماراح ينفعج حاولي تهدينه لربه عالاقل يصلي اذا صلى راح يخاف يشرب اما سالفه البنات والمسنجر الظاهر انه متعود من قبل الله يكون بعونج مالج الا الدعاء له بان الله يسخره لج طولي بالج وكوني قوية ولا تجيبين طاري الطلاق اذا صار عندكم عيال بيعقل وبيثقل انشالله

 

[انا هيفا انا]

الله يسخره لج

 

[عزف الخريـــف]

انت المفروض ما تسألينا ..

لأن المسألة وصلت للكبائر.. ( ترك صلاة , شرب خمر , والله العالم اذا وصل لأكبر الكبائر الزنا ! )

انت اذا خايفه من قلب خافي على وضع علاقتك معه لان تارك الصلاة ما يجوز البقاء بذمته لو أيش !

كلمي شيخ ثقه .. واسأليه هل يجوز أجلس عنده وهو تارك الصلاة ولا لا

وقبل اي شيء المفروض ما يلمسك والمفروض منعتي الحمل دام هذي أخلاقه ووضعه

لأن اللي زيه ممكن يجيب لك أمراض وبلاوي !

خلي عنك الدلع والتبكبك مو نافعك لا جوا عيالك بكرا وشافوا ابوهم بهالمنظر القبيح

لااااازم تتخذين موقف ولا تقولين لي مطلقه قبل ومن هالكلام الناس ما يسكتون ومو متحمل المر الا انت وعيالك

تفاهمي معاه لو تهجرينه وسط البيت وهدي الدنيا عليه وواذا ما رجع يصلي اتركيه ماينفعك الا اخرتك

ومن ترك شيئا لله عوضه الله خيرا منه

 

[الحمداني]

الحل بسيط قولي له بروح أهلي كم يوم و بقولهم إنك مسافر و بغيت أرتاح عندكم كم يوم عشان أستر عليك و ما أقول الأسباب الصجية لين تضبط نفسك و الصحيح إني زعلانه , و روحي جم يوم بعدين دقي عليه يمرج و ردي لبيتج , و شوفي إذا قدر خوفج على سمعته و أستحي أو رد لا سمح الله لخرابيطه عيدي الكره لكن لمده أطول و الله المستعان , الخمر مصيبة لكن فيه حريم وايد أصبروا عليها إذا ماكان موذي لين الله هدى رياييلهم أو توفاهم و السبب خوفهم علي بيتهم و عيالهم الله ياجرهم إنشاءالله و قولي له الناس مايرحمون و العيال يتأثرون و البنات ما أحد يتزوجهم إذا أبوهم سكير و الخمر أم الكبائر , أما سالفة الخيانة الزوجية و العلاقات المشبوهة للأسف منتشرة هالايام و أشوف شباب محترمين و سنعين مع بيوتهم لكنهم يخربطون و أقولهم ليش حرام هالكلام الحلو قوله لزوجتك أم عيالك ,أهي أولا فيه يقول يا أخي و الله ألعب و أتسلي و أضحك عل ى البنات صدقني المسألة تحدي و صياد و فريسة و بس , أستغفر الله . يعني بنات الناس عنده لعبه . لكن أغلب الأحيان تكون مراهقة متأخرة لكبروا و أنشغلوا يتوبون و يعقلون و الله يصبرج و يهديه .

 

[* ملكني الخوف *]

الله يعينج حبيبتي مالج الا ربج ادعيه احنا بعشر الاواخر فرشي سيادتج وادعي ربج وبس ان الله يهديه احنا ماراح ننفعج

 

[قمرهم كلهم وبس]

حبيبتي كانك تحكين عن وحده من صحباتي نفس الحكايه بس مو كويتيه شوفي من امن العقاب ساء الادب انصحك تزعلين وماتحكينه ابدا واذا تقدرين تروحين لاهلك احسن لازم يحس انك بعتيه ومو قادره تستوعبي الي صار او بيتعود ويوريك اكثر وعلنن الله يعينك

 

[فارضه احترامي]

حبيبتي لا تتطلقين - وحمدي ربج انه معاملته معاج طيبه
واهم شي لا تفتشين وراه عشان ماتتعبين وهو يمل منج
خليه يحس انج واثقه فيه وانج محتاجته حيل
وادعي ان الله سبحانه يهديه
بالتوفيق حبيبتي

 

[حبيبي فهوودي]

الله يعينج حبيبتي اممممم غيري جووو سافري معاه
اممم حاولي

واذا على ربعه حسبي الله عليهم بلغي عليهم الشرطه بس بشرط بس انشالله يمسكوهم بالجرم المشهود
مادري بس فكري باي شي ولا روحي معاه الحج صدقيني باذن الواحد الاحد يتغير
ولا اخذو لكم عمرة
والله يهديه

 

[مجنونه هواهـ]

شتحسين فيه اسم الموضوع مو مثله شفته بالشقه مليييقه قطيعه

 

[جوك احلى جو]

لا حول ولاقوة الا بالله

عندي تعليق علي شغله لاتيبين طاري صديقتج وتدخلين اسمها بمشاكلج ترا حرام وريلج مايخاف ربه لو بحطها براسه ممكن يعفس حياتها والسبب انتي هم حرام تراها بنت ناس سويتيها كانها تكلمه بالشات وكلمته ماسنجر يعني هم هذي بنت وسمعه حرام والله

بخصوص مشكلتج انا اشوف صعب الوحده تعيش مع واحد مثله وبالنهايه هذي حياتج