لحقوني ريلي يخوني .. وشفته بشقه

[nani88]

اختي انتي مطلقه مره وما اعتقد تبين تطلقين مره ثانيه
وريلج صج يحبج بس تعود على هالشى وتعود انج تسامحينه كل مره
الحين تبين حل وهو بسيط وجربيه شهر بس
استغفري .. تمي طول اليوم استغفري بنية انه ينصلح ويرد لج
ونصيحه لا تحاولين ادورين وراه خلاص استوب لانج انتي الي بتتعبين
ومشاكل بيتج سكري عليها لاحد يدري فيها وتوكلي على ربج

 

[Freakya]

انتي اللي ما عندج سالفة قاعدة معاه

هذا واحد تأمنينه على عيالج ؟؟

جذاب سكير و راعي شقق و شي اكيد ما يصلي

 

[Freakya]

انتي تزوجتيه عن قصصه حب ولا زواج عادي

نفس السؤال

 

[وخروا بطيح]

الله يهديه ويكون وااافي معج يارب

تأكدي اكو حريم وايد نفس معاناتج

ادعي له ادعي له ادعي له

افرشي سجلدتج باخر الليل واشكي لربج

كل يووووم .. وصدقيني ربي بيرده لج نفس ماتتمنين

انا عن نفسي اقول لاتفكرين بالطلاق

ومرده يعرف قيمتج بأذن الله

واذا حسيتي كتابتج لهالموضوع وردود البنات

بتأثر فيه خله يشوف راووويه


الله يهديه ويخليه لج بروووحج

 

[وخروا بطيح]

26476517]اختي انتي مطلقه مره وما اعتقد تبين تطلقين مره ثانيه
وريلج صج يحبج بس تعود على هالشى وتعود انج تسامحينه كل مره
الحين تبين حل وهو بسيط وجربيه شهر بس
استغفري .. تمي طول اليوم استغفري بنية انه ينصلح ويرد لج
ونصيحه لا تحاولين ادورين وراه خلاص استوب لانج انتي الي بتتعبين
ومشاكل بيتج سكري عليها لاحد يدري فيها وتوكلي على ربج

[/QUOTE]


مع كلامها:eh_s(15):

 

[جروح ودموع]

الله يعينج ويفرج همج ويهدييه يا رب

 

[السيده الصغيره]

الله يهديه انشالله

 

[(حكاية قلب )]

يختي مادري شقولج بس كل شي الا الخيانة
ولا بعد سكران ,تطلقي احسن =)

 

[نونه المنكوشه]

اول شي ماراح تلقين الحل اله عندالله لاتلجئين اله لله تذكري هالايه ( انك لن تهدي من احببت ولكن الله يهدي من يشاء) صلي قيام الليل وادعي ربج بكل قلب خالص وخليك قريبه من الله وصدقين بتشوفين شلون بيتغيروالنعم بالكل لكن لااهلج ولااهله ولابنات المنتدي ولارفيجاتك ولااحد بيحس بنار اللي بصدرج غير الله والحل عند الله بس وخلي عندج يقين انه بتغير باذن الله لكن نصيحه لاتفتشين ورا خلاص انسيه وخلي همج صلاتج ودعائج والله يبرد عليج ويلهمج الصبر الجميل تري الدعاء والاستغفارسحر رباني والله يوفقج ويسر امرج

 

[خالف تعرف]

الله يعينج عليه ويهديه ويهدي كل رياييلنه

 

[أسم والسلام]

يبيله طق سنه بساعه لايطااااااااق يرضى ريل أخته يحرق أعصاب أخته مايرضى

خله يشوف كلامي ويموت قهر

 

[هنوو العنزي]

الله يعينج ياقلبيي

 

[Tom ♥ Jerry]

,


لا حول و لا قوة الا بالله العلي العظيمـ @
مو من صجه سراحه :/ !
استغفر الله :|
صاحي هاذا و لا مينون !

حبيبتي آنتي لازم تفكرين بـ عقلج و تاخذين وقتج بالتفكير ،
هاذا يسكر تدرين شنو يعني يسكر .! :/
يعني لو يرد البيت و آهوة سكرآن يذبح ولدج أو يذبحج عآدي .،
و ينآم مع بنات و مآدري شنو :/ يعني شنو تبين آكثر :/ !

حبيبتي فكري و آتخذي قرار ,،
و الآبو لو مآ تعدل آحسن للولد آنه يعيش في بيئه آحسن من جي ّ
قعدي معاه بكل صراحه و هدوء و طلعي كل الي في قلبج !
و قوليله انا آدري و آدري وآدري و ساكته عشان ولدي بس ,،

صدقني بعطيك مجآل آن مآ تغيرت فراقك عيد ,،
و لا تخلين ولدج يعيش بهالمزبله :/
اذا الحين مآ يفهم ترا باجر يكبر و يفهم و يشوف آبوه دآش سكران
و يعرف آنه مع بنات و خرابيط .، !

اذا مآ تخآفين على نفسج خآفي على ولدج ,!،
و آتخذي قرارج من الحين لا تسكرين و تطولينهآ لا تحملين و اتييبين بيبي ثاني
و توهقين نفسج و عيالج معآج ،


الله الهآدي .@

 

[*غنج*]

الله يصلحه ان شاء الله،،،
إذا ماتفكرين بالطلاق عليج بالدعاء له بالهدايه خصوصاً في الشهر الفضيل ألحي بالدعاء ان الله يهديه ويصلحه ويخليه يترك هالاشياء

 

[|{ خـيـألْ }|]

حبيبتي الطلاق ولا مرة صار حل للمشاكل بس حبوبة انتي اتخذي مووقف قووي منه لدرجة انه مايعيدها مرة ثانية
ونصيحتي لج لااازم اهلج يتدخلوون بالسالفه بس لااا تتطلقين بهالسهولة ترى الطلااق صعب
الله يهديه لج يارب ويشووووفج انتي ولا يششوف غيرج يارب العالمين

 

[مطنـوخهـ]

الله يهديه وكثري الدعااااء

 

[هذا مزاجي]

حبيبتي ادري ان قصتج مو هينه
مايصلي وشارب خمر وشقق وخيااانه
يااااااااااااااااااااااااااااااااااااااااااااااااااااارب تهون عليها وتشرح صدرها
اسمعيني عدل
اول شي :عليج بالدعاء وبسهام الليل ادعي وابجي ولما تسجدين
كثري من ادعية تسخير الزوج وادعية تفريج الكرب
ثاني شي :زوجج صغير عمره 24 توه مراهق ومو حاس بالمسؤوليه
يعني يبي يلعب
ويستانس واكيد شلته اللي معاه نفسه وقاعدين يسحبونه معاهم
حسبي الله ونعم الوكيل
ثالث شي :{الحل}
تفرغي لنفسج وولدج وبيتج وعطيه اكبر طااف خليج بارده معاه
خلاص لاتواجهينه ولا تكلمينه بأي شي والاشياء الحلوه اللي كنتي
تسوينها له لاتسوينها من اليوم,بس طبعا خليج نظيفه مرتبه بيتج مرتب
ولدج مرتب وزوجج اهمليه خليه هو والطوفه واحد اوك
راح يلاحظ كل شي زوجته اغلى مايملك ابعدت عنه صارت تطنشه
صارت ثقيله ومايهمها شي اهو بالطقاق حسابه عند رب العالمين
واذا طلع لاتتصلين عليه ولا تسألين عنه يعني بإختصار معاملتج غيريها
سوي اللي قلتلج عليه وشوفي شيصير وقوليلنا
وعسى الله يسخره لج ويبعد عنكم الشيطان ..

 

[بنت عطا]

مايصلي ومقابله وجهه كل شي الا الصلاه اعوذ بالله

انتي ماعندج شالفه كل هذي عيوبه وتقولين مابي اطلق وقلبه طيب انتيً المسكينه وعبالج بتموتين ان هدج ماتسوا عليج يجيب لج امراض وبلاوي

 

[رحيل المرافيء]

عمرج 22 ومطلقة مرتين
العيب فيج شحقة متصربعة على الزواج
تطلقتي جان اشتغلتي كملتي دراستج

 

[نعم نعم شنو]

حبيبتي والله كسرتي خاطري =(

حاسه بشعورج ماتبين تتطلقين عشان لا يقولون اكيد منها العيب تطلقت مرتين

وغير جذي عندج منه ولد وايد صعبه

ويبين على ريلج وايد طيب تقدرين تشكلينه مثل ماتبين بس بذكاء

وانتي قووويه اي انا اقولج قويه و واثقه فيج انج بتغيرينا لانج عاقله وفاهمه وان شالله

يارب يتغير حاولي اذا صليتي تنادينا وتمسكين ايده وتدعين جدامه انه الله يهديه ويكون قدوه حق ولده وانه يصلي

والبنات ماقصروا بالحلول لازم ما تسكتين عادي بلغي الشرطه خليه شوي يحس او قوليله يمه ليش جذي ويهك اسود يخرع وااي يخرع

شككيه بعمره قوليله من البلاوي الي تسويها وحضنيه وابجي قوليله مابيك تموت جذي اخاااف عليك من جهنم

او قوليله ربي غاضب عليك من الي تسويه وحول صورتك بنظري من حلو لي تخرع كل ما اشوفك احسك مو ادمي ويهك محترق متشوه يمكن ما احد يشوف هالشي غيري لا تقرب صوبي

خليه شوي يخاف

الله يهديه ويسخره لج ويتغير 180 درجه يارب يا قادر يا كريم