لحقوني ريلي يبي وخالتي نحيسه مابتعلمني

[جديده بالدنيا]

بنات عفيه ساعدوني حدي مقهووووووووووووره
توني متزوجه ومو ذاك الزود بالطباخ وخالتي واقفه لي عظم بالبلعوم
وريلي ذبحني بطباخ امه المشكله مااقدراسألها عن شغلات هو يحبها اشلون تسويها
اكو شغلات اعرف اسويها بس انا بالشوربه ميييييييييييح وهو يموووت
على الشوربات وذبحني بشوربات امه يقول لونها ابيض وفيها
قطع دياي وخضار مثل الكوسه والجزر وبطاط المهم اني ماعرفتها
بحثت بالنت ومالقيت شي ومااقدر اسأل امه اشلون الطريقه بتخليني
بيزه مااسوى لو سألتها فاللي عارفه هالشوربه واللي شاطره بالشوربات اي نوع بس تكون لذيذه حيل علشان يعرف اني اعرف شغلات يديده بعد غير شوربات امه
ومجربتهم وطالعه لذيذه معها عفيه تعلمني وتساعدني وبعد شو به الشوفان هو يحبها
اللي تعرف طريقه زينه للها ادري اذيتكم بس متوهقه ومالي الا الله ثم انتوا
انتظركم عفيه لاتنطشوني​

 

[استكانه1]

حبيبتى الله يهنيج .. انى نفسج ميح بوااايد شغلات :eh_s(16)::eh_s(16)
بس امبيه عندى خادمه ووووووووووووووايد تسوى شغلات وشوربات وايد تينن بشوف منها واقولج :O_SHH_:
تعالى اقولج اخاف خالتج اتسويله شوربه ماجى ههههههههه​

 

[روعه 99k]

رد : لحقوني ريلي يبي وخالتي نحيسه مابتعلمني

روحى اى مكتبه
اكو كتب طبخ لكويتيات وايد طبى وتخيرى
حتى مقاديرها مضبوطه
وبتصيرين اسنع من امه

 

[Dreams Of a girL]

رد : لحقوني ريلي يبي وخالتي نحيسه مابتعلمني

للآسف حتى انا مييح بالطبااخ
وماحبيت اطلع بدون لا ارفع لج الموضوع

 

[شندوخه]

رد : لحقوني ريلي يبي وخالتي نحيسه مابتعلمني

ترى الشوربات حيل سهله
ولونها الابيض يمكن تحط طحين او نشا او كريمه
شوفي في طريقه شوربه سهله

اخذيلج مغلف كنور كريمه الدجاج

وسوي الشوربه مثل ماهي مكتوبه عالمغلف وزيدج خضرتج اللي تبينها
جزر ذره كوسا شعريه او معكرونيه الصغار وحتى لوتبين زيديها دياي
وتقدرين تغيرين بنوع الشوربا

 

[جارة القمر]

رد : لحقوني ريلي يبي وخالتي نحيسه مابتعلمني

مشكوووريييييييييييييين


وتفضلي طلبك

http://www.q8yat.net/showthread.php?t=359067



http://q8yat.net/showthread.php?t=3607

http://www.q8yat.net/showthread.php?t=194250

المقادير:

صدور دجاج

حبتين بندورة متوسطة الحجم مقشره ومقطعه

ملعقة طعام زيت الزيتون

3 فصوص من الثوم المفروم

قليل من القرنفل ذره بسطه

بصلة متوسطة الحجم مفرومة

ممكن قطعة زهره بروكلي كوسا ملفوف المتوفر من الخضار حسب الاختيار بقدر كوب من كلا منها

جزرتين مقطعة شائح مائلة

عودين كرفس مقطع حلقات

شوية زعتر اخضر مفروم

مكعب ماجي

كوب معكرونة حسب اختيارك

مرقة الدجاج

فلفل اسود ملح كمون

قليل من عصير الليمون

ملعقتي طعام بقدونس مفروم


الطريقة :



تسلق صدور الدجاج مع لتر ماء باضافة ملعقة طعام من البصل والثوم والكرفس والماجي حتى الاستواء


تستخرج صدور الدجاج وتفتت وتعاد الى الشوربه وتترك جانبا

ونضع وعاء الحساء على النار ثم يضاف قليل من زيت الزيتون ويضاف البصل والثوم والجزر والكرفس ،

والزعتر والفلفل الاسود والكمون وقرنفل واذا كان هناك اي خضار اخرى مختاره

تقلب على النار لست دقائق حتى تدبل الخضار ولاتتحمر

نضيف ماء سلق الدجاج مع فتات الدجاج

ونضيف كوب المعكرونه المختاره ونتركها مع الخضار عالنار مدة عشر دقائق

وفي المرحله الاخير نضيف الى الشوربه عصير الليمون والبقدونس ونقلب

ثم تقدم والف صحة وعافية

المكونات والمقادير


2 صدر دجاج فيلية (أو نصف دجاجة)
لتر ونصف ماء مغلي
2 حبة جزر
2 حبة بطاطا وسط
بصلة متوسطة
ملح وفلفل
2 ملعقة كبير قشطة أو نصف كوب كريمة سائلة
بقدونس مفروم للتزيين وعصير ليمون

طريقة التحضير .

1. يقطع البصل ويحمر بالزيت ثم يضاف إليه الدجاج المقطع إلى قطع وسط ويقلب، ثم يضاف الماء ويغلى لمدة 10 دقائق.
2. يضاف الجزر والبطاطا (مقطعة قطع صغيرة حتى يسرع من نضجها) إلى الشوربة والملح والفلفل ويترك على نار وسط لمدة 10 دقائق.
3. تخلط الشوربة بالخلاط حتى تهرس بشكل كامل ثم يضاف لها الكريمة أو القشدة وتترك على النار لمدة 5 دقائق.
4. تقدم بأطباق الشوربة بعد تزيينها بالبقدونس المفروم ويرش عليها قليل من عصير الليمون.

 

[مــســك]

ما اعرف .. واب لعيونج

 

[Hello_kitty]

عندج كتاب المطاحن عندهم جزء كامل بس حق الشوربات كل وحده الذ واسهل من الثانيه

وانصحج بكتب عبير الراشد شي موطبيعي ماشالله

 

[بنت الكويت &]

رد : لحقوني ريلي يبي وخالتي نحيسه مابتعلمني

حبيبتي اشتري لكتب طبخ اسهل لج

 

[سكووون]

أحلى شي عندي و عند ريلي شوربة العدس بالخضار ..

شوفي .. سويها و ان شاء الله بتعجبه

كاس عدس أصفر تغليه مع ثلاث كاسات ماي و تجيبين الأتي ::

حبة بطاط مقشرة , حبة جزر , حبة كوسا , و أي خضار غيرهم و تقطعينهم أي شي مو مهم و تحطينهم مع العدس المغلي

بعدها حبة بصل تحمسيه شوي لين يذبل تحطي فيه نص حبة فلفل بارد و كزبرة و تشيلنهم و تحطينهم مع العدس و الخضار و تحطي البهارات

و تخلينهم يغلوا لغاية ما تنضج الخضار و بعدها تجيبين خلاط العصير و تخلطين كل المقادير و تحطي الملح و بالعافية

 

[جروح خالده]

رد : لحقوني ريلي يبي وخالتي نحيسه مابتعلمني

رففففففففففع

البنات مارح يقصرون

 

[معكرونه أسبكتى يم يم]

رد : لحقوني ريلي يبي وخالتي نحيسه مابتعلمني

مااعرف

بس اب لعيونج