لحقوني بنااات صلعت وقعدت ؟؟؟؟؟

[رفيعة الشآآن]

مالج الا طبيب

لان الخلطات الي يقولونها البنات برنامج للعناية مو للعلاج المشكلة

وانا عن نفسي مارحت طبيب صراحة رحت صيدلية لندن وعطتني الصيدلانية تونك 2 وقف تساقط

موفقة حبوبة

 

[star girl]

روحي للطبيب اكيد في شي مسببلج التساقط او ان ما يطلع شعرج
سوي عنده تحاليل للدم والغده والهرمونات وقوليله عرسي قريب وانشالله يساعدج

 

[cute katkota]

اممممم مادري حبيبتي ، بس ماحبيت اطلع بدون رد،،

شوفي انا رفيجتي جذي كانت مثلج وقت تجهيزها وقبل عرسها، وكان كله يحت شعرها،،
بس تصدقين كله من النفسيه وسوء تغذيه، لانها كانت تحتاتي العرس والزواج والتجهيز وتبي تسوي رجيم، هذا اللي سبب هالشي،،


بس نصيحه اول شي سوي تحليل دم أو غده او هرمونات،، يمكن الحديد اللي بدمج ناقص بسمالله عليج،

اول شي حللي،

وروحي عيادة جلديه وخل الدكتوره تشوف شعرج وتقولج شنو تاخذين وشنو تعالجين فيه،

يعني لاتجربين بعمرج خلطات لانه مو وقته الحين،، الخلطات للعنايه، وانتي الحين ماتبين تعتنين ، انتي الحين تبين تعالجين،
انشالله اذا تعالج شعرج وطلعلج شعر وكثر بعدين ابدي تعتنين فيه من خلطات وزيوت،،

بس الحين لأ!! لان بالأساس شعرتج وفروة راسج تعبانه،، مبين من كلامج

وحاولي تسنعين اكلج يعني تكثرين خضار وفاكهه، وتشربين ماي اكثر،

ويبيعون بالصيدليه انبولات تنبيت شعر، وفي بعد حبوب الثوم حق الشعر تنوكل تباع بالصيدليه، سألي الدكتوره اللي بتروحين لها عنهم، او خل توصلفج انبولات من عندها، اضمن لج ، لانها اهيا اللي راح تكشف عليج وتعرف حالتج،

وعندج خلطات الجرجير واثوم عل شعر معروفه، بس مو وقته الحين، انتي اول شي عالجيه، تالي اعتني فيه

بس لاتحين ولا خلطه الحين ، اول شي فحصي شوفي من شنو هالمشكله قاعه تصير ، وانشالله ماكو الا العافيه، ببس اتوقع من النفسيه والتفكير،


انا جذي وقت الامتحانات شعري يطيح وايد،،،


اي ونسيت اقولج رفيجتي بعد الزواج الحمدلله ماقام يطيح شعرها، لانها خلاص وقفت تحاتي وتفكر،،

وانشالله ياربي شعرج يرد مثل اول


وغسليه بماي مقري، مامنه مضره بس له فوايد كثيره باذن الله


والله يوفقج يالغاليه

 

[جوديq8]

رد : لحقوني بنااات صلعت وقعدت ؟؟؟؟؟

حبيبتي لازم تروحين لطبيب انا كان عندي نفس المشكلة لما رحت طلعت معاي نقص حديد هو الي يخلي الشعر يطيح


ونصيحة لاتستخدمين الخلطات والزيوت ترى اغلبهم اذا تركيتهم يطيح الشعر حييل


انا عطتني الدكتورة حبوب حديد لونها اخضر بس عيبها تمتن هالحبوب وتفتح الشهيه

واستخدمت شامبو ميتال روووووعه بمعنى الكلمة والله يشهد على كلامي انا شعري حيييل خفيف وقف التساقط وزاد وصار شعري رووعه الحمدلله مااعرف انزل صورة انتي شوفيه بقوقل الشامبوو رووووعه انصحج تستخدمينة ونتيجة بسرعه تطلع /b]

 

[alhoor]

رد : لحقوني بنااات صلعت وقعدت ؟؟؟؟؟

أحسن شي روحي للطبيب يعطيك علاج يمكن عندك هرمونات

وبعدين أتذكر في حل سريع ويومي شي يحطونه على فراغات الشعر زي البودره نفس لون الشعر تعطيه كثافة

 

[الـــذربـــة]

مـآعنـدي فـكــرهـٌ ,,

آآب لعيــوونج ~_^

 

["امي"كل الغلا]

رد : لحقوني بنااات صلعت وقعدت ؟؟؟؟؟

وانا بعد نفس حالتك ورحت لدكتور جلديه ووصف لي بخاخين صباح ومساء
وامبولات وشامبو وحبوب حديد ,,
وصار لي شهر الحين استعملهم بس بصراحه مااحس توقف التساقط

التساقط هو هو يمكن تو النتايج عليه

لان الدكتور قالي بعد شهرين او ثلاثه ان شاء الله تبين النتايج باذن الله ,,,

وهذا انا استعملهم وعلى الله ,,

دعواتكم يابنات القى منهم الفايده ,,

 

[صااااحبة السمو]

ثااانكس يا احلى كويتيات
لا خلى ولا عدم ​

 

[Nauara]

رد : لحقوني بنااات صلعت وقعدت ؟؟؟؟؟

السدر احسن شي

وانصحج تروحين حق دكتور جلديه

والله يوفقج ياارب

 

[خاطر مذبوح]

شلونكم يا احلى كويتيات ..
عرسي بعد 23باذن الله يوم والمصيبه اني من ملجت وانا اعالج شعري وللحين ماكو فايده فيه
:s141::s141:

خفيف لدرجه ما تتصورونها :eh_s(11):
خبركم راح اتسبح باليوم مليون مره شسوي فيه :eh_s(2):

غير الستريت ابي شي سريع ويطلع شكلي ناعم وحلو
والله يوفق الجميع :yaaaaaarb:​

ألف مبروك حبيبتي عسى الله يبارك لج بحياتج يا رب
بالنسبة لشعرج .. كنت مثل مشكلتج شعري دهني وخفيف حيل وحالتي كانت حيل متأزمه
أحط بهالخلطات و هالزيوت يا اني ما ألتزم على طول لأني ما ارتاح لهم
يا اني التزم وما اشوف الا زيادة خراب
صدقيني يا حبيبتي والله الشي الوحيد اللي فادني و مو مصدقه ان شعري الحين متحسن "

ماشاءالله"
اهو اني أحط خلطة ( الحنة و السدر ) كل اسبوع مره و انتبهي على انها ( كل اسبوع مره )
مخصصه يوم الأحد أو الاثنين للحنة و ماشاءالله وربي الشاهد
طال بسرعه "كان محشوش" وحتى نزلت موضوع بقسم العروس اني توهقت بشعري وابي شي

يطوله والحين الحمدلله طال لله الحمد بفترة قياسية
صدقيني انصحج تجربينها و تستمرين عليها حتى بعد ما تتزوجين عاد انتي استغلي فترة غياب ريلج يوم بالاسبوع و حطي حنة مع سدر ثلاث ساعات بشعرج وشوفي النتيجة والله تبهر ماشاءالله
آنا شفت منها ( طول + كثافة + نظااااااااااااافه مو طبيعيه ماكو ولا قشرة و الفروة مرتاحة لا دهن ولا شي الحمدلله + لمعه روعه + لون حلو )
انا شعري دهني والحنة تسحب الدهن من الشعر سبحان الله ما ارتحت الا لها و السدر ينظف بشكل روعه و يخلي تسريح الشعر حلو


خلطتي عباره عن :
( حنة "حسب طول شعرج" + سدر " كمية اقل من الحنة " + ملعقه عسل + ملعقتين زيت زيتون + شوي نسكافيه " اذا تبين لون شعرج ككاوي على بني من هالطقه )
تعينينها و تخلينها تنقع 6 ساعات و من ثم تحطينها على شعرج 3 ساعات تقريبا او أكثر براحتج بس مو أقل من ثلاث ساعات
واذا غسلتي الحنة انتبهي انج تغسلينها بشامبو
غسليها بماي فقط و اليوم الثاني غسلي بشامبو والله بتستانسين من النتيجة و اذا استانستي بالنتيجة ادعيلي الله يوفقني بزواجي و يمرّره على خير
بالتوفيق

 

[QT]

رد : لحقوني بنااات صلعت وقعدت ؟؟؟؟؟

طيب اكلي حبوب كبد السمك


راح تحسين بالفرق خلال هالثلاثة اسابيع


طيعيني

 

[فوشيـــا]

رد : لحقوني بنااات صلعت وقعدت ؟؟؟؟؟

اختي تلقين انبولات للشعر ببوتس حلوين للشعر

والله يكون بعونج

 

[صااااحبة السمو]

الله يجزاكم الف خيرر
بجرب وان شاء الله في نتيجه ​

 

[albarooona]

قوة كويتيات حلوات

حبيبتي صااااحبة السمو

نصيحة نصيحة لوجه الله
وخري عن الزيوت و وخري على الخلطات والوصفات لا ترهقين فورة راسج ولا تتعبينها بهالمواد والتجارب إلي ما تعطي نتيجة ولا فايدة

أهم شي التغذية إذا تبي الشعر ينبت أكلي فواكه ( تفاح ، كيوي ، برتقال .... الخ ) كثري من الأشياء إلي فيها فيتامنات وحديد

ودايماً دلكي فروة راسج برقة ولطف عشان الدورة الدموية

حني شعرج على طول على الاقل مرة في الأسبوع

دايما اشطفي شعرج بماء بارد في كخطوة أخيرة بعد الاستحمام

أشري الكثير من الماء

وآخر شي أنصحج بحبوب مقوية وفيتامينا للشعر وهي إلي أنا أستخدمها والحمدلله وقفت تساقط شعري

silica ok

و

hair vit

اختاري واحد فيهم وداومي عليه

وأيضا حبيبتي ابتعدي عن النفسية لا تتعبين نفسيتج ترا تأثر على شعرج بالدرجة الأولى وعلى بشرتج

دايما تعلمني لما تتعبين نفسياً أخذي نفس عميق وأغمضي عينيك وتخيلي أنك تجلسين في حديقة خضراء والكل من حولك سعداء او أنكي تجلسين أمام البحر وتسمعين أمواج البحر

ولا تفكرين وايد بأشياء سلبيه

خلي حياتج إيجابية وكلها سعادة حتى لو كنتي في قمة حزنج أنسي الحزن

والله يوفقج حبيبتي وان شالله أكون قدرة أفيدج وأساعدج

 

[غلاو94وي]

رد : لحقوني بنااات صلعت وقعدت ؟؟؟؟؟

استخدمي الخلطه العجيبه عند الحواج حلوه

والله يسرلج

 

[برورة2005]

رد : لحقوني بنااات صلعت وقعدت ؟؟؟؟؟

شوفي عليج بتدلييييييك رآآآآآآآسج أأهـــــــم شي .. عشان تحرررك خلاآآآيآ الدم وتجدد .. وينموووو الشعر

وعليج بالكثيررره من الحوآآآج حيل حلووه تنفع لشعررررج .. والله يوفقج ..