لحقوني بمووووت من القهر من ابلة الرياضيات

[Qute-engineer]

السلام عليكم ياكويتيات
اليوم بمووووت من القهر تخيلوا بنتي باولى ابتدائي حكومة ودرجاتها بالرياضيات بالفترتين اللي طافو امتياز وجيد جدا انصدم اليوم ان ابلة الرياضيات حاطلتها مقبووووووول بالفترة الثالثة مع ان يابه بامتحان 4ونص والثاني 3ونص من 5 وكتابها كله نجوم تكفون شلون اتفاهم مع الابلة يوم الاحد اجتماع الامهات .. قهر :0bee2e8d89:

 

[حلم الطفولة]

ماعرف تقسيمات الدرجات للرياضيات أولى .. بس خلينا نفترض ..

4 ونص : يعني 9 من عشره
3 ونص : يعني 7 من 10
المجموع : 16 من 20 .. وقولي 3من 5 بالشفوي
هذي 19 من 25
أو 38 من 50 ..
وانتي عاد شوفي وحسبي ..

إذا درجاتها وايد أقل يمكن المدرسه غلطانه بنقل الدرجات .. لا تسيئين الظن فيها أول روحي تأكدي ..

 

[أمواج البحر]

انتي روحي وسأليها وشوفي شسالفه

يمكن تكون غلطانه خاصه انج تقولين مستوى بنتج امتياز

 

[moaze]

حبيبتي ممكن جدا ان تكون الابلة اخطئت
راجعيها يوم الاجتماع
اتمنى لكم التوفيق

 

[+بسبوسة+]

شوفي انا مدرسة

اذا كانت غلطانه حمدالله و نور على نور

بس اذا قاصدتها قوليلها..
وليش مابلغتيني؟ ان مستواها نزل
الغلطة غلطتها مو انتي...
وتقدرين تشتكين للإدارة
في مدرستي ممنوع ننقص درجات وااااااااااااااااااااااااااااايد تاثر
على مستوى الطالبة بدون لا نبلغ ولي الامر ان مستوى الطالبة نزل...


وبس

موفقة

 

[م فطومه]

حببتي المهارات تختلف انا ابلة رياضيات واعرف بهالفترة عندنا 5 مهارات وقسمة المجموع على العدد تطلع النسبة يعني يمكن بمهارة تاخذ امتياز والثانية جيد والثالثة جيد يعني تختلف الدرجات وبعدين الاختبارات 5 وعليهم بس 5 درجات
اما الشفوي بكل مهارة 20 درجة تخيلي
المهارة الاولى 20 شفوي و5 اختبار
المهارة الثانية20 ونفس الشي لين الخامسة



وبعدين ممكن بنوتج تكون شطورة بالمهارات الى طافت وموشرط تكون شطورة بالمهارات اليديدة انا اعترف ان المنهج اصلا صعب على مستوي اولى بعد عمري عمرهم والله بس نسوي

 

[! بــدويه وآآيــد !]

\
\
\


روحــي قولي لهآ ليش مستوى بنتي نــزل؟؟؟


وقولي لهآ ان امحآنآتهآ زييينه وكتآبهآ كــآمل :|

وتفــآهمــي معآهآ بكل هدوء لاتحط بنتج براسها وتوصي عليها رفيجاتها حتى لو كانت هي ماتدرسها سأليني وآآيد تصير وبس



\
\
\

 

[أم عبووووود]

حبيبتي روحي راجعي الابلة احسن وكلميها بهدوء

انا اللي اعرفه ان الابلة تمتحنهم ب5 مهارات حتى ثانية ابتدائي نفس الشي بس

انتي حاطه بس نتيجة اختبارين شيكي وي الابلة عالباجي وان شاء الله تكون غلطانه

الله يعينج

 

[om al ghaleen]

اتصدقين انا بعد علامتها مو مقتنعه فيها ولما سألتها تقول المنهج وايد صعب
وقعدت تشرح لي الطريقه الجديده امبيه حدي انصدمت من شرحها ~

يعني انا ادرس بنتي غير واهي غير
مالج الا تروحين تستفسرين منها وقولي لها شدي عليها اكثر
حرام اولى ومقبووول صج قهر

\\