لحقوني ابي ابجي من الدقوس

[اهات الصمت]

السلام عليكم
بنات ساعدوني ابي اعرف شلوووون
اسوي دقوس
دايم لما اسوي الغدا يطلع لذيذ
ماعدا الدقووس مااعرف اضبطه

 

[ام عباااااااااادي]

وعليكم السلام

هلا وغلا

شوفي حبوبه انا بعطيج طريقتي والكميه حسب رغبتج

احمسي بصل مع شويه زيت لين يتشقر وبعدين حطي عليه كزبره خضرا واحمسيهم مع بعض وبعدين حطي عليه الطماط المطحون ومعجون الطماط والماجي وخليها على نار هاديه لين يخثر وبعدين سكري عليه ...

 

[اهات الصمت]

يسلموووووووووووووووووو
ويعطيج الف عافية
ومشكورة

 

[PinkY Dreams]

ههههه انتي نفسي انا ساعات اضبطه

اقص الطماط واحطه بالخلاطه مع ماي و فصين ثوم
و بالجدر احط معجون طماط و شوي بصل و وثوم زياده مدقوق داقته وبهارات شويه ونص مكعب ماجي و بعدين احط الي بالخلاطه ( طماط مقصص و ماي و فصين ثوم ) بالجدر على النار واحوسه واحط فلفل اسود وساعات احط باميه دقوس مع باميه اوف حده لذيذ خخخخخخخخخخخخخ

 

[جارة القمر]

مشكووريييييييييييييييين


تفضلي طلبك


http://www.q8yat.net/showthread.php?t=565075&highlight=%C7%E1%CF%DE%E6%D3

 

[kajool_80]

انا طريقتي شوي غير عن البنات
انا اخلط الطماط والفلفل العلوب والمعجون وشويه ماي بالخلاط
وبعدين احط لي جدر صغيرون احط الزيت على ما يسخن شوي وبعدها فصين ثوم مهروسين واحمسه ليمه يصيير لونه ذهبي وبعدها احط خلطه الخلاط الطماط والمعجون والفلفل الحار على حمسه الثوم واخلي يطبخ وبعدين اضيف شويه ماي وملح بس

 

[ونات الفرح]

اممم
تعددت الطرق
والدقوس وااااااحد
والواحد الله سبحانه
اما طريقتي
احط في الخلاط
طماط+ثوم واكثر منه +فلفل حار اخضر+فلفل بارد+ ماي
احمس شوي بصل جوانح مع فلفل اخضر
واحط عليهم شوي كزبره خضره (( اختياري ))

وبعدين احط معجون طماط احمسه معاهم لين يطلع الزيت الي فيه
وعقب اصب عليه الطماط اللي بالخلاط
احط عليه ماجي وشوي ملح
واقص ليمونه صفره اربع واحطها فوقه واخليها الين تثقل وتعالي ضوقي الطعم
يمي يمي يمي على حموضه شوي


واذا ماتبين يكون حار
احمسي الفلفل الحار مع البصل شوي بدون تحطين علوب الفلفل بالخلاط
وعافيه

 

[ra7ab]

انا طريقتي اخلط الطماط مع شوية ماي بالخلاط اخليه ثقيل ماخففه وايد واحط بالجدر شوي زيت واحط الثوم تقريبا 3 فصوص مدقوقه واحركه ليما يصير ذهبي واحط فوقه المعجون واحركه احط خلطة الطمام ورشة ملح وفلفل اسود وكركم وفلفل علوب وحده واخليه على نار هاديه واخر شي احط كزبره او شبنت علشان الريحه اتم وبالعافيه