لحقوا يا أمهات المتوسطه

[أم عبد العزيز]

في خبر أكييييييييييييييييييييد ان مناهج المتوسطه بتتغير السنه اليايه انا ام بنت في متوسطه بضاحية عبد الله المبارك عطوني اليوم ورقه اجتماع حول الوثيقه الأساسيه للمرحله المتوسطه في يوم الثلاثاء 12/5/2009 صباحا في مدرسة أميمة بنت النعمان المتوسطه للبنات في الرحاب ... يا جماعه ما يصير جذيه لازم نحتج ما يصير المناهج كل ماله ويصعبونها شسالفه يا جماعه روحوا المناطق التعليميه احتجوا أشوف كل ما نسكت يزيدون .......... لازم موقف ناخذه لا تسكتون الله يخليكم

 

[سعاد الكويتيه]

وازيدج من الشعر بيت ..
بمدرسة بنتي مسوين ندوة يقولون ان نظام السنة الياية نفس الموحد(عاشر)
"
"
وان كل المواد اساسية حتى الموسيقا والفنية والديكور والالعاب والاقتصاد
"
"
كل مالهم يصعبون المواد...

 

[ليالي نجد]

المناهج لازم تتغير حبيبتي كلللللللللللللللللللش ماتصلح وعفى عليها الدهر ..... وبعدين بس سادس منهجه بيتغير باقي المراحل مثل ماهي للسنه اللي بعدها

ومن قالج بيصعبونها !! انا شفتها وزعوا علينا سيديات لاصعبه ولايحزنون !! انا منهجي رياضيات متوسط بس اضافوا اشياء مهمه فعلا وضروريه ورحلوا بعض الدروس بين المراحل الدراسيه وبيني وبينج لغوا اشياء مالها داعي

خواتي لاتحاتون والله المنهج الجديد حلووو بس انتوا خلكم واعين شوي فيه ووعوا بناتكم ان المواد الفنيه اصبحت اساسيه وخلهم يهتمون بتجميع الدرجات من الحين
بصراحه اللي اشوفه من الطالبات استهتار في تجميع الدرجات والتحصيل العلمي همها تنجح وبس بدون اي فايده تذكر ولما اتروح مراحل اعلى تتوهق وماتقدر تمشي ( طبعا ما اتكلم عن الكل في بنات ينحطون ع الجرح يبرى )
المسأله تراكميه من اولى ابتدائي والمنهج الجديد مراعي هالشي
المنهج القديم في عيوووووووووووب كثيره وخلل بالتسلسل وااااااااااضح مثل الشمس خاصة في مادتنا الرياضيات

لايهمكم كل شي بيكون سهالات بس انتوا شدوا الهمه ويانا حبايب قلبي انا عيالي مفهمتهم هالشي من الحين

 

[78MariMar78]

الله المستعان:0bee2e8d89:

 

[جرح الناس]

السلام عليكم
والله انا حدى منقهرة مولاقين فعلا احد يحتج مومشكلة التطوير بس لايكون تعجيزى والشغلة الثانية كل شئ له منهج ودراسة موسيقى والعاب وغيرها مافى اى نوع من الترفيه حتى الحياتية مالها معن بالمرة كل مادة من المواد تخذحصة حياتية بشكل حوار مفتوح او مسرحية مثلا كسر للروتين وفيها تشويق مو منهج وعلامات و4فترات للامتحانات غير كافية تكون كمية المتحان كبيرة والياهل مسكين مايركز لازم مانسكت حسبنا الله ونعم الوكيل

 

[سبائك]

تفضلي اختي انا سألت عن هالموضوع بعد

وليات الامر الي عندهم عيال بالمتوسطه سمعتو هالخبر؟؟؟

 

[حصوص الكويتية]

ياربي ماصارت ترى طفشنا المشكله احنا اللى روح فيهاااااا

ياعزتيلي علي المعاش اللى بيطير بجيوب المدرسين

 

[أم عبد العزيز]

تفضلي اختي انا سألت عن هالموضوع بعد

وليات الامر الي عندهم عيال بالمتوسطه سمعتو هالخبر؟؟؟

الله يجزاج خير ..ما قصرتي
والله يعينا ويعين عيالنا على اللي ياي

 

[الحراير]

الله يعينهم

 

[زهرااا]

شلون يعني ؟!!

 

[أمانيQ8]

صح كلام سعاد

ورحت الندوه بمدرسة بنتي ...نفس نظام الثانوي والالعا والموسبقى في سقوط ونجاح وقالت هذا يخليهم يتهيئون للثانوي عشان مايتفاجئون

والله لاااااعت جبودنا متنا

 

[العنود]

انا للي ودي اعرفة الموسيقي والالعاب والرسم شالفايدة منهم لا بعدهم وسقوط فيها والله هذي قرارت الحريم كل شي نحاسه لا وبعد جاينا اربع حريم في المجلس الله يعين انا اقول عسي اعيالي يسقطون في الموسيقي والله ولا راح اهتم ما بقي الا الموسيقي بعد حسبي الله ونعم الوكيل

 

[أم عبد العزيز]

انا للي ودي اعرفة الموسيقي والالعاب والرسم شالفايدة منهم لا بعدهم وسقوط فيها والله هذي قرارت الحريم كل شي نحاسه لا وبعد جاينا اربع حريم في المجلس الله يعين انا اقول عسي اعيالي يسقطون في الموسيقي والله ولا راح اهتم ما بقي الا الموسيقي بعد حسبي الله ونعم الوكيل

حبيبتي العنود ما دري والله شلي يبون يسونه في عيالنا وعلى قولتج انا قلت حق عيالي ما لكم شغل لو تيبون لي صفر بالموسيقى عادي عندي أصلا أفتخر فيكم .. شسالفه بس أقول هذا الحريم وما يسونه والله يعينا على الأربع

 

[math2020]

اي يا قلبي راح ايغيرون الرياضيات والعلوم