لحقوا علي بنتي عقب ماكانت ناجحه رسبوها اليوم

[diets]

حبيبتي لازم تحطين مدرسة حجها ماظل وقت وهذي سنة من عمرها واذا بنتك عندها ضعف ساعديها هالسنة حطي مدرس وبعدها تتأس لانها لوظلت ضعيفة رح تتعب بالمتوسط والثانوي

والله يعينك

 

[meskq8]

حسبي الله عليهم

مايخافون ربهم

صج وزارة بطيخ

 

[laylaas]

حسبي الله ونعم الوكيل

حسبي الله ونعم الوكيل

حسبي الله ونعم الوكيل

في من كان السبب

كبري الموضوع روحي اشتكي بالجريييييدة وشعللي الي صااار

 

[الشيهانة]

احنا نفس الحاله ودوارة على الكتب بس مصيبه اذا الامتحان الفصلين الله يعين

 

[هدولى]

الله يعينج والله ينجحها انشاء الله . صج صدمه ,,

 

[~ miss NERD ~]

حسبي الله عليهم

الله يعينج

 

[Dancing^Queen]

ابيه امبلتعه من صجج

روحي المنطقه التعليمه
كتبو كتاب تظلم
رفعو الموضوع
حاولو تقابلونها
وقعو عريضه انتي وهالي اليهال اللي سوو فيهم هالحركه
شنو هذا!!
البنت عندها شهاده انها ناجحه خلاااااااااص

مايصير شنو هونا خلاص بنتكم دور ثاني كيفنا!!!

 

[meskq8]

احنا نفس الحاله ودوارة على الكتب بس مصيبه اذا الامتحان الفصلين الله يعين

إختي شيهانه للإسف سألت

وطلع الكلام صج والامتحان حق

الكتب كلها يعني فصلين​

 

[مشغوله و محتاسه]

الله يعينكم صج قهر

حتى احنا الابلات تفاجأنا
بس الادارات عندها خبر من نهاية السنة الدراسية


دزو القرار اخر شي عقب الشهادات

و صدمو الكل


الحين الاختبارات ما ندري عنها ... بالمنطقة التعليميه ... تروح المديرة المساعده تستلمها منهم و توزعها على المعلمات للاختبار على طول ... يعني حتى ما يمدي نقرا الاختبار و نطلع عليه !!!


التصحيح راح يكون لجان ... كل معلمه تصحح سؤال و تعطي اللي يمها تصحح السؤال الثاني ... و الاسماء تكون مخفيه مثل الثانوية العامة !!!! ما ادري على شنو كل هالسرية و التشدد

يعني المفروض يكون الموضوع ابسط خاصة انها غلطتهم ..

هذي باختصار نتيجة التسرع بالملف الانجازي و عدم دراسته دراسه كافيه قبل تطبيقه

الله المستعااااااااااااان


الله يوفقكم ويعديها على خير

 

[غلطة حياتي]

شنو هالفوضه هذي بعد وزاره والله اشتكي على الوزاره ودي لهم الشهاده شنو هذا اي شي الله يعينكم

 

[غلطة حياتي]

حبيبتي نسيت اقولج اذا تبين اي مساعده ترفعين تظلم انا حاضرة اختي مراقبه بوزارة التربيه اخليها اتساعدج شي يبط الجبد مهزله

 

[جوجو.]

شلون ؟ شكو؟
صج تفاهه والله مايستحون كتبي بالجرايد اذا تقدرين وقولي حق فؤاد الهاشم خل يفضحهم

 

[عقر بقر]

حسبي الله ونعم الوكيل


والله يوفق بنتج انشالله

 

[**أم السنع**]

خليها على الله تبين اصدمج بعد ؟؟؟ في مناهج جديدة للصف الاول والثاني والثالث رياضيات وما عطونا دورة فيها يعني احنا وعيالكم ضايعين ؟؟؟ الله يعين وربي يوفق بنتج وبلغينا عن نتايجها

 

[جاكليت]

شالساااااااااااااالفه

الله ينجحها ان شاء الله

 

[إمبلتعه]

جزاكم الله خير يا بنات على

المؤازره والتعقيبات إللي ترفع

المعنويات.

والله يوفق بنتي وبنات المسلمين

للنجاح والتفوق.

 

[qa6wa_q8]

الله يعينج ويعينها

 

[إمبلتعه]

مشكورييييييين يا بنات

أبشركم بنتي نجحت

لابارك الله في قرارات نوريه

وتعسفها إللي ما يتطبق إلا علينا

والمدارس الامريكيه والبريطانيه والفرنسيه

على كيفهم لكن الله يمهل ولا يهمل ولها يوم قريب

بإذن إللي ما تنام عينه إللي ما خلتنا نتهنى بهالرمضانيه​

 

[طير الحب]

الف مبروك نجاحها فرحتينا والله

 

[غروري ضروري]

الف مبرووووووووووووك النجااااااح

بس حبيبتي شلووون..؟؟ اكيييييييد بنتج كانت ساااقطه عشاان جذي عطوووها دوور ثااني وهالقرار طلع من شهر 7.!!!

لان بصراااااحه مااا تدش العقل البنت ناااجحة ويسقطوونها ..!!!!!!!

وهالشي اكييييييد بيكوون في صاااالح بنتج موو في ضدها...