لحقواا على متوهقه بأكل عيالى

[@ دهن العود @]

:eh_s(12):

 

[kooka83]

تبدين بمنتجات ميلوبا الي فيها حليب بديت بالعيش مع حليب حق عيالي
عقب سيريلاك ...
بسكوت اطفال اتذوبينه بماي مع قفشة من حليب عيالج .. يا ريوق ولا العصر
عقب تتدرجين بالخضرة ,, جربت ميلوبا خضرة اول شي
تالي تسوين خضرة مفيوحه بالبيت مع عيش وبالخلاط
انا عن نفسي مااوكل عيالي الا من عمر 6 اشهر
عقب تبدين بالفواكه ... بديت بالبرتقال عصير طبيعي وتزيدينه ماي ... والتفاحة بالقفشة

 

[@ دهن العود @]

لااا والله انا بديت غير عنكم هههههههههههههه

بديت بسيريلاك نستله

وعقب خضار مهروسه مع عيش

ماجربت ميلوبا

 

[عروس الدنيا]

رد : لحقواا على متوهقه بأكل عيالى

دهن العود جم عمر عيالج اسم الله عليهم ... والله احترنا ناس تقول 6 اشهر و ناس تقول 4 اشهر ... ميلوبا عندهم اكل ل 4 اشهر بالجمعيات

 

[@ دهن العود @]

عمرهم 5 شهور ونص وبديت معاهم من اسبوعيين

 

[عروس الدنيا]

رد : لحقواا على متوهقه بأكل عيالى

اي عادي كملي شغلج ... بس وخري عن الاشياء الي تسبب الحساسيه ... مثل المانجا و الخوخ و المشمش يعني هل اشياء حتى لو شفتيهم بالجمعيات لا تجربينهم نطري ... و الموز طبعا ....

روحي مركز سلطان عندهم وااااااااااااايد خيارات اكثر من الجمعيات حق اكل البيبي

 

[جمالي ايطالي]

مرحبا اختي دهن العود


انا اليوم كنت عند دكتور الاطفال حييييييل شاااااااطر


وسالته متى اوكل ولدي لان ولدي اسم الله على قلبه يبي يكمل الاربع شهور وقالي اول مايكمل اربع شهور وكليه عااادي قتله ماينصحون اني اوكله بالهعمر قالي كلااام فااارغ


وكليه اول مايصير 4 شهور


والحين عطيه عصير تفاح لين يكمل ال4

يعني 10 ايام عصيرتفاح وبعدها الاكل ونصحني بمنتجات ميلوبا وطبعا الخضروات المسلوقه واكل البيت الصحي

بس مشكلتي ماعرف اشلون اسوي العصير؟؟؟ :0bee2e8d89:الي تعرف تعلمني...

.. قالي تفاح اخضر او احمر اعصريه وصفيه وغطيه رضعه 60 ملي باليوم

يقول تخلي لثته ورديه وقويه


والله كريم

 

[@ دهن العود @]

اى عروس بروح مركز سلطان لان الجمعيات ما احصل فيها شى

جمالى ايطالى صاجه اصلا احس انى تاخرت على عيالى بالاكل المفروض انبلش بالرابع باشياء خفيفه

وسالفة العصير انا مثلج ما اعرفه

 

[MoonDiamond]

اسم الله عليهم

الله يخليهم لج

ولاتوكلينهم من برا حرام عليج
شغل البيت انظف وعلى ايدج
انا بديت بسيريلاك
بعدين بالبسكوت
شوفان بالتمر تسوينه بشوية ماي وقفشة شوفان و7 تمرات وتطبخينه على النار
صفار البيض فقط مخلوط بلبنه وشوية ماي حار
لبنه بروحها تاكلينه بقفشه
حمص

بعدين وجبة غدا معانا بحن بروحه تهرسينه حييييييييييييييييييييييل وبدون لحوم ولا بهارات وايد ولاماجي
عيش ابيض وروب وبطاط وجزر من المرق (اعطيه عشا مرات)
بس لازم عيش ويفضل الابيض
قرع مهروس (القرع مفيييييييييييد لليهال)

كريم كاراميل
مهلبيه بماي الورد

كيك شغل بيت
عصاير البيت واهمها البرتقال ويتخفف بشوية ماي وقت الامساك

وهذا اللي اتذكره

 

[@ دهن العود @]

مشكوريييييييييييييييييييييييييين ما قصرتوا

 

[ام احلى خلودى]

الله يحفظ عيالج يارب بس ماندرى جم عمر عيالج اذا اصغر من 6 اشهر نصيحه لاتوكلينهم ولا شى اما اذا عدو ال6 اشهر ابدى وكليهم بس لاتعطينهم بيض ولا سمج نهاااائى وخاصه البيض من زين حق اليهال .. واذا تبين جدول حق الاكل لازم تروحين حق طبيب اطفال ويعطيج جدول حق اليهال ... والعضاضه عجيبه مالت الفواكه انا مجربته وااايد تريح الياهل .....والله يخليلج اياهم يارب

 

[@الياسمين@]

الله يحفظهم ويخليهم لج انشالله
شوفي حبيبتي ... روحي اشتري كتاب الطفل السليم مع الدكتوره ريم
وايد راح ينفعج .. تحصلينه بكل المكتبات ومركز سلطان
انا اعتبره مرجع لي لان واااايد استفدت منه
كل شي فيه حتى جدول عشان شلون تنسقين اكل الياهل
وكل شي تسوينه بيدج .. انظف واحسن
وبالتوفيق انشالله