لحد يزعل عرسنا ومانبي غرب

[شلة بنات وبس]

السلام عليكم ورحمة الله وبركاته , كويتيات و خواتنا الخليجيات والعربيات كلن والنعم فيه , خواتى الغاليات النيرات قررنا بمناسباتنا وأفراحنا وأعراسنا الجايه إن نكتب فى بطاقة الدعوة ممنوع منعآ باتآ حضور المنقبات و الأغراب اللى يجون عند الباب ومانعرفهم ولايقربون لنا ولا للعروس ويبون يدخلون ويناشبون المفتشات ورجال الأمن مال الصاله أو الفندق الا بتدخل غصب طيب خواتى الغاليات الحق مايزعل محنا ملزومين ندخل أغراب عدل كلامى وله انا غلطانه وكلن حر فى عرسه واتفقنا مع عمامي وجماعتنا وانسبانا من اليوم ورايح اى حرمه مانعرفها لاتزعل ماندخلها واى حرمه تجي منقبه ماتدخل لأن مرات يكون المعرس متزوج مرتين وممكن تكون المنقبه طليقته او حرمته الثانيه ونيتها مشاكل او شر للعروس الجديده حرام ماتسوا الفضايح والخراب بالعرس وابي رايكم بالقرار اللى اتخذناه واللى هابين فيه هالحين الحريم مانعرفها تقولج بدخل بشوف فنانتكم :bbbiu::eh_s(10):

 

[oshi_q88]

والله هاذي حريه شخصيه
وزعو بطاقات شخصيه وافتكو من الحوسه
وترى حلو انه الي تبي تدش العرس تدش
ترى عادي مراح يصير ششي مب ناقص شي من جيبكم دامكم مجهزين
العرس وخالصين
وبعد الناس عشان يذكرون عائلتكم وعرسكم

موفقين

 

[ELFAD3Ah]

عدل كلامج بس انا اقول لو تعزمون بس القراب حيل احسن يعني مثلا جنات خالاتج واهلهم او رفيجات ماادري منو احس ماله داعي انا سويت حفلتين ملجه واستقبال وما عزمت الا القراب حيل ووفرت على نفسي المحاتاة

 

[!الجادل الصعب!]

البطاقات الشخصيه تغني عن هالشي وماراح يحضر الا المعزوم
بس الي مايعجبني تعطون احد بطاقه وتناشبونها
علا طريقة لبسها .. غصب قطي النقاب ..!
احس هالحركه فشله بحق اهل العرس تناشبون ضيوفكم علا لبسهم
ويزعلون ويطلعون او تصير بلبله مالها داعي !

 

[حلوى عمانيه]

جذي محد بيحضر لانه الاغلبيه يلبسون نقاب

 

[kim!]

شددوا على الامن مايدخل وحده ما عندها بطاقه لو شنو مايدخلها اما ممنوع المنقبات امم احس صعبه تكتبون بالبطاقه جذي ومو حلوه تنشبون بالمعزومات والمفروض المنقبات من نفسهم يفصخونه ماله داعي حاضره العرس جذي ترى عرس مو عزااء

 

[ALMooOooN]

حبوبتي وجهه نظرى ان العرس فرحه و الفرحه انج تشوفين الناس حواليج فرحانه بفرحج

توكلي على الله و بعدي عند الوساوس

و مالكم شغل قريبه او بعيده اهم شي العرس يكون مرتب و على قوله وحده من البنات خلي الناس تتكلم عن عرسكم

موووفقين يا رب

 

[yam_yam]

عادي حطي ممنوع لبس النقاب شنو المشكلة بعد كله حريم

و صراحه شوفي انا بعرسي الاول وااايد ناس زعلوا لان حطيت قوانين اولها التلفونات عند الباب ممنوع تدخل
ووحده من خالاتي يايبه كاميرة فيديو بعد خخخخ و بنات خالتي زعلوا طنقروا
بس بالنهاية سويت لي براسي و عزمت اللي ابيه و بكيفي
مو بكيف احد يسوي اللي يبيه هذي حفلتي و انا خسرانه فيها و ابيها بكيفي
و قلت لامي هذا اليوم يومي و انا لما اقعد عالكوشة بشوف اللي احبهم كلهم حواليي مابي اشوف منافقين و ناس ادري انهم مايحبوني و لا ينافقوني
اللي يزعل كيفه و اللي يرضى حياه الله

و بالنهاية طلعت حفلتي رووعه و مرتبة و بسيطة
و الحين بزواج اختي بعد رمضان بيكون بفندق انشالله و بحد قوانين العن و اللي مو عاجبه كيفه

 

[رانس]

استغفر الله

 

[اوتار الحياه]

للررررررررررررررررررررررررررررررررررفع

 

[ShWaR]

ممنوع النقاب حما فرنسا وصلت لنا هههههه
تلقين الي متنقبه ماتبي تبين بالكامره لان في حريم ازواجهم مايبوونهم يبينون بالكامره
وبالنسبه لج هذا عرسكم وانتو كيفكم فيه بس خلو الناس يذكرون عرسكم بالحلوه مو بالشينه
والله شكثرهم يدشون متنقبات مادري شحقه واذا خايفه من الكامره لاتدش
وبالنهايه عرسكم وكيفكم فيه وزعو بطاقات احسن عشان الي عندها بس اهيا الي تدش

 

[قلبهـ 86]

اب



اب

 

[غنآآآتي]

من زمااااااان بعايلتنا منعنا دخول المنقبات والاطفال والدخول بطاقه شخصيه والله اريح

 

[فرفورهـ]

ههههههههههههههههههههههههه انزين
احنا شكو:krkrkr::krkrkr:

عن نفسنا اهلنا وااايد وندز لهم كلهم بطايق خاااصه :eh_s(17):

ويلبسون الي يبونه نقاب بدل كاشفات عادي على راحتهم

 

[طعنـــة غـــدر]

حبيبتي خل العرس ببطاقات شخصية ولازم بروز البطااقة عند الدخوول وبس / وبالعكس احسن بالعرس الكل كاشف ماحب جيش منقبات يحضرووون ولا بس تخوزز وبس لوحدة ثنتين قلنا عادي لكن الحضور يكون منقباات مو حلو
وبالتوفيق

 

[Kirsten storms]

أحنا سويناها بعرسنا كاتبين بالبطاقه ممنوع دخول المنقبات لووول

 

[ضي الدنيا]

الاغلبيه اللي تكون معزومه وتلبس نقاب ..


تكون متمكيجه وعباتها سنعه ..

بس ما تقط نقابها عشان التصوير ...

واحنا عروسنا الدعوه عامه اللي بيجي حياه الله خل الناس تونس ..


بس صح انا معاج بظاهره المنقبات اللي تكون لابسه اسود باسود وتدخل وماتسلم ع اللي واقفين ع الباب


ويخلصص العرس وبس جايه تفرررج


بس ما نقدر نسووي شي عيب نكلمها او نطردهاا



وزين تسووون البطايق الشخصيه عششان تفكون نفسكم

 

[منيرة@]

طيب دام قاعه حريم بس ليه تجلس بنقااااااااب

 

[نعوووووومه]

عادي شفيها اذا جت منقبه تكون جايه اهي وعايلتها والعايله كلهم كاشفين بس اهي مالها خلق عااااااادي بس اهم شي يكون احد من العايله كاشف وبسس

وبعدين احس قلة ادب اكتب بطاقة الدعوه ممنوع المنقبات انا شكو بلبس اللي عازمتهم ههههههههههههههه
عشنا وشفنا

 

[منـآل]

إذآ أنتوا جماعتكم وأهلكم مافيهم منقبات وتستنكرون وجود المنقبه فهذآ شي من حقكم !

لكن غيركم عندنا النقاب شي عادي
عندنا حريم كبار مايقطون النقاب لا بعرس ولا بعزيمه تبين نجبرهم يقطونه لا عيب ولا أحد بيحضر
وهذي حريه شخصيه وأتصور اذا من أهلكم راح تعرفينها لو لابسه نقاب : )

وهالقانون حلو لو كانوا اهل العرس خايفين من طليقه او ناس ناوين لهم على شر
لكن تاخذونه قانون بكل عروسكم , لا ياشينها صراحه

أتذكر مره انعزمت امي ع عرس وحاطين وحده تجيك ع الحريم كل وحده ترفع برقعها او نقابها
علشان يجيكون عليهم , لان اهل هالعرس اظن صارلهم موقف مع منقبات بس مو متذكره اللي صارلهم
وتعالي شوفي الانتقادات والبلبلة اللي عقب العرس , وحلات الناس تذكر عرسكم بالخير

وجان زين مثل ما منعتوا دخول المنقبات تمنعون دخول المفصخات ويصير عرسكم بيرفكت

وعموماً , الدعوة الشخصية حل حق هالوساوس
مستحيل احد يدش وما معاه بطاقة وأبتعدوا عن هالقوانين الشاذه على مجتمعنا .