لبس البنوتات المميز للعيد

[dalooo3h]

قووه بنات شلونكم











شقول معاناه والله:lkmnkl:

العيد قرب وانا عندي بنت اول بنت الله يحفظها ابيها مميزه

شريت لها نفنوف لون بنفسجي فاتح وتوهقت للعيد

لانها اول بيبي لي مااعرف شلون البسها اللحين شسوي مع النفوف ابي له جوتي وانتو بالكرامه يعني اذا لبستها فلات البسها دلاغ

وانا فكرت البسها جوتي لون رمادى بس من وين القى شي حلو للعيد واذا رمادي شنو البسها دلاغ اي لون يعني صعبه بنفسجي

ورمادى وين اشترى لها اكسسوارت مميزه مع الباند وااااي حايسه


:eh_s(2):

ساعدوني الله يخليكم

اي نسيت بنتي عمرها سنتين الله يحفظها

 

[&لقيت روحي&]

رد : لبس البنوتات المميز للعيد

النفنوف بنفسجي ورمادي

 

[&لقيت روحي&]

رد : لبس البنوتات المميز للعيد

اذا النفنوف بنفسجي تقدرين اتركبين عليه ابيض وردي فاتح وحلاته الجوتي وانتي ابكرامه مع دلاغ بو كركوشه ابيض ولا وردي فاتح ولبسيها يا ربطه يا شباصات من الافنيوز اتلاقين وعلى الاكسسوارت لبسيها حيول ومضاعد مطلي ذهب لانه حرام ابسرعه يكبرون وانشاء الله اكون فدتج
مع اني مو متزوجه بس اموت ابشغلات اليهال الله يرزقني انشاء الله والله يحفظ بنتج وايخليها لج

 

[dalooo3h]

لقيت روحي النفوف بنفسجي فاتح بس انا فكرتي البسها جوتي رمادي ماادرى

الله يعطيج العافيه حبوبه ويرزقج يارب

 

[dalooo3h]

وين البنات

محد يعرف ؟؟

 

[ديناا كوليكشن]

الحين الجوتى بدون دلاغ اذرب خصوصا اذا فلات للاطفال

الحين اشتريت جوتى لبنتى مثل عمر بنتج من مونسون مع البدلة راح

البسها ان شاء الله بدون دلاغ

 

[miss-winter]

روحي اكسسواريز يهبلووووووون حق البنوتات يونسون اكسسواراتهم من جواتي وانتي بكرامه عندهم وشباصات تهبل واسعارهم حلوه

 

[0ام الحلا0]

الله يخليهاااااااااااااا لج

 

[الذاهبه]

اللون الفضى روعه للفلات طبعا الفضي المطفي تلقينهم بمذركير روعه للبنوتات سلفر وبنفسجى روعه ودخلى الابيض معاهم