لبست وتكشخت ورقصت ومابين بعينه !!!!

[ايمانو حلوة]

كايدة
الله يهدي الجمييع يارب

 

[xprincessx]

رد : لبست وتكشخت ورقصت ومابين بعينه !!!!

والله اللي زوجته تلبس له و ترقص له و ما تملي عينه
عسى عينه البط
مادري ليش يتزوجون دام بيخربطون و يخونون
ماااااااااااااااااااااااااااااااااااااااااااااااالت

 

[شــغــب]

والله مدريّ

هـ الزمن والي فيه معآد ينفهمّ

 

[Australia girl]

الواحد وطبيعته في رياييل يحبون هالسوالف هني لازم المره تهتم يهالناحيه اما اذا كان عادي مايتهم لاتكثر بس حلوه المفاجئات بس خل تكون من فتره لفتره عشان الريل لايمل يقوم يبي شي غير

 

[حكستار]

يعتمد على المره بعد.....مثل ما تكون واثقه بنفسها وتوازن بين حبها ودلعها للريال...بس ما تخليه اولويه بكل شي...راح يحس بقيمتها في عين نفسها...وراح ينظر لها بنفس الطريقة.

 

[ايمانو حلوة]

عجبتني اراءكم بنات منوريين

 

[ضــمــاد]

بأختصار الريال يهمه المضمون الفعل


ومايهتم للشموع وهالسوالف

 

[امـ خــزامـى]

يعتمد على المره بعد.....مثل ما تكون واثقه بنفسها وتوازن بين حبها ودلعها للريال...بس ما تخليه اولويه بكل شي...راح يحس بقيمتها في عين نفسها...وراح ينظر لها بنفس الطريقة.

انا معاااها

اعتقد اللي تبي تكسب زوجها تكسبه بروحها الجميله وذكائها واسلوبها وعقلها المتفتح المرن


اذا كسبته من هالناحيه وشاف جمالها الداخلي
بيشوفها جميله وبيستمتع معها

وواضيف نقطه

مو كل الرجال يحبون الليالي والحركات

عني انا زوجي لو شافني متكشخه ومدهره وقميص مشخلع يتصدد او يجاملني

مايحب يحس اني افرض عليه


:d

 

[الله يجازيك]

حسبي الله على كل رجال خاين
والله سويت له كل شي مليت عينه بكل شي وكنت حبيبه وروحي طيبه و كل شي يبيه تم
بس ما كنت ضعيفه عنده بالعكس الغلط غلط لو شنو ﻻزم اتكلم
بس الرجال من قبل ﻻ يتزوج عنده علاقات وخيانات ومتعود عليها
واحنا يالحريم مسكينات وربي كل شي نسوي لهم واخر شي نكشف انهم يخونون
سوا مع حريم وﻻ مكالمات و حتى يفكر بشغﻻت حرمها ربي
انا ما قدرت اتعايش مع هالنوعيه مع ان وربي يموت فيني و شايلني شيل
بس اللي يخون ويكسر قلب زوجته مره ومرتين وثﻻث واربع
خﻻص مافي احد يتحمل والله اني يا بنات مقهوره مع اني انا اللي طلبت الطﻻق
بس حسيت اني يوم كنت معه غبيه ﻻني سامحته لين تمادئ



بتقولون شكو ردج بالموضوع داشعرشض

بس حبيت اكتب اللي بخاطري

واسمحيلي يا صاحبه الموضوع عن الازعاج

 

[امازيغيه]

الله يجازيك

حبيبتي انا معاك اذا زوجك خاين وانتي سويتي الي عليك فالطلاق اريح منه واشرف لك لانه ما يستاهلك



الرياييل هالايام مستقوين اكثر من لازم حاسبن نفسهم في القمر وهما ولا شيء

انا اشوف ان الرجال الي ناقص دين واخلاق وتربيه هو الخاين لان لو يعرف دينه و يعرف حدوده واخلاقه ما راح يخون زوجته حتى لو فيها الف عيب وحتى زو مقصره معاه. وراح يكون معاها لين ما ينصلح حالها وعينه بالارض وراضي بالنصيب

 

[دانة_ دبي]

اختي خير الامور اوسطها

يعني كشخة و نظافة و لبس سنع و تعطينه حقه

بس صدقيني ترى يعتمد ع الزوج لو هو من النوع اللي يخون دايما مهما تسوين ما تملين عينه

و في منهم الله يحفظهم ما يشوفون غير حريمهم


يعني اللي تدري زوجها من النوع اللي يبصبص خلى تزيد الجرعة <<<<<<

 

[الله يجازيك]

.......

 

[خابت هقواتي]

والله هذي شهامة الريال

اذا كان صج شهم وريال بمعنى الكلمه يكف نفسه وبيته عن هالسوالف ويفكر بحريم بيته

والله في ناس تخربط حتى ومتزوجين على ابو انه واثق من خواته واخر شي ينصدم بعدين بالبلاوي

الي ردي شتسوين فيه ؟ يبقى الردي والزواج ماراح يغير فيه شي حتى لو تغير راح يخوره مرات ويرد لخرابيطه

عشان جذي لو الوحده تسال عن ريلها قبل الزواج وسمعته عشان ماتوهق

مو شرط اللبس ترا حتى الجمال هالايام مو مقياس

المقياس شهامة الريال

لو يحبها وماتلبس لانه يحبها بعينه جميله

واذا مايحبها راح يحس انه توهق ويروح يفج عمره بهالخرابيط


الله يكفينا شر هالسوالف ويسخر ازواجنا لنا

 

[yam_yam]

ههههههههههههههههه

ضحكتني جراغيات عاد مولهالدرجة


حبيبتي الريال حسب حبه للمرأة و مثل ماقالوا البنات الجنس مو كل شي ترا :eh_s(7):
حسب كل ريال و ميوله
فيه ريال من كثر مايحبها و تحفظ بيته و تصونه لو شنو تلبس تطل حلوة بعينه
و فيه رياييل ماخذين الزواج شي تقليدي ف مايهمه لو شنو تسوي

و ترا كل ريال له مزاجه
في ريال مايبي المره تكون مستعده لهذا الشي يعني يصير الجنس تلقائي في أي وقت
و في ناس لا ,تكون حياتهم تبرمجت ان اذا في قميص نوم يعني جنس او يكونون مشغولين طول الوقت يحددون يوم معين يسوون فيه هذا الشي
الحياة تتغير و المشاغل و حتى الامور النفسية للرجل تلعب دور


و نصيحة من اختج لا عمرج تسمعين كلام من فلانه و علانه ترا في حريم يهولون و يقولون سوالف تعويض عن نقص فيهم و هم بالاصل العكس تماما
قعدي و سمعي بس لا دخلتي بيتج قطيه ورا ظهرج
و خلج عادي و تاقلمي مع طبيعة زوجج و اللي يبيه


تقبلي مروري يالغالية

 

[دانة_ دبي]

اللي تسوي ها الشغلات كنوع من التجديد و تغير الروتين اوكي

بس تسوينه عشان زوجج ما يجوف غيرج غلطانه سبحان الله الخيانة تكون بدم الانسان