لا للخـــــــــــــــــــــدم

[Q8.Bee]

انا ماعندي خدامه ..لاني الحين موقفه دراستي..بس ان شاء الله عن قريب بقدم ع خدامه ..لان احاتي بنتي شلون وانا بالدوام
يعطيج العافيه

 

[برونزية رشيقة]

وهذا كان ردي على الأخت صاحبة الموضوع :


خووووووووووووش موضووووووووووووووع ويعطيج العافية ... بس ما نقدر إحنا موظفات هذا أولا وثانيا أم زوجي كبيرة بالسبعين وامي كبيرة بتوصل الستين ما يقدرون عاليهال ...

وثالثا الزوج الكويتي أناني !!!! مو مستعد يتنازل عن طلباته وشغله يبي كلشي 5 نجوم ... وإلا راح ينقدعليج ويزهق عيشتج !!!

ما يقوووووووول : هذي موظفة حالها من حالي !

لأ

(((( قاعدة الزوج الكويتي )))) إجباري عليج يعتبرج:

1- الصبح : موظفة ... يبي نصيبه من معاشج !

2- العصر : طباخة وخدامة ... يبي غداه جاهز .. وغترته منشية والدشداشة مكووووية ..

3- المغرب : مربية ... يبيج إدرسين اليهال وتجابلين طلباتهم .. وطلبات المدارس ... وتعشينهم .. وتسبحينهم .. وتنوميهم .. وإن واحد مريض تودينه الطبيب وتصيرين (( سستر )) دوا وكمام ومضاد حيوي وكمادات ... وهو هايت برررررررة يا قهوة يا شيشة !!!


4- العشا : إمرأة مجتمع .. لازم تزورين حمولتج .. وتوجبين إخته الوالدة .. وبنت عمته أللي سوت العملية ... ويدته أللي يايه من الحج ... ويا ويلج إذا ما رحتي !!! يسوونج ما تعرفين السنع ويترسون راس ريلج عليج..

5- بلليل : يبيج تعطينه حقوقه الزوجية ... وإلا هددج يا يتزوج عليج ( إذا خايف ربه ويصلي ويصوم ) وإذا عادي لا صلاة ولا عبادة عااااادي يهددج راح يماشي وحدة من وراج !!!


هااااااااااااااااااه تقدرون تستغنون عن الخدامة ؟؟؟؟؟؟؟؟؟؟؟ مع أنانية الكويتي ؟؟؟؟؟ وعقليته إللي تقوله من انولد أن (( ملك )) والزوجة موجودة علشان تكون جاريته ؟


ردووووووووووووووووووا علي بسمع تعليقاتكم ؟؟؟؟؟؟؟؟؟؟؟؟

 

[برونزية رشيقة]

وهذا رابط ثاني .... من عضوة ثانية نزلت هالموضوع :


http://www.q8yat.net/showthread.php?t=308747

 

[برميتا]

حبيبتي طريقة معيشتنا تختلف عن الأجانب
مثل ما قلتي الأجانب الكل يساعد بالبيت الريال يساعد
وعيالهم يعلمونهم لازم يساعدون

احنا الريال غاسل إيده من كل شي
وإذا يساعد مرته ودرو أهله يصير مطنزة
يقولون خروف ورا مرته

والريال عندنا اتكالي بشكل كبير اللي حتى واجباته ما قام يأديها
المدارس على المرا الطبيب على المرا المصرف على المرا الجمعية على المرا
طلعة اليهال على المرا تدريس اليهال على المرا
اهو بس ضيف شرف ياكل ويفخ ويروح الدواوين

ويبي كل شي على سنقة عشرة
وبس شاطر بالانتقاد وهذا مو عدل وانتي مو سنعة

وعيالنا الله خير مدللين لدرجة الافساد
كل واحد ما يتنزل حتى اييبله قلاص ماي

صعبة يختي جان زين نقدر

 

[TrendyAndFunky]

والله انا معاج و اأيدج 1000% !..

استغفر الله عيل اخلي خدامه تجابل ولدي ؟ وله تطبخلي ؟؟ لا ومليون لا!.. دام يبت عيال اتحملهم ! و اجابلهم .. اغسل هدوم ؟ شالمشكله خو هدومي و هدوم ريلي و عيالي هذول .. اذا على المواعين .. قبل لا انام اغسلهم .. و اذا كلش كلش باجر الصبح .. قلنا دوامات ندري.. بس والله تلبسين و تاكلين و ماتبين تنظفين وراج ؟

عادي حطيلج مثلا يوم الاثنين و الخميس تغسلين الهدوم .. و الغساله اوتوماتيك تنشف بعد .. و لما ينشفون سفطيهم سيده .. و موشرط تسوين كل شي اوتي. علقيهم و متى ماتبين تلبسينهم بالستيمر او البخار دقيقتين خالصين ..

نتعب و ينهد حيلنااااا بس عادي .. والله لو اقعد اكرف بالشقة 24 ساعه راضية بس ما اخلي خدامه تجابل ولدي أو تقعد عندي .. طالعه داشه علي !!
ماكو خصوصية .. و ماتدرين شفيها مافيها .. اقعد احاتي بس لالا والله اشتري راحة بالييي احسنلييييييييييييي
و بعدين لو كل وحده تشيل شي ترده مكانه و تسوي الشغل بوقته و حار بحار ماراح يصير حوسه ..

و الله يوفقج على هالموضووووووووع الحلووو .. عشان نرفع معنويااات اللي بدون خدم )

 

[برونزية رشيقة]

آمبي أقروا هالقصة عن هالخدامة ولمن تخلصونها راح نكمل النقاش .... وااااااااااااي حسبي الله ونعم الوكيل عليها !!!!

هذا رابط القصة :

http://www.q8yat.net/showthread.php?t=59993

 

[الأماكن]

أنا أقول ...(نــــعـــــم للخـــدم)

ماأتخيل حياتي بدونها... بس مو إهي الكل بالكل بالبيت ... إهي شي ثانوي.. غسيييل و كوي و تنظيف مساعدة فقط

لإني موظفة و عندي عيال والحمدلله:gathering: و زوجي أستغفر الله:eh_s(14): حتى قلاص الماي مايجيب لنفسه ...و عيالي صغااار و ماأقدر بروحي عليهم

وفوق هذا ماعندي وقت للنومة الظهر أرجع وأدرس عيالي ... و بعدها ترتيبين الجناط و التسطير غير طلبات المدرسة و لووووووية اليهال الصغار و الهوشات:tomato2:
... يـــــــــــــــــــــــــاربـــــــــــــــــــــي:0bee2e8d89:

والساعة 6 العشا و الساعة 7 ,,, أحط على سبيس تون توم و جيري ... الساعة 8 النومة الساعة 9 أكون هلكانة و هني عاد أتفرغ لنفسي...وطبعا محرووووومة من الطلعات بسبب المدراس ... لإني ما أقدر أخلي عيالي بروحهم بالبيت

و تحوووووووشني حالة إكتئاب نفسي لو كان في حفلة .. عرس .. عشا ..بنص الإسبووووع خصووووصا يوم الأحد واااااااي.. ما أقدر بسبب العيال:eh_s(1):

هذا و أنا عندي خدامة ... لو ماعندي ... بفتح ملف بالطب النفسي
​

 

[لا للخدم]

حبوبتي راح أقولج سر .. قوووومة الصبح فيها بركة ... والله بنات .. لما تقومين من بعد صلاة الفجر وتنجزون أعمالكم المنزلية بسرعة .. راح تشوفون صحة بالجسد وبركة بالعمل .. سبحان الله .. ولي رجعه لموضوعج للأفادة .. بس ألحين بروح أسوي غداي .. الله يحفظكم ..

والله الجذب خيبه

عيالي اربع اسم الله عليهم والخامس بالطريج اللي يتمم علي و يسهل وبيتي كبير مو شقه صغيره ممكن انيي انظفه بربع ساعه!!

ودوامي لي الاربع ما اوصل البيت الا الساعه 4ونص

وريلي عنده دوانيه يبيلها تنظيف يوميا

وتدريس اليهال وانا بعد ابي ارتاح شوي عقب اللويه من الساعه 6 الصبح

الغساله والنشافه الاوتوماتيك موجوده بسلامتج بس يا معوده هذا اهون الامور

لا والله صعبه من غير خدامه

الله يعطيج العافية ويسهل عليج ولادتج
نعطيج استثناء ولا يهمج مشرفتنا
واكيد حملتنا هذي مو للكل لان اكيد في حالات مثل كبار السن و المرضى وذوي الاحتياجات الخاصة يحتاجون من يباريهم طول الوقت والله سخر ناس لخدمة ناس
احنا ندعو اللي ظروفه تسمح او اللي ما يحتاجها وايد ان يحاول يستغني عنها و يجد البديل
ليش اخلي علة على قلبي 24 ساعة
مثلا تلقين وحدة عروس توها بيستانس معاها ريلها حاطة لها خدامة بشقتها الصغيرة و تسمع كل كبيرة وصغيرة و صاكة عليهم ومقيدة حريتهم !!!
وحدة اعيالها كلهم يروحون المدارس الصبح وهي بالدوام و مافي احد بالبيت الصبح غير الخدامة تسرح و تمرح
وحالات وايد اكيد تقدر تستغنى عنهم والله يغنينا عنهم و عن حاجتهم

 

[لا للخدم]

انا من زماااااااان حاطة فبالي اذا تزوجت وحتى لو توظفت ماايب خدامة,,
وفعلا دايما اطالع الاجانب تلقينها موظفة وماعندها خدامة,,
وانا اشوف سلبيات الخدم جدا كثيرة وشخصيا عانيت من اذيتهم,,

حلاة البيت يضمج ويضم اهلج بدون اي شخص غرييييييب نفسيا وايد اريح,,
بلا خدم بلا تجسس بلا سحور بلا اذية,,

ميخالف اتحمل شغل البيت ولا اتحمل اذية الخدم,,
واصلا تنظيف وشغل البيت بحد ذاته ريااااااااااااااضة وحركة,,بنااااااااات ماتبون تضعفوووووووون.

انتى مية مية :ggdw:

 

[لا للخدم]

السلام عليكم
والله ودي اقول مو بس لا للخدم الا مليون لا بعد بس بالنسبه لى صعبه.. بناتى صغنونات و اسم الله عليهم يبيلهم مجابل ما اقدر اخليهم 5 دقايق و اذا ما عندي خدامه ما راح يكون عندي وقت كلش بقعد انظف و الا اطبخ و الا اكوي والا اوكل بناتىوالا اسبحهم والا اجابل ريلى والا شسوي امبيه صعبه
والله لو جونا كان مثلا نفس بريطانيا لا غبار ولا بلاوي جان قلت لج اوكي بتنازل عن الخدامه لانى ما راح اضطر انى انظف البيت كل يوم مثلا و الاجانب ترى يقطون عيالهم في الحضانه يعنى ما يجابلونهم ولا يطبخون نفسنا كل يوم

بس ان شاء الله اتمنى والله ان شاء الله لمايكبرون بناتى و يدشون المدرسه اتنازل عنها و اذا كلش كلش يعنى ايييب لى خدامه نص دوام
لانى بديت احس الخدامه من تدش البيت تييب النحس حق البيت هههههه و على فكره امس كنت قاعده اتحلطم و اقول انى كلش مو قادره اخذ راحتى في البيت ولا قادره البس على كيفي بسبتها عاد جان اختى تقولى خلاص عيشى بدونها والا تحملى!!
و مشكوووره حبيبتى على الموضوع

صح والله يبون النحس .. لانهم حقودين حسودين..
مادري ليش متخيلين االامر مستحيل ... ليش ما تحاولين و شوفي الفرق

 

[لا للخدم]

اشكر اللي مؤيدين حملتنا
واشجع اللي ما عندهم خدم للاستمرار و يا ليت نفيد بعض بتجاربكم

بالنسبة للي يقولون الشغل يجيب أعصاب
اكيد و يجيب ضغط و توتر .. هذا اذا خذيتي الامر بجدية زيادة عن اللزوم .. خلج ايزي لا تدققين
مو شرط التنظيف يكون مية بالمية .. ترتيب سريع يوفي بالغرض .. و ييبي وحدة بنظام الساعات تنظف لج البيت عدل مدل مرة بالاسبوع اذا انتى ما تقدرين .. بس ها خلج على راسها لان هم الخدم ترى وسخين و شغلهم من فوق لي فوق

 

[لا للخدم]

معناته ماسويتي شي

بتقطين فوق معاش الخدامه

وفي رياييل مايرضون باكل المطاعم لازم

اكل بيت

الهدف من الحملة مو توفير الفلوس .. اللي نقطها على الخدم .. لا

الهدف ان احمي بيتي و زوجي و اعيالي من شرورهم

ما عندي مانع احط بنتي بحضانة بمية دينار بالشهر و لا اخليها بالبيت مع خدامة معاشها 40 مادري شتسوي فيها هالثمان ساعات
وايد خدم يخلون الياها مقطوط بوساخته وصياحه و قبل لا تيي الام بنص ساعه غيروا ملابسه بسرعه عشان الام تستانس _03ba:

واكل البيت ترى ما ياخذ وقت اذا كنتي مجهزة كل شي قبلها بيوم او مطلعة الايدام من الصبح عشان يفج من الثلج
خلى الغدا يتاخر شوية بس على الاقل شي نظيف
كانت خدامتى الله لا يبارج فبها تبدي الطبخ الساعة وحدة .. تخيلي .. حتى الدجاج كله دم لانه تكون توها مطلعته من الثلج
وطعم الاكل مافي نفس لانها مو حابة تطبخ و تسوي الشغلة غصب..
الحمدلله الله فكنى منها..
مرة خذيت اجازة و قعدت بالبيت.. اكتشفت بلاوي .. اكتشفت انها ما تقعد من النوم الا فوق العشر وبعدين تاخذ راحتها بالريوق و ما تبدي الشغل الا بال 12 و كله شغل سريع و بس ترتيب .. يعني بس ترفعين شي تلقين بلاوي ..
وبعد ما سافرت اكتشفت ان عندها تلفونات والاخت طايحتله سهر و مغازل و انا احسبها نايمة من الساعة 10 .. اثر انها سهرانه و الصبح تنام و احنا بالدوام

اشترى راحة البال يا اختى و طز بالفلوس عيل ليش احنا نشتغل و ناخذ معاشات .. حطي اعيالج بحضانه و استانسي بالمطاعم و لا تحطين وحدة علة على قلبج بالبيت

 

[لا للخدم]

أنا بكمل الشهر بدون خدامة مسوية الوضع (( أنتحاااااااااااااااااااااااااااااااااااااااااااااااااااار ))

مشكورة على مداخلاتج الحلوة ..

تيك ات ايزي .. ترى الشغل ما يخلص .. و لازم تفهمين ريلج واعيالج ان حياتكم الحين غير و لازم يعتمدون على روحهم
وشوي وشوي راح تتأقلمون مع الوضع الجديد

 

[لا للخدم]

اهلين خواتي البارح حصل لنا مشكله مع الشغاله دخلوا فيها الشرطه وانفضحنا عند الجيران يعني امي وابوي على اخر اعمارهم تجي الشرطه عند بيتهم;;;;;;;;;يعني اذا كنتم تبونن اكمل السالفه ردددددددددددددددددددددددو علي احس انكم معي ;;;;;;;;;;;;;;; بس بصراحه الشغاله خبيثه خبيثه مرررررره وكلمت خبيثه شويه عليهاااااااا;;;;;;;;;;;;;;;;;الى اللقاء حبيباتي بعد الردود

لا حول ولا قوة الا بالله يا ليت نسمع سالفتج عشان المعارضين يتعظون

 

[لا للخدم]

كندية

صح كلامج بيوتهم انظف من بيوتنا لانهم يشتغلون بضمير ومو متكلين على الخدم اللي الله يعلم اشلون ينظفون

مرة كانت خدامتى قاعدة تغسل الملابس و مو متوقعة ارجع من الدوام و اطل بالغسالة....

تدرين شنو لقيت؟؟؟

ملابس داخلية حق بنتي .. مع ملابس داخلية حق ابوها واخوانها .. مع دلاغات وسخة.. والبلوة الكبيرة لقيت معاهم الفوط والخرج الوسخة ملوت المطبخ و الحمامات والمساح ,,, تخيلي القذارة ..وانا اقول ليش بنتي صار فيها التهابات وفطريات

 

[عرموشة]

انا اللي صج وضعي انتحاااااااااااااااااااااااار

اقوم الساعة 5 علشان اصلي الفجر وبعدين اذاكر شوي لانى ادرس مسائي وبعدين اروح الدوام الساعه 7 واطلع الساعه 12 اروح البيت اصلي الظهر و اسوي الغداااااا والساعه 3 ونص اصلي العصر والبس اروح المدرسة وارجع الساعه 10 بليل

وكل هذا وعندي عيال وما عندي خدامه لي تقريبا سنتيين

 

[طنش تعش تنتعش]

مشكوره حبيبتي لاللخدم على ردك والله انتي الوحيده الي رفعتي معنوياتي فعشان عيونك اكملها
وش وصلت اييييييييييييه;;;;;;بصراحه شغالتنا نظيفه مره مره مرهوهذا الس مسكتنا عليه وغير كذا انه سريعه مرررررره واي شي نبيه او نبحث عن شي تلاقينه طياره بس شوفو شلون خبثه تحاول تغطي هالخبث بالنظافه والطبخ الي تاكلين اصابعك وراها
واذا شفتي وجهه تقولين يحوووول هذي بريئه ماتسوي شي;;;;;تدرون من تذكرت ;;;سندريلا تذكرونها يابنات هذي الشغاله الاندونيسيه الي جايه بس للفتنه تبي الرجال المهم مشهوره قصته
اقولكم اول مشاكلها لقينا معهاجوال وليتها على كذا......اثاريها من الا صل خربانه ومعها ارقام رجال;;;;كانت تشوفنا اسره مترابطه ولله الحمد والله ماتوقعنا انها بتغار منا//انتبهوا يابنات تراهن يغارن منك انتي وزوجك واهلك وعيالك الله يكفينا شرهم //وكان رقم جوال امي معها ورقم البت ...الى اللقاء بعد الردود

 

[Mrs. Finance]

السلام عليكم

و الله انا من مؤيدين حملتج بس وايد صعبة علي بالوقت الحالي .. يمكن اطبقها لما يكبرون الياهال و يعتمدون على نفسهم على شان يكونون مسؤولين عن غرفهم و حماماتهم

بس في مشكلة الاوتي الي ما اواطنه .. ما شاء الله ريلي يقط 3 دشاديش بالصيف يوميا ! .. غسيلهم سهل بس الاوتي يذبح ! يعني تخيلي بالاسبوع 24 دشداشة !!!
غير الغتر هذولا قصة ثانية .. و ما يحب شغل المصبغة يوسوس بالنظافة و من وجهة نظري مصرف مو شوية
و بيتي ما شاء الله عوود .. و الصراحة حجمة مو عاجبني لان تنظيفة هلاااااااك و انا في بيت حمولة .. يعني ممكن بالمستقبل ننقل بيت اصغر و افضل شقة كبيرة
في نقطة مهمة ان وجودهم بالبيت هم .. انا اذا صارو الياهال معاهم يشتغل الوسواس ,, و افكر جد احط كامرات على شان اتطمن اكثر و يحسون انهم مراقبين !

مادري يعني اقول لا للخدم خطة خمسية

 

[لا للخدم]

اشدعوة طيرتوا موضوعي ورا :krkrkr:

 

[برونزية رشيقة]

أنا بكمل الشهر بدون خدامة مسوية الوضع (( أنتحاااااااااااااااااااااااااااااااااااااااااااااااااااار ))

مشكورة على مداخلاتج الحلوة ..

تيك ات ايزي .. ترى الشغل ما يخلص .. و لازم تفهمين ريلج واعيالج ان حياتكم الحين غير و لازم يعتمدون على روحهم
وشوي وشوي راح تتأقلمون مع الوضع الجديد

العفوووووووو يا ألبي .... أنا تكلمت كلام ما يزعل .... موظفة ودامي طووووووويل وبعيد ....
وريلي وسواس نظافة !!!!!! ما يسكت عن شي ولا يتنازل عن شي .........

على فكرة قعدت سنتين في بداية زواجي بدون خدامة ... صار فيني حالات 5 إجهاض متكرر ما يثبت الحمل عندي .. والسبة ماكو راحة شغل بيت وكرررف ...

وحاشتني أكزيما من المنظفات ....

وحاشني ربو وحساسية بالصدر بسبة الديتول و غسولات التنظيف ووصلت لدرجة إن حتى صابون غسل الملابس من أشمه إتييني الأزمة !!!! والربو والكحة تسمعينها تقولين هذي بتموووووت !

وزوجي عصبي نفس الأخت إللي فوق يقط 3 دشاديش باليوم غير 3 مرات فنايل داخلية ومكسرات حسبي هذا باليوم الواحد و غترتين يوميا الصبح وحدة وبلليل وحدة .................

والله ثم والله كنت أسهر بلليل علشان شغل البيت إللي ما يخلص !

غير كنت طالبة بالجامعة ... وعقب توظفت وهمن ماكو خدامة زاد وضع (( الانتحار )) !!!!

لحد حالة إجهاضي الأخيرة ... هذي قصتها قصة نمت بالمستشفى أسبوعين وعقبها عملية جراحية كبيرررررة !!!!

أهني أمي فتحت موضوع الخدامة مع زوجي وهمن كان رافض !!!!

امي الله يسلمها ويحفظها راحت المكتب وسوت الطلب وقالت حق ريلي : شنوووووووو ناطر بنتي تموت يعني ؟ فلوس الخدامة ومعاشها وتذكرتها علي .... أهم شي صحة بنتي !!!

ومن عقبها للحديث بقية ..

بس انتي أخت ( لا للخدم ) إذا زوجج متفهم وقادرة الله يسعدج ويثبتج .. أنا ريلي غير الناس !!!!!