لا للخـــــــــــــــــــــدم

[أمواج البحر]

والله الجذب خيبه

عيالي اربع اسم الله عليهم والخامس بالطريج اللي يتمم علي و يسهل وبيتي كبير مو شقه صغيره ممكن انيي انظفه بربع ساعه!!

ودوامي لي الاربع ما اوصل البيت الا الساعه 4ونص

وريلي عنده دوانيه يبيلها تنظيف يوميا

وتدريس اليهال وانا بعد ابي ارتاح شوي عقب اللويه من الساعه 6 الصبح

الغساله والنشافه الاوتوماتيك موجوده بسلامتج بس يا معوده هذا اهون الامور

لا والله صعبه من غير خدامه

 

[خليج***]

انا من زماااااااان حاطة فبالي اذا تزوجت وحتى لو توظفت ماايب خدامة,,
وفعلا دايما اطالع الاجانب تلقينها موظفة وماعندها خدامة,,
وانا اشوف سلبيات الخدم جدا كثيرة وشخصيا عانيت من اذيتهم,,

حلاة البيت يضمج ويضم اهلج بدون اي شخص غرييييييب نفسيا وايد اريح,,
بلا خدم بلا تجسس بلا سحور بلا اذية,,

ميخالف اتحمل شغل البيت ولا اتحمل اذية الخدم,,
واصلا تنظيف وشغل البيت بحد ذاته ريااااااااااااااضة وحركة,,بنااااااااات ماتبون تضعفوووووووون.

 

[malak_alroo7]

السلام عليكم
والله ودي اقول مو بس لا للخدم الا مليون لا بعد بس بالنسبه لى صعبه.. بناتى صغنونات و اسم الله عليهم يبيلهم مجابل ما اقدر اخليهم 5 دقايق و اذا ما عندي خدامه ما راح يكون عندي وقت كلش بقعد انظف و الا اطبخ و الا اكوي والا اوكل بناتىوالا اسبحهم والا اجابل ريلى والا شسوي امبيه صعبه
والله لو جونا كان مثلا نفس بريطانيا لا غبار ولا بلاوي جان قلت لج اوكي بتنازل عن الخدامه لانى ما راح اضطر انى انظف البيت كل يوم مثلا و الاجانب ترى يقطون عيالهم في الحضانه يعنى ما يجابلونهم ولا يطبخون نفسنا كل يوم

بس ان شاء الله اتمنى والله ان شاء الله لمايكبرون بناتى و يدشون المدرسه اتنازل عنها و اذا كلش كلش يعنى ايييب لى خدامه نص دوام
لانى بديت احس الخدامه من تدش البيت تييب النحس حق البيت هههههه و على فكره امس كنت قاعده اتحلطم و اقول انى كلش مو قادره اخذ راحتى في البيت ولا قادره البس على كيفي بسبتها عاد جان اختى تقولى خلاص عيشى بدونها والا تحملى!!
و مشكوووره حبيبتى على الموضوع

 

[Miss.6Mo7]

خوش حمله بس منو يقدر يطبق !

 

[حبيبة أهلها]

هلا اختي انا معك وموضوعك ررروعهـ والله اريح بدون خدامة تحسين انة مافي احد غريب بالبيت او تتحملين مسئوليتها الخدم مايجي منهم الا البلاوووووي والف شكر حبيبتي

 

[عزة نفسي]

صعبه انا قعدت من دون خدمه 6 اشهر بغيت اييييييين

ابجى اعصب واحطط الحر بعيالى

 

[منوووووله]

انا مرة علي فتره ماعندي خدامه اطلعت روحي الى اشوياا قطيت الي جدامي والي وراي بهلمؤقتات لين توصل خدامتي

بيني وبينج ماكان في ذاك الزود شغل عندي بس اسم الله عليهم عيالي مايقصرون انضف غرفتهم اطلع القى الصاله @@

انضف الصاله القاهم عافسين الغرفه وانا حامل وريلي دوام وانا بروحي زين ماشنقت نفسي هههههههههه

لااعوذوبالله بس ماقدرت اتحمل قبل عادي من غير عيال اشيل البيت شيل بس الحين تعودت

عندي خالتي ماشاءالله لااله الا الله عليها املج ادخل خدامه البيت شايله بيتها شيل ومن النوع الي اتنضفه بضمير حتى لما ازورها

خدامتي ادش على بو بتساعدها ماترضى ماتحب اتحس انها بتعفس لها الدنيا هههههههه

 

[~*~الملكة~*~]

يبدو الامر بالبداية صعب و يمكن مستحيل لكن بالمحاولة راح تشوفينه شي عادي
و اذا كلنا استغنينا عن الخدم في بيوتنا اكيد راح تصير بالديرة مكاتب تقدم خدامات بنظام الساعات تنظف و تروح و لا تقعد علة على جبودنا 24 ساعة
اعيالنا نوديهم حضانة و فعلا بدت تظهر حضانات تعمل 24 ساعة بنظام الساعات تخلين اعيالج و تطلعين اي وقت .. صح غالية شوي .. لكن مع زيادة الطلب و زيادة المنافسين بقل السعر

وقت العزايم المطاعم ما تقصر توفر مضيفات بخمس دنانير باليوم

وليش الطلعة والعزايم كل يوم .. ليش ما يكون في نظام بحياتنا و نقلل من الطلعات اللي ما لها داعي شوي

بالنسبة للطبخ مو لازم تطبخين كل يوم.. الله ما كثر الا المطاعم بديرتنا ووايد مطاعم مسوية جدول اكلات كويتية و مجابيس و لا احسن طباخة تسويهم
و هم عندج وجبات خفيفة ووجبات الماكرويف تساعد بعض الاوقات

معناته ماسويتي شي

بتقطين فوق معاش الخدامه

وفي رياييل مايرضون باكل المطاعم لازم

اكل بيت

 

[أسماء]

نعم نعم لا للخدم ..

و الله موضوعج يشجع الواحد إن ما يجيب خدامة ,,
و اللي يتعذرون بكثرة المشاغل بسهولة تقدرين تقسمين وقتج و تنظمين لج جدول للتنظيف و الترتيب و كذلك تقدرين تعلمين عيالج من صغرهم إن إذا قطوا شي أو اعفسو الغرف يرتبونها على طول , و بالنسبة للأكل ماكوا أبسط منها طبخي طبخة اليوم حق يومين و فرزنيها ( الفريزر ) و اليوم الثاني طلعي الأكلة و سخنيها و اكليها و إذا تعودتي على الطبخ الطباخ سهل ما يبيله إلا نطرة ساعتين بالكثير و الحين التكنلوجيا داخلة بكل شي اشتري قطاعة بصل و قطعي البصل و خشيه بالثلاجة اسبوع ما يضرة , استخدمي غسالة الصحون أريح و أوفر للماء

 

[NoNoFeTa]

الله يتمم عليج

 

[برونزية رشيقة]

شوفي حبوبه أنا ما اواطن الخدم بعيشة الله
وخدامتي سافرت من شهر 6 \2008
ولا زلت صامده بدون خدامه
بس شقول شحجي يا وخيتي
ببجي والله ) ":
عادي يمر يومين وأنا ما نظفت البيت
الهدوم تعالي شوفيها متكوده بالسله ما غسلتهم
نشاطاتي الأجتماعيه قلت الا شوي
طلعات مع ريلي ما أقدر
عيالي صغار أذا نامو حق المدارس علي 8:30 خلاص انسي الطلعه
صج اني ضعفت بس هلااااااااك
ولا غسيل المواعين صرت اكره اطبخ والسبه هالمواعين
اددري حبيبتي حبطتج
بس هم لها ايجابيات
تري البيت بدون خدامه تحسينه ملكج غييير لما يكون فيه خدامه
بعدين تري الأجانب يساعدون حريمهم مو مثل رياييلنا
اللي يرد من الدوام ينام بعدين نادي بعدين دوانيه
ويبي يرد يلاقيج جاهزه $ :
صراحه نفسيتي صارت زيرررررررووو حدها والله
الله المستعاااان يا بنت الحلال يعينني ويعينج

أنا بكمل الشهر بدون خدامة مسوية الوضع (( أنتحاااااااااااااااااااااااااااااااااااااااااااااااااااار ))

قعدة من قبل ال 6 صباحا أوصل مدارس وأداوم ودوامي غثيث وطويل وبعيد ..
وأرد البيت أجابل طباخي ومواعيني .. وعقب أجباري شاي وبسكوت لليهال .

ومن ثم التدريس آآآآآآآآآآآآآآآآآآآآآآآآآآآآآآخ يا قلبي واي بجيت ...

وبعدي جان غسال حمامات جان غسال مطبخ ...

غسال الهدوم يوميا ومو ملحقة ... الأوتي سلال سلال مكودة ويييييييييييييييييييع أكره شي بالدنيا عندي ضرااااااب الأوتي .....
وأرد المطبخ الساعة 11 ألقى مواعين وااااااااااااااي من وين مادري ؟؟؟؟؟؟؟؟؟؟ تقولين فقع يطلعون من نفسهم ...


ومثل ما قلتي الأجانب والدول المتقدمة الريااااااااااااااااااااااااااال يساعد ..

هني الكويت يعيش كملك ...

كلمتي الشهيرة :

الزوج الكويتي

الصبح : يبيج موظفة ونص معاشج في جيبه .. وعلى بيته .
الظهر والعصر: خدامة تنجبين له غداه وتشيكين عالغدا .
وتشيكين على غترته مضروبه ومنشية .ونظافة دشداشته ..

المغرب : أم ومربية تدرسين عياله وتراجعين لهم وتشوفين طلبانهم
وجان في واحد مريض تودينه الطبيب وكمام وتشتغلين سستر .

العشا : سيدة مجتمع .. توجبين أهله وحدة .. أخته الوالدة . بنت عمته أللي سوت عملية ... عرس بنت أخت يدته ويا ويلج أذا ما وجبتيهم تصيرين مو سنعة وما تستحين على ويهج !!! شيفكج من لسانه .

الليل : زوجة .... واذا اعتذرتي عن العلاقة الزوجية هددج يا يتزوج عليج هذا أذا متدين ... يا يدور رفيجة من وراج أذا رايح فيها ومال خرابيط وسوالف .


حبيبتي ................................................. حلمج مستحيل المجتمع الكويتي والخليجي ككل بحاجة للخدامة ... الحياة تغيرت لو أنا مو موظفة ولا عندي ألتزامات مادية جاااااااااااااااااااااااان أصفق لج وأول وحدة أسطر معاج أنا ..... ياختي الحجي غير ... والواقع غير :0bee2e8d89:


في موضوع نفس موضوعج .. في قسم التجارب والخبرات الحياتية ... بدوره لج وبحط الرابط واللي كاتبته مستانسة على عمرها قاعدة برة الكويت وكملت سنة بدون خدامة وتبي أحد يشجعها ومن ردت الكويت ... تحبطت من قلب :0bee2e8d89::0bee2e8d89::0bee2e8d89:

 

[قتلوني]

الحمدلله على كل حال انا عندي مشاكل صحية بعد
بس تدرين عاد لما كان عندي خدامة كان جسمي يعورني اكثر ووزني زاد و اعاني من الاكتئاب و ااملل وزوجي ما يقعد بالبيت نهائيا لانه مطمن في احد عندي...
ترى شغل البيت رياضة و تحمي من كثير من الامراض ما تشوفين الخدم على الرغم من الشغل صحتهم احسن منى و منج

اختلاف وجهات النظر لا يفسد القضية​

 

[توت عنكبوت]

ما نقدر بدونهم

طريقة معيشتنا غير الأجانب بكل شي

 

[طنش تعش تنتعش]

اهلين خواتي البارح حصل لنا مشكله مع الشغاله دخلوا فيها الشرطه وانفضحنا عند الجيران يعني امي وابوي على اخر اعمارهم تجي الشرطه عند بيتهم;;;;;;;;;يعني اذا كنتم تبونن اكمل السالفه ردددددددددددددددددددددددو علي احس انكم معي ;;;;;;;;;;;;;;; بس بصراحه الشغاله خبيثه خبيثه مرررررره وكلمت خبيثه شويه عليهاااااااا;;;;;;;;;;;;;;;;;الى اللقاء حبيباتي بعد الردود

 

[Shima-Style]

والله حبيبــتــي لو بيــدنــا مانــبي خدم انا عن نفسي كرهتهم كره اليهد والسبه مشاااكلهم بس موبيدنـــا

 

[كندية]

انا معاج بس هذا كلام ما نقدر انطبقه للاسف لان المره صارت تشتغل مو نفس قبل ..والدول المتقدمه ترى بيوتهم وصخه مو نظيفه ذاك الزود

حرااااام علييج من وين ياايبه المعلووومه؟؟؟؟ عشره 13 سنه والبيووت 3 طواابق والاثنين يشتغلوون و8 سااعاات يطلعوون من 7 لي 5 ...والله البيووت نضيفه وشحلاتهاا.....اتعرفين ليش لان الكل يساااعد اتشووفين الرياال يرد ينظف ويطبخ اذا زوجته تاخرة ..والكل يسااعد حتى اليهااال يعلموونهم واهم صغااار....

والحين انااا مجاابله البيت وجاامعه والحمدالله مااشيه...صح مو سهل بس احسن من القعده..واسوي كل شيء شوي شوي وشغلات اخليهااا حق لما مايكون عندي شيء....والطباااخ مو كل يووم لازم عيووش ..في واايد شغلات خفيفه....يعني بعد جم شهر ان شااءالله بتشغل فيعني لازم انظم كل شيء خوو هني ماافي خدم....بكون حاالي حاال البااجي اللي تشتغل وشايله البيت من غير خدم.....

واناا في باالي اذا تزوجة ماابي خداامه كلش ملش عندي اقعد في البيت ولا ايب من كثر المصاايب اللي قااعدة تطلع من ورااهم....خلي ريلي غصبن علييه يشتغل انا مو شرط اشتغل مو مجبوووره....واذا مو عااجبه يقعد في حظن امه...

يعني شلوون يبووناااا نشتغل ونقووم في البيت ويهااال وهو ياكل ويمسح ايده في الطووفه...مادري شفيهاا اذا هز طووله وشاال جم صحن واللى عدل بالغلط....

حدي عصبت هههههههههههههههههههههههه :eh_s(14):

 

[أمواج البحر]

كنديه صح كلامج ... بس ترى احنا عايشين ونشوف

في بعضهم واااي على بيوتهم ما تقدرين تمشين من الوصاخه ( شوووف عيني )

انا ريلي اكيد بيساعد وايدي من ايده بس والله ما يمشي الوضع

انزين بقولج روتيني اليومي وانتي حكمي تلزمني خدامه والا لأ؟

عيالي اعمارهم 9 سنين و 7 سنين 6 سنين و3 سنين و حامل

ساكنه في بيت 3 طوابق

اقعد الساعه 6 الصبح عشان المدارس يدوب على ما يصحصحون ويتريقون ويلبسون

اوديهم المدرسه واتوكل على الله اروح دوامي

ريلي طبعا دوامه بالجهرا فيكون طالع من البيت من الساعه 6 ونص

و ساعات ما اشوفه الصبح

دوامي من ال 8 لي ال4

اليهال يرجعون من المدرسه الساعه 1ونص وابونا 2 منو بيجابلهم ويحط لهم الغدا على ما ارجع من الدوام؟

مو مشكله فلنفرض زوجي رد البيت و جابل اليهال على ما انا ايي

ارد البيت الساعه 4 ونص يادوب الحس لقمتي واجابل اليهال تدريس من ال5 لييييييييييي ال 7 ونص

يتعشون و الساعه 8 ينامون

لاحظي انا لي الحين ما ارتحت ولا حطيت جسمي على الفراش

بعد ال8 عاد اجابل الصغير العب معاه واعطيه حقه

وجان عندي مشاوير مكتبات والا جمعيه قضيتهم

انام بال 11 تقريبا

قوليلي متى انظف البيت و اغسل الحمامات مكرم السامع واطبخ الغدا و العشا و اغسل و اكوي الهدوم ؟؟؟

حدث العاقل بما يعقل

حياة الاجانب مختلفة اختلاف كلي عن حياتنا ... ماكو مقارنه اصلا

اكلهم يعتمدون اعتماد كلي على اكل المطاعم و وجبات اللي تتسخن بالمايكرويف

الاسلام يقول ان لبدنك عليك حق ... متى برتاح و بريح جسمي اذا كان طووووووووووول الوقت شغل x شغل

اذا كنت مو موظفه اكيد بختلف الوضع وعلى فكره انا ما حطيت خدامه الا لما توظفت

صارلي عشر سنين متزوجه 6 سنين منهم قضيتها من غير خدامه

وقتي كان ملكي بالكامل مو مثل الحين

الحياة صعبة و الله ياجرنا على اللي نسويه

 

[برونزية رشيقة]

كنديه صح كلامج ... بس ترى احنا عايشين ونشوف

في بعضهم واااي على بيوتهم ما تقدرين تمشين من الوصاخه ( شوووف عيني )

انا ريلي اكيد بيساعد وايدي من ايده بس والله ما يمشي الوضع

انزين بقولج روتيني اليومي وانتي حكمي تلزمني خدامه والا لأ؟

عيالي اعمارهم 9 سنين و 7 سنين 6 سنين و3 سنين و حامل

ساكنه في بيت 3 طوابق

اقعد الساعه 6 الصبح عشان المدارس يدوب على ما يصحصحون ويتريقون ويلبسون

اوديهم المدرسه واتوكل على الله اروح دوامي

ريلي طبعا دوامه بالجهرا فيكون طالع من البيت من الساعه 6 ونص

و ساعات ما اشوفه الصبح

دوامي من ال 8 لي ال4

اليهال يرجعون من المدرسه الساعه 1ونص وابونا 2 منو بيجابلهم ويحط لهم الغدا على ما ارجع من الدوام؟

مو مشكله فلنفرض زوجي رد البيت و جابل اليهال على ما انا ايي

ارد البيت الساعه 4 ونص يادوب الحس لقمتي واجابل اليهال تدريس من ال5 لييييييييييي ال 7 ونص

يتعشون و الساعه 8 ينامون

لاحظي انا لي الحين ما ارتحت ولا حطيت جسمي على الفراش

بعد ال8 عاد اجابل الصغير العب معاه واعطيه حقه

وجان عندي مشاوير مكتبات والا جمعيه قضيتهم

انام بال 11 تقريبا

قوليلي متى انظف البيت و اغسل الحمامات مكرم السامع واطبخ الغدا و العشا و اغسل و اكوي الهدوم ؟؟؟

حدث العاقل بما يعقل

حياة الاجانب مختلفة اختلاف كلي عن حياتنا ... ماكو مقارنه اصلا

اكلهم يعتمدون اعتماد كلي على اكل المطاعم و وجبات اللي تتسخن بالمايكرويف

الاسلام يقول ان لبدنك عليك حق ... متى برتاح و بريح جسمي اذا كان طووووووووووول الوقت شغل x شغل

اذا كنت مو موظفه اكيد بختلف الوضع وعلى فكره انا ما حطيت خدامه الا لما توظفت

صارلي عشر سنين متزوجه 6 سنين منهم قضيتها من غير خدامه

وقتي كان ملكي بالكامل مو مثل الحين

الحياة صعبة و الله ياجرنا على اللي نسويه

حاسة فيج حبيبتي ...................... يعطيج العافية
نفس معاناتي شفيج أنا مسمية الوضع ألحين ( إنتحااااااااااااااااااااااااااااااااااااااار ) ما انام إلا 4 ساعات .... ما يمدي أجابل الدوام وإلا اليهال وإلا شغل البيت وإلا الطباخ وإلا حنة ورنة الريل .....
أقول بنات !!!! يبا حجي الكتب هذا والمثاليات ما ينفع بالواقع .... كلنا نبي الزين لحياتنا وبيوتنا والسنع والمثالية يا سلام والأحلام .. بس أقول ترى الواقع شي آخر :0bee2e8d89::0bee2e8d89:

 

[برونزية رشيقة]

أخت لا للخدم : هذا الرابط إللي قلت لج عنه دشي وأقري الردود الجميلة :


http://www.q8yat.net/showthread.php?t=292895

 

[منارة الإيمان]

حبوبتي راح أقولج سر .. قوووومة الصبح فيها بركة ... والله بنات .. لما تقومين من بعد صلاة الفجر وتنجزون أعمالكم المنزلية بسرعة .. راح تشوفون صحة بالجسد وبركة بالعمل .. سبحان الله .. ولي رجعه لموضوعج للأفادة .. بس ألحين بروح أسوي غداي .. الله يحفظكم ..