لا توجد علاقة حب بين الزوجين

[حبيبي مالكني]

شفت هالمقطع وانصدمت
انتوا دخلو شوفوه وقولولي رايكم 
شوفوا الصدمه
http://link.videoplatform.limelight...6f07a2&playerForm=Player&width=560&height=373


يا ان الدكتور كذاب 
او الرجال مالهم امان 
انتوا شنو رايكم

 

[طـير7]

انصدددددمت صج ماكو حب!!
يعني الي نعيشه مع ازواجنه تعود بس!!

 

[همي رضى خالقي]

اتوقع عشان جذي الريال اذا طلق عاذي يكمل حياته

 

[اميره بكلمتي]

بصراحه كلام الدكتور واقعي ١٠٠٪ وأقنعني باسلوبه

 

[اميره بكلمتي]

بصراحه كلام الدكتور واقعي 100٪ وأقنعني باسلوبه

 

[ظبية بوظبي]

ليكون المقطع الي فيه يقول ان الحب يستمر لمده 18 شهر بعد الزواج بالنسبه لزوج
و 4 سنين لزوجه

********

شي طبيعي الوله يروح .. حتى لو ما تزوجوا .............وستمروا سنين يحبون في بعض من غير زواج ....بعد بيروح
تدرون اي حب الي يبقى
الحب الي فيه الم .. يعني ان يحبون بعض بس الظروف ما تساعد يرتبطون ويقعدون مع بعض
او حب من طرف واحد
هالشي ياجج المشاعر ولا يهدى القلب فيستمر ولان ما ذاقوا الحب كامل مكمل فيتمون يحنون عليه

بس لو كمل بعد بيهدى بعد سنين
فريحوا روسكم
اختاورا الشخص الي ترتاحون له وشخصيته تكون زينه وتحبون تكملون معاه حتى من غير حب لانه انسان منسجمه معاه

 

[qoot]

ضيقتي خلقي

 

[الجادل الخشف]

اتوقع كلامه عدل بس اكيد ممكن يتجدد الحب دايم العلاقه الزوجيه يجيها فتور اشهور وقد تستمر سنوات بس تقدر الزوجه ترجع الحب واجدد منه اذا. اشتهت

 

[فتاة الكوخ]

الحب الخالي من المصلحه الجنسيه والمالية الدنيويه بشكل عام هو من يبقى ويستمر على طول الليالي والايام

 

[حبيبي مالكني]

يلا باقي البنات
دخلوا وقولوا لنا شنو رايكم

 

[لوولوو_88]

كلامه واقعي جدااااااااا جدااااااااا .. الحب موجودة بس له درجات و أتوقع من الدرجات الموده و أهي الي تصير بعد الزواج ..

مشكوره حبيبي مالكني على المقطع عجبني وايد ..

و البنات الي ضاق خلقهم مو كل شي بالحب .. و قالها حبو نفسكم و فهمو طبيعة الرجال .. عشان تكسبونهم و تعيشون براحة

 

[Jolyan]

كلامه منطقي و ان شاء الله في حب بعد زواج بس يكون معاه رحمه و موده و انا اايد ان مراه تحب نفسها قبل ما تحب زوجها
و ما تعطيه اكثر من اللازم لان صج ينحاش اذا شاف اهتمام زايد عن حقه اهم شي انتي و انتي بعدين هو و خبله الي تلغي نفسها و ذاتها و شخصيتها بس عشان زوجها انا معاه بس انا كنت احسب ان حب قبل زواج ما يعتبر حب حقيقي مجرد إعجاب ؟!!

 

[Light-MoON]

دكتور مو صاحي هذا والدليل على انه يقول تنتهي علاقة الحب بعد الزواج ونسينا الرسول صلى الله عليه وسلم اشلون كان يحب عائشه رضي الله عنها ويستشهد بعشقه لخديجه رضي الله عنها

والدليل الثاني ان يقول ان ماكو حب بعلاقة الزواج والمصيبه يقول موجوده موده بس مايدري ان الموده ماتكون الا بعلاقه فيها محبه مستحيل الواحد يوله ويشتاق لشخص مايكن له مشاعر حب


بالعربي حتى المذيعين قاعدين يطنزون عليه واقطعوا كلامه قبل لا يخلص حواره


جد لا تاخذون بكلامه انسان مجنون رسمي ... وينقص من قيمة الرجل وهو رجل ويقول مايضحي انا زوجي ضحا بكل مايملك عشان علاجي وزواجي معاه مو مثل ماقال 18 شهر لا 18 سنه ومازلنا نحب بعض رغم بعض المشاكل والخلافات اللي تحصل لكن عادي مافي بيت بالكون كله مافيه مشاكل بس الحب واضح صحيح ان كلامه عن الحب بسيط وقليل لكن احسه لما يخاف علي لما يلمني لما يمدحني قدام أهلي

 

[Light-MoON]

وعلى فكره صحيح مثل ماقال ممكن يحب الرجل مثل ماقال اربعه والمراه واحد وهذا دليل عن إعجاز قرآني جميل لما حلل زواج الرجل أربع والمرأه رجل واحد ... ماهو كلام العلم هذا .... هذا كلام الله سبحانه وتعالى قبل 1400 سنه

وفي دراسه أمريكيه تقول ان قلب الرجل أوحادي ثنائي ثلاثي رباعي العلاقه ! .... بمعنى ممكن رجل قلبه يكتفي بوحده او ثنتين او ثلاث او اربع .... اما الدكتور قام يخورها يقول عشره ماعنده مشكله

أما الدراسه تقول عن المرأه هي أوحادية العلاقه يعني تحب شخص واحد


وامممم هم ودي اتكلم عن شغله

يعني المطلقه اللي تحب طليقها مستحيل تحب زوجها اذا تزوجت !
او الحبيبه اللي فارقت حبيبها مستحيل تحب غيره ... حجي الدكتور كلش موصاحي يقول المراه اذا حبت مستحيل تحب غيره وانا اقول له لو الحب صار لانسان معين كان مسمى القلب قلب إلا لنه متقلب الاحوال والاوضاع اليوم يحب بكره يكره


لاحد يصدق كلامه هذا تلقونه مطلق وسربوتي ومحد راضي يزوجه لنا مختل عقلياً وشاري شهادته من جامعه رخيصه

 

[latkt7as]

ي حلووو ردج يالي فوقي
طيبتي خاطري صارلي جم يوم مصدومه من هالشي

لدرجه صرت احس باشمئزاز اني اعيش مو واحد
مايحبني

 

[اوبراا]

لايت مون انتي روعه ردج انا اوافقج

 

[lady_sweet]

​

كﻻم الدكتور فيه 90 % صحه ماقدر اقول 100% ﻻن تونا في بدايه المشوار
ﻻيت مون كﻻمج صح بس الله شرع للمراه بزوج واحد عشان اختﻻط النسل ﻻن لو تتزوج 2 منو الي محملها لو حملت
والرجال بطبعه التغيير وانا عندي ثقه ان رجال مالهم امان بس هذي الحياه وﻻزم نحب نفسنا اكثر
ومون ﻻيت هم اختلف معاج بنقطه الموده موده مالها شغل بالحب الحب فيه موده وشوق واحاسيس واشياء غيؤها بس موده الي بين الزوج وزوجته ربي حطها عشان يحنون ع بعض بوقت الضعف وعشان العشره اخلقت بينهم موده وهالموده تخلي مره تشتاق لزوجها عشان عشره ومواقف
المحرزي كنت اتابعه وكﻻمه واجد حلو كافي يقول عيشي 70% لج وعطيه 30% ﻻن الرجال يكتفي ب 5% بس
وﻻحظوا الي تنشغل بنفسها وتخب روحها تلقون رجال وراها واللي 2ف ساعه ماعندها اﻻ زوجها ونست نفسها بيقول اهو اي ضامنها وماتبي اﻻ انا ف يطنشها وينشغل بروحه
والله ﻻيشغلني اﻻ بطاعته

 

[!..Mesk]

انا احس انه حجي فاضي لان اهو يتكلم تقريبا عن المجتمع الشرقي بعكس الأجانب اللي يقدرون ويقدسون الارتباط

الرجل الشرقي جذي طبيعته ما نختلف معاه بس المفروض ما يعمم لأن لو خليت خربت بعدين الفتور بالعلاقة موجود محد ينكر لكن يعتمد على طبيعة الأزواج واهتماماتهم في ناس تجدد الحب وتكسر الروتين في ناس بعد العيال تلهى وتطغى المسؤوليات عالمشاعر اذا الطرفين ما حرص على التجديد اصلا سبحان الله المشاعر نفسها تجدد

والرسول عليه الصلاة والسلام خير مثال كان يحب زوجته عايشه وكان يلعب معاها ويلاطفها ويدلعها بعد

وصراحه انا مع الدكتور في نقطة ان المره المفروض ما تعطي الرجال حب اكثر من اللازم حتى لو كانت صج تحبه لان الشي اذا زاد عن حده ينقلب ضده والاعتدال مطلوب عشان مايصير في نفور وتشبع

 

[صداف]

حتى انا احسه كلام فااااضي
اعرف اكثر من واحد جلسوا مع زوجاتهم فوق الخمس سنين وماعندهم عيال
ما حب له وحدة ثانية ولا تزوج ثانية ظل متمسك فيها الى ان ربي رزقهم بالذرية
كل هذا لانه يحبها


ابوي في وفاة ابوه وجدته اللي ربته ماشفت دمعة نزلت من عينة ، بس يوم امي مرضت كذا مرة اشوف عيونه تدمع


احس هذا طبع البشر مثل مايقولون الشي مانعرف قيمته الا اذا فقدناه .


قال 18 شهر قال ، بط جبدي لا و حاسبهم بعد