لا تلموووووووووني ((سمحت لزوجي يتزوج وحده ثانية ))

[دخون المساء]

ليش ماتبنين ياهل تاخذينه من دور الرعايه ويربه بينكم ماتدرين يمكن يصير لج احسن من ولدج.وفكري فيها من ناحيه الاجر تكسبين فيه اجر وماتدرين يمكن الله يرزقج اولاد من وره هلعمل .انا وايد افكر اني اتبنه ولد وبنت بس انا مافقدت الامل وبكمل علاجي بس اذا الله مارزقني لاحول ولا قوة راح اتبنى ياهل من دار الرعايه بس مستحيييييييييييييييييييييييييل اقول حق ريلي روح تزوج علي واااااااااي لالالالالا عوار قلب
الله يعين.انا اقولج تبني ياهل وربيه وعوضيه النقص الي فيه احسن من ان زوجج يتزوج وحدة ثانيه.

 

[bant_alnoor]

جزاكم الله خير حبيباتي هذا كل اللى اقدر اقوله

اختي دخون المساء احنا في مجتمع لايسمح فية تبني الجاهل او مجرد التفكير فيها بما ان الرجل قادر فالرجل ماينطر المرة لكن لو كان العكس شي طبيعي ان المرة تصبر على الرجل حتى لو ماجاببو عيال واحنا موفي مجتمع اوربي فكرة التبني شائعه عندهم لانقص على نفسنا وبالنهاية انا فوضت امرى الى الله يمكن الله مو كاتب لي العيال يمكنها حكمه من عنده

والحمدالله ان زوجي يحبني ويغليني فماابي اسير انانية واحرمه من كلمه يبه اذا انا انحرمت منها ليش احرمه معاي كافي انه عابل فيني وماقصر فيني من دوله لدوله ولا على حسابنا بعد بس الله الحمدالله على كل حال

(( يارب يامبدل الاحوال من حال الى حال بدل حالى من عقيم الى ولوووووووووووووووود))

 

[madam_cake]

الله يرزقج الذرية الصالحة والله كريم

 

[عروسه 99]

كلام يعور القلب الصرااااااااحة كل ما اقرى رد ومن قريت القصه وانا دموعي على خدي جد احس انكم كلكم فيكم الطيبه وتشجعووووون الواحد مشكووووووووورين وعسى الله يرزقج يا بنت النور والله ينولج بالذريه انشالله

 

[غيـ الناس ـر]

والله عورتي قلبي .. بس عسى الله يرزقج ان شالله على قد نيتج ..


واختي دخون التبني مو جائز بالاسلام ولا شرعنا يسمح فيه .. باجر لي تبنيتي ولد لي كبر بتحجبين عنه !! لان مو محرم لج ولا حتى ارضعتيه وصار ولدج بالرضاع ..


فكره مو مقبوله لا بالمجتمع ولا بالدين ..

 

[الكيكة الأمورة]

لا تيأسين من رحمة الله كثري من الاستغفار والله ماتدرين متى بييج الرزق انا رفيجتي بالدوام بعد 15 سنة حملت ورزقها الله بالولد ماشاءالله
مع انها سوت كل شي وقطت الآلاف بس بالأخير قعدت وخلتها على رب العالمين وربي رزقها
الله يرزقنا ان شاء الله

 

[باقة ورد]

حبيبتي بنت النور الله يخليج لا تحملين نفسج أكثر من طاقتها ثمان سنوات علاج انا اعتقد انها كافية...انتي سويتي اللي عيج و أكثر و الاطباء قالوا كلامهم (علميا)مافي استجابه فبقى شي واحد انج تفوضين أمرج لله سبحانه بكل ذرة من كيانج قولي أفوض أمري الى الله ان الله بصير بالعباد...صدقيني صدقيني الله سبحانه مو ناسيج انتي بعين الله ..انتي من الناس اللي تحت الامتحان ومراقبة بكل لحظة من رب العالمين و الله انشالله حافظج...لا تحاتيتن ولا تخافين المستقبل ما تدرين شنو مخشوش لج وانشالله كل خير...ديري بالج من اليأس ...توج صغيرة و تقدرين تستثمرين حياتج و تحققين وايد أشياء و تطورين نفسج..احنا مو بس انخلقنا للانجاب صحيح انها غريرة ولكن بالتعقل و التكليف وتوجيه الطاقه انشالله بتتغلبين على هذة المشاعر.....انا شايفة كافي ادوية و ابر هذة البلاوي اللي قاعدين ناخذها ترى تأثيرها مو شويه الله يستر على صحتنا واذا مافي ستجابة حرام تأذين نفسج و صحتج من هالادويه هذا غير تأثيرها على النفسية ...ومثل ما قالوا الخوات قبلي والله بتمين انتي الغالية باخلاقج و تضحيتج وحنانج والله الريال بس يحصل ياهل تشوفين يفتقد هالاشياء ويدور عليها من جديد حتى لو من بره...قولي الحمد لله حياتي ودايما تذكرى نعم الله عليج اكيد انتي احسن من ناس وايد ....الله يوفقج حبيبتي و ديري بالج على نفسج الدنيا بكبرها ما تسوى دمعة وحدة من عيونج.

 

[Amory]

اختي كاتبة الموضوع ما حبيت اني اقرى موضوعج وما ارد عليج

وعندي كلمه بسيطه احب اني اقولج اياها واهي:

لو تسكرت في وجهك كل الأبواب تأكدي ان هناك باب مفتوح لا ينغلق أبدا

لو ضاقت بك السبل و غرقت بالمشاكل والآلام والهموم تأكدي بأن الله معك أين ما كنت ولن ينساك.

انت تقولين انك رحتي لندن ورحتي بلجيكا ورحتي لكل الدكاترة و لكن تذكري انه ( لو اجتمعت الأمة على أن يضروك بشيء لن يضروك الا بما كتب الله لك ولو اجتمعت الأمة على ان ينفعوك بشيء لن ينفعوك الا بما كتبه الله عليك)

و الله سبحانه وتعالى هو الرزاق ليس الطبيب ولا غيره ولا الحريم اللي قلتي عنهم فمادام الخالق موجود راح يضل الأمل موجود مهما قالوا وقالوا لا تيأسين من رحمة الله.

اعرف كذا حاله مثل حالتك قالولهم مافي أمل وسبحان الله ربنا رزقهم وصديقة اختي كانت بمثل حالتج قالولها ما عندج تبويض وفي أمل اتحملين وصارت اتقيم الليل وتبكي وتتقرب لربها اكثر واكثر الى ان جاء اليوم اللي تعبت فيه وراحت الطبيب وقالولها مبروك انتي حامل ما صدقت قالتلهم قالولي مستحيل و وقتها تذكرت قيامها بالليل ودعائها وقالت صحيح مافي شيء بعيد على رب العالمين.

انت قلت لزوجك انه يتزوج وهاذي شجاعه منك بس مو معناته انك تيئسين بالعكس خلي ثقتك بالله كبيره وانتي تدعين تأكدي بأنه هو مجيب الدعوات و اقري على نفسك سورة البقرة وتذكري ان كل شيء بأجره وتأكدي ان كل اللي قاعد يصيرلج هو خير لج خيير لا يعلمه الا الله سبحانه وتعالى وان هالدنيه مو دايمتلنا واللي دايملنا الآخرة والحمدلله لأن هذا ابتلاء وان الله اذا احب العبد ابتلاه والله يآجرج ويآجرنا كلنا في هالقسم والله يفرج اهمومنا جميعا ويرزقنا من حيث لا نحتسب اللهم آمين.

وصلي اللهم على اشرف الخلق وسيد المرسلين نبينا محمد وعلى آله وصحبه وسلم.

 

[أم الطيب]

ياااااااااعمري والله عورتي قلبي
عسى الله يأجرج ويفرج عنج ويرزقج من اوسع ابوابه
وماكو بعيد على الله
خلج قويه ومؤمنه وقريبه من الله
وان شاءالله بيرزقج الذرية ويرزقني بعد وكل محرومه

 

[بنت باباتي]

الله يرزقج ويقدر لج الخير ويصبر قلبج

 

[pink Engineerah]

لا تيئسين ربي سبحانه اذا قال كن فيكون لا رادع لارادته سبحانه الجئي له

 

[ماي الورد]

ما عندي رد صراحة من اول ما قريت كلامج وانا دموعي عيوني تخررر سامحيني على عدم الرد صج مو قادرة اتمالك نفسي

 

[ياليتني....]

الله ياجرج في مصيبتج ويخلفج خيرااا منهاااا

صدقيني دامج خليتي شي لله بيرزقج احسن منه

انا ادري حلم الامومه مايتعوض بس ربج يبي جذي الحمدلله على كل حال

وانا عرف وحده مثل حالتج بس قالولهاا الدكاتره مستحيل مستحيل اتحملين وصج ماحملت بس حققت حلمهاا بالامومه

 

[bant_alnoor]

كل اللى اقدر اقولة لكم ياخواتي جزاكم الله خير على هالكلام الطيب اللى يثلج الصدر واشكركم على مواساتي وفعلا اني لما اقول لزوجي روح تزوج صعبة جداا على لكن ليمتى اشوفه يشوف عيال اخوانه وخواته وعيونه فيها حزن والمشكله انه ولا يوم حسنى ولا قالى كلمه تكدر خاطري من ناحية العيال ومع ان الرياجيل اذوة ويحنون علية تزوج وتزوج وانتو تعرفون المجتمع الى احنا فيه ولدرجه ان زوجي كره الدوانيات بسبتي ولا يبي يزعلني وانا اشوف بعيونه القهر علشاني والحزن مدام الجال مافيه عيب ولافيه شي ليش احرمه مدامنى غالية عنده وحاشمني وحاشم اهلى ومقدرني والحمدالله على كل حال وصج ان الشريكه تحر لو فالقبر بس الشكوا لله شسوي هذا نصيبي مع اني بنت صغيرة لكن هذا امر الله ولا اعتراض علية وانا فوضت امري لله وانا عندي امل انه بيرزقني لكن ليلحين ماحان وقتي وكل تاخيرة فيها خيرة انشالله

واشكركم مرة ثانية خواتي على كلامكم الطيب وجزاكم الله خير

(( يامبدل الاحوال من حال الى حال بدل حالى من عقيم الى ولووووووووود))

 

[Swan]

الله يشافيج ويرزقج بالذرية الصالحه
اختي مهما قالوا الدكاتره فالرزق من الله ومافي داء الا له دواء
فلا تيأسين وتوكلي على رب العالمين
وعليج بالقران والعسل فهو علاج من كل داء الا السأم

ومادري اذا هالمعلومه تفيدج والا لأ ..
بس في تحليل دم قريت عنه مره من موقع امريكي متخصص بالعقم اسمه "Anti Ovarian Antibody Test"
وهذا خلل بالاجسام المضاده عند المبايض تخليها تهاجم خلايا المبيض نفسه فممكن تسبب انقطاع مبكر بالتبويض وممكن ما تنفع معاه المنشطات مثل حالتج
وعلاجه اذا كان هو السبب كورس علاج بحبوب الكورتيزون
اذا ما سويتي التحليل انصحج تسوينه
والله كريم

 

[bant_alnoor]

جزاج الله خير اختى سوان على هالمعلومة

 

[دنياالوله]

عسى الله يرزقج بالذريه الصالحه عاجلا غير اجلا يارب

 

[al7nooona]

الله يسهل امورج يارب

ومثل ماقالو البنات مافي شي بعيد عن رب العالمين

والله يحنن قلب زوجج عليج اكثر واكثر ياااارب

 

[i'am THE ONE]

لقد أتت إمرأة الى سيدنا موسى و قالت له : أدعو لي ربك أن يرزقني بالذرية , فأجاب رب العزة سيدنا موسى : يا موسى إني كتبتها عقيم . فقال لها سيدنا موسى , لقد سألت الله لك , فقال

ربي : يا موسى إني كتبتها عقيم . و بعد سنة أتت اليه تطلبه مرة أخرى فأجابها رب العباد إني كتبتها عقيم , و بعد فترة من الزمن أتت المرأة الى سيدنا موسى و هي تحمل طفلاً فسألها سيدنا موسى طفل من هذا الذي معك , فقالت انه طفلي رزقني الله به فكلم سيدنا موسى ربه , و قال يا رب لقد كتبتها عقيم

فقال الله عزوجل : يا موسى كلما كتبتها عقيم ,

قالت يا رحيم , فسبقت رحمتي قدرتي .

 

["مغروره بس معذوره"]

اقسم بالله بكيت

حسيت انى اسخف انسانه بالعالم

انا صارلي 6 شهور متزوجه وماحملت وجيت هنا وانا احاتي


يوم قريت كلامج قعدت ابكي وربي ادعيلج وتكفين لا تيأسين



ترا قرار قوي زوجج يروح مع وحده ثانيه تكفين تمهلي لا تيأسين من قدرته




انا مابي اقولج روحي الدكتور الفلاني والعلاني



انا ابي منج تسوين ثلاث شغلات وبإذن الواحد احد يرزقج



الاولى التزمي بصلاوتج وخليها بوقتها وخصوصا صلاه الفجر صلاه الفجر صلاه الفجر



قومي وصلي وادعي ربج



الثانيه حافظي على اذكار الصباح والمساء كل ماقمتي قوليها وقبل لا تنامين قوليها





الثالثه اقري سوره البقره كل يومين



لانها تحصن المسلم ثلاث ايام




وبإذن الواحد احد وربي انها مجربه من وحده قريبه مني


الله رزقها بتوئم 3 عقب ماقالولها الدكاتره احتمال ضعيف تحملين




الله يرزقج انشالله