لا تـقـولـون (( قــمــيــص نــــــوم )) !!

[بريطانيا]

مرحبا ...
بعطي رفيجتي هديه حق عرسها بس محتاااره شنو أييبلها ؟؟!!
عفيه ساعدووني شنو برايكم أهديها ؟؟
لا تقولون قميص نوم ! و ابي شي حلوو غريب غير العطور و الخلطات ؟؟!!!

والميزانية مفتوحه:jbdwjbd:
بلييييز لا تتأخروون علي ...:eh_s(22):

 

[برونزيه شقرا]

ألف مبرووك جلسااااات مساج أحلى هديه

 

[nero]

هم انا عندي رفيحتي توها معرسه شريت لها .. اغراض حق شقتها

علبة خشب اهي علبه وبرواز بنفس الوقت .. وتفتحين العلبه داخلها 5 البومات تحط فيهم صورها
ومعاها صينية خشب .. في 3 احجام انا خذيت العوده
ومعاها علبه حق شغلات صغيره
وعلبه مجلات

شي حلو وتستفيد منه

 

[الأماكن]

ممكن طقم إكسسوار كشخة

و فكرة برونزيه شقرا حلوة...جلسات مسااااج وااااااااااايد حلوة

ممكن تسألينها إهيا شنو ينقصها...رفيجتي قالت لي إن ودها بكواية البخار و شريت لها

أو أحسن شي تعطينها مبلغ من الفلوس مع مغلف حلو وذرب ..... و إهيا تتصرف فيه

 

[لبيه]

انا بنت خالتي بعرسها اهديتها طقم جناط سفر ماكلفني 150دك تقليد درجة اولى Lv بس عجيبين حيل واستفادت منهم يوم ودت جهاز عرسها حطتهم فيه ويوم سافرت كشخت فيهم بالمطار وكانوا عبارة عن جنطة كبيرة وجنطة وسط وهاند باق
بس حسيت انا استانست عليهم وكل من شافهم سال عنهم لانهم نفس الاصليه بالضبط
والله يوفقها

 

[لجين 12]

سويلها كوبونات الأسطورة اللي على شكل عمله على حسب ميزانيتج ابتداءا من خمسين دينار واهي اتروح وتختار اللي يعجبها

 

[بريطانيا]

مشكورين حبايبي عالآراء الحلوه
لجين >> انا فكرت بحركة الاسطوره بس مادري احس عروس توها يديده أكيد تارسه كبتها خلاجين مو محتاجه ملابس ....
بس إذا ما لقيت شي يمكن ارووح اشتريها و اعطيهااا ...

 

[.]

حلاته كاش مني

والله يوفقها ويهنيها يارب..

 

[sa7ab]

انا وحده اايد الكاش

بس اذا حابه شي يدوم وتذكرج فيه

خاتم يا من الاربش اللي بالمارينا او من الفارس

 

[شندوخه]

ترى فكره الاسطوره حلوه
وفكره سحاب بعد حلوه
دام ميزانيتج مفتوحه اشتريلها خاتم او تراجي كبيره من الفارس او الاربش محلات
واذا تمونين عليها عطيها الفلوس احسن

 

[bnt_kwt]

انا افضل البيزااااااااااات
الفلوس احسن لج ولها
ترتاحين من التفكير واهي تاخذ اللي ناقصها

 

[كـ غلا ــلي]

اخذي لها طقم كفر حق سريرها هالايام الكفرات صار لها عالم خاص فيها وموضه ينمشي عليها

وبنفس الوقت شي يفيد ...

 

[بريطانيا]

مشكووورين والله ادري ما تقصروون
و كل فكره احلى من الثانيه ..
بس ابي ايمع الافكار و اختار منهم ...

 

[Raveena]

عطيها فلوس


انا لما تزوجت بنات عمي عطوني فلوس

 

[إستبرق]

تقدرين تحطين المبلغ الي تبينه مع توزيعات ككاو او ااي شغله وبطريقه حلوه وهي تسوي الي تبيه فيهم
والله احسن لها ولج لان يمكن تودين شغله وهي عندها ومكثره منها وبعدين الفلوس هي تسوي فيهم الي تبيه
والله يوفقها يارب

 

[أميرة الحلا]

انا اقول خاتم او اي شي ذهب
عشان يكون ذكرى وبنفس الوقت يدوم ويدووم ويدوم

 

[بنت-أمها]

أنا بنت اختي شريت لها جنطه وبوك وساعه ماركة الفيرو مارتيني الي على شكل خريطه من الثريا
وطلع علي 250 دينار سعر حلو ومناسب وماركه


رفيجتي اخذت لها قلب وخاتم كنزو من ماجستيك وسعره حلو بعد


وانا ما أأيد شغله لبيتها لانه ناس وايد ايبون ولا أأيد العطورات وقمصان النوم اهيا اوردي مجهزه منهم وايد

 

[um wahaby]

الماس .... ماينشبع منه