لا تصدقن يا بنات إن الزواج راحه...أشياء روووووعه ومهمه لكل عروس ..انتِ بمملكتك و جنتك

[يركدون]

الموضوع شي شي شي صراااحه

ابددددعتي .. وبكذا تساعدينا

 

[ABEER FLOWER]

ماشاء الله عليج مـهـاوي أبــدعتي :rerrerek:

ربي يعطيج ألف عافيه و يوفقج عروستناااا : )​

 

[المـــــها]

" غرفة المخزن "...​

إذا عندج غرفة زايدة بشقتج استغليها ... و خليها مخزن لأن في أغراض مالها مكان إلا المخزن ..
ومن المهم يكون مرتب و مقسم لأركان و نظيــــف .. ولا يكون غرفة مهملة لن ماحد يشوفها !!​

*********​

شنور راح يكون في هالغرفة ؟؟​

**********​

اولا
"ركن الملابس"​

(ستاند للملابس)​

ممكن خزانتج اللي بغرفتج ماتكفي لكل الملابس ...
شتسوين حزتها ؟؟ راح يزدحم الكبت و يأذيج غير العلاليق يتشابكون مع بعض من الضيج ..
مثلا حطي العبي بالستاند اللي بالمخزن ..
و ممكن تحطين بدل العرس ...
و عشان تحفظينهم من الغبار .. ممكن تغطينهم بمفرش حلو ...
و بدل العرس تلبسينهم بأكياس المحل ..​

(الكواية العادية \ كواية البخار \ ستاند الكوي \ منشرة الغسيل)​

​

​

​

​

**********​

ثانيا
(ركن الأحذية)
و انتوا بكرامة ..​

تحطين ستاند للأحذية
و تخصصين أرفف لج و أرفف لزوجج​

فكرة حلوة ​

​

و هاذي بعد مثل الخزانة تتسكر بس من القماش​

و تستعيني بالكرتون لحفظ الأحذية الشتوية أو الصيفية حسب الموسم ..​

​

**********​

ثالثا
(ركن المكانس)​

راح يكون فيه المكنسة الكهربائية \ المكانس العادية​

​

​

​

و ممكن استخدام العلاليق لترتيبهم أحسن ما يكونون عالأرض ..​

​

​

و ماننسى ننظف كيس المكنسة الكهربائية قبل امتلاء الكيس ..​

**********​

رابعا
(ركن الديباجات)​

​

تحطينهم بأكياسهم بعد ما ينغسلون بالمصبغة
بعدها تحطينهم بالخزانة
أو صندوق أو طاولة و تصفينهم فوق بعض ...​

​

​

**********​

إذا كنتي تدرسين أو كنتي موظفة ...
راح يكون عندج أغراض أو كتب أو وسائل أو أوراق .... إلخ
تحتاجين خزانة لوسائلج \ كتبج \ أدواتج المكتبية \ أدوات للبيت \ أوراق \ شموع .... إلخ​

​

و ممكن تحطين لج مكتب بإحدى زوايا الغرفة ...
و إذا تحتاجين طابعة تضبطين شغلج كله و ترتيبن الغرفة عشان تكون مريحة و مرتبة و عصرية
و لما تشتغلين أو تدرسين ما تحسين إنج بمخزن​

​

يتبع ...
تابعوني​

 

[المـــــها]

"تغيير أكياس القمامة" ...

​

ممكن كل يوم أو يومين حسب إذا امتلت تغيرينها ..
بصراحة ماكنت أسوي هالشغلة فبيت أهلي كنت أتنجس هههههههه :eh_s(22):
بس الحين عادي تعودت و أسويها بكل سهولة​

هذا الكيس لزبالة المطبخ و انتوا بكرامة​

​

أما زبالة الغرف و الصالة و الحمامات ... نحط فيهم أكياس الجمعية ..
لما نشتري من الجمعية و نخزن الأغراض و نحطها بالثلاجة شنسوي بالأكياس؟؟
نحفظها و نحطها بمكان مناسب
أنا أحطها تحت حنفية المطبخ بكرتون عشان ماتصير حوسة
و أبدل أول بأول​

​

**********​

"مسح الغبار"...​

​

انتبهي لغبار النوافذ
لأنه يتكود بسبب الجو ​

و ممكن تستخدمين هالأدوات في التنظيف ​

​

و هاذي مريحة
(المكنسة الكهربائية)​

​

و هاذي للمرايا​

​

أول شي فوطه أو اسفنجة مبلولة بماي و سائل تنظيف
بعدين ننشف بالفوطه ...​

و نفس الطريقة للطاولات​

​

و زجاج التواليت (التسريحة)​

​

**********​

"تهوية المنزل" ...​

​

ضروري عالأقل يوم و ترك عشان ماتحسين بالقمتة
بس مو تهوون البيت و الجو مغبر برا هههههههههه
استغلوا الفرصة لما يصفا الجو و بطلوا دريشة الصالة و ما ننسى وجود الشبك عشان يحمي من الحشرات
و دريشة غرفة النوم
لمدة نصف ساعة ع الأقل بس !!!
مو حلوة أحد يدش بيتج و يقول غمتة !!!​

"الإضاءة" ...​

في فترة الصبح بطلي الستاير و خلي الشمس تدش بيتج
تقضي على الجراثيم و تطهر المكان
أحس بانتعاش لما أسوي هالشي !!​

​

يتبع ...
تابعوني​

 

[در صافي]

 

[orchidia]

تسلمين مهوووي ناطرررينج

 

[المـــــها]

"تعطير المنزل" ...





(المرشات)
تستخدم مع البخور أو بروحها ...

انا أستخدم مرش حنان من المرشود \ سوزان فواح من السرتي \ كشخة من سويس أربيان ..
بس كشخة بارد و معقم بنفس الوقت ..









(البخور)

بخري شقتج مرتين باليوم
و هالله هالله بالبخور السنع الفواح ...
عندج بخور معطر من أجمل \ معجون العربية للعود و العطور \ بخور القرشي \ بخور كشخة من سويس أربيان ....








(الأعواد او القصب المعطر)
موجود عند بودي شوب و زهور الريف

حلو للحمامات تكرمون و المطبخ لأنه أأمن من الفواحة ...







(الفواحات)





بالشمعة ..

بالكهربا: كهربائية...

الزيوت العطرية موجودة عند زهور الريف \ نكتـار \ بودي شوب ..
أنا أفضل نكتار
و من أحلا الزيوت اللي جربتها
"خلطة الفانيلا و التوت و الفراولة من نكتار"
"خلطة الفانيلا بالعسل من نكتار"
"خلطة ليلة العمر من زهور الريف"
و انتوا شنو افضل شي عندكم ؟؟؟
امممم و بعد أحس الفواحة بالشموع أفضل من الفواحة الكهرابائية .. بس تحرق بسرعة و تسبب ريحة مو حلوة ... فالمفروض نطفي الشمعة قبل لا يخلص الزيت ...







(تعطير الأرضيات) ...



ممكن بعد تنظيف الارض بالمناشف اخر مسحة نمسحها بخليط ماء و ملطف ملابس أومعطر الأرضيات ونخليها تنشف

بعد الكنس
نلف الفوطه بعد مانغطسها بماي مع معطر الارضيات
ويكون المعطر المسحه الاخيره
ونعصر الفوطه
ونثبتها عالشطاف ونمسح كل الارضيات

و بجذي
بيتج بيلق من النظافة
و الريحة تدووووخ ...
و البخور يفوح من البيت الله الله ... :rerrerek:






​

يتبع ...
تابعوني

​

​

 

[المـــــها]

الحين نجي للفناتق و التزيين و الشغلات الحلوة
شوفوا الصور و اخذوا أفكار ...



**********





شوفوا فكرة مفارش الثلاجة

​

**********​

هاذي فكره حلوه لصابون يوضع بطريقه حلوه على البانيو

​

**********​

ما نستغنى عنه
مقسم الملابس الداخلية

​

**********​

هاذي مجموعات الجسم و الشور جل حلووووة من بلاستيك و ألوانها حلوة

​

**********​

لدرج الزوج

​

**********

​

لليفة الجسم أو اسفنجة غسل الأواني

​

**********​

​

ستاند السشوار للحمام حيل مهم لأن يتعب و يبط الجبدو يطيح و يطيح الأغراض ههههههه<<<مجربة​

​

**********​

حامل و منظم الشنط
فصلته من سوق السلاح ب 4 دنانير !!!
و صراحة رووووعة يتعلق برا الكبت أو داخل
و ممكن بعلاقة المخزن :rerrerek:

​

**********


​

هاذي حلووووةممكن تعلقين المفاتيح و تحطين أوراق مثل اعلانات المطاعم و محلات الحلويات و الفطاير و غيرها

​

**********

​

هاذي الخزانة ممكن تفصلينها و تخزنين الديباجات بالنص فوق بعض

​

**********​

تزيين الطاولات

**********

​

يتبع ...
تابعوني​

​

 

[orchidia]

واي مهووي تهبلييييييييييين

الله يوفج ويرزقج بالذرية الصالحة وينولج اللي ببالج يارب

وعقبال ماتعلمين بنتج هالنصايح :yaaaaaarb:

 

[تنآهيد ..~]

يَ حلوج يَ مهآوي
ولآ زلت متآآآبعه

 

[Queeeen]

روووووعه
يعطيك العافيه مجهود تشكرين عليه ..^^

 

[رفيعة الشآآن]

يسلمووووو


الموضوع قمة في السنع

بس عندي تعليق صغير عن مفارش الثلاجة. لا تكون خام عشان لاتوصخ و عقبها غسيل وكوي
في نوعية الورق الي ينحط بالصحون الحلو والتقديم في منه يجي على الوان و احجام احس هذا عملي اكثر


و متابعتج وننطرج

 

[البرنسيسة غلا]

جزآج ـآلله خير
و ـآلله يسعدج و يهنيج و يرزقج وين مآ تكونين

موضوع بقمة ـآلروعه
ـآستفدت منه حيل​

 

[الحنينه]

ماشاءالله عليج مهوووووووي
تسلمين ياقلبووووو وماقصرتي والله
والله يوفقج ويسعدج ويهنيج معاه يارب

وأأأألف ألف مبروك على التثبيت يارب...
يله اب اب اب اب

 

[ضحاوي الديره]

تبااااااااااارك الرحمن الله يحفظج ويسعدج ياربي ويتمم عليج مهوووي صج صج تهبلييين
فيه شغلات اسويها على طوول وفيه شغلات توني انتبه عليها وافكارج تجنن بقت جم وحده :$

عسى ربي يحرم ايدياتج على النار يارب

 

[ABEER FLOWER]

مهااااااااوي أبـــدعتي :eh_s(9):

ربي يحفظج من كل شر

و يعطيج ألف عاااااااااافيه


حبيت أضيف هالنقطه

مع استخدام المكنسة لفترة طويلة ممكن تطلع ريحه غير مستحبه
و احنا من فترة لفتره لازم نفضي المكنسة من الأوساخ و الشبك ننفضه فممكن نحط عليه كم نقطة من دهن العود أو أي عطر احنااا نحبه أو نرش عليه كومفرت و بكذا لما نكنس ما نشم إلا الروايح الزينه


موفقييييييييين :eh_s(17):​

 

[قطريه عسلل]

يسلمو حبوبه والله يعين صج تعب اذا هذا كله بغرفة النوم الباقي شنو ماكو خدامة اهئ اهئ اهئ اهئ انا قبل الشقه الخدامه اهم شي خخخخخخخخ

 

[قطريه عسلل]

عساج عالقوه حبيبتي موضوعج روعه وربي يوفقج ياقلبي

 

[حدي طفلة]

مشكورة علي الموضوع الروعة
بنسبي لي ماافي اسهل من التضيف والترتيب

 

[هـمبة]

رووووعه الافكااار

مهاااوي الله يسعدج

< متااابعين للأخير

وع البركة التثبيييت