لا تسكتون عن الغلط الكويت ما تستاهل

[ضايعه بهدنيا]

ليش نسكت عن الغلط

في امور تشوفينا بحياتج غلط لكن ممكن تتغاضين عنها وتسكتين لانها بنظرج مو بذيج الاهميه الي اذا سكتها عنها بتصير مشكله كبيره
هذي النظره منا هي الي قاعده تهدم الديره فوق روسنا

لما اشوف انسان يقط كلنكس بالشارع كانت بالي هالفكره وبال ناس وايد لين تكون عندنا سيوول من الوصخ تمشي ويانا واحنا نسوق ولا وحنا نمشي ( تر مو قاعده ابالغ شوفو حولكم عدل )

وصلت في بعض الناس ان حتى الامور الكبير يسكتون عنها

مثلا من جم سبوع قريت وحده تقول شفت الهندي يسوي حق الياهل كرحات مو زينه وتحسبت عليه !
بس !
هذا الي قدرتي عليه ؟
الهندي يتعدى على ياهل ما يفهم شي هذا الي قدرتي تسوينه ؟

نفس الشي بنت تقول واحد حاول يعتدي على رفيجيتي والمصيبه ان مد ايده لكن ما اشتكت !
الي سوا برفيجتج هالحركات يسوييها بغيرج ما تفرق عنده

وانا شخصيا من سبوعين رحت مستشفى من مستشفيات الكويت العتيجه الوصخ يمشي وزحمه زحمه زحمه المستشفى كله وافدين وعمال يصلحون ما ادري ومكان المستشفى نفسه خرابه حتى مسافط ماكو
ليش ما كلمت المسؤول يومها ليش سكت عن كل الي شفته من سلبيات هناك ؟

عشان الكويت يا بنات تكفون لي شفتي الغلط قولي تحجى لا تسكتين وانا شخصيا ان شاء الله بروح هالمستشفى وبسال عن المدير بكلمه اذا مو عشاني لاني خلصت شغلي من هناك عشان الي بكون لهم موعد هناك ما يشوفون الي شفته وعشان الجيل الي عقبنا يشوف الكويت حلوه نظيفه يقدرون يعيشون فيها بدون لا يشوفون اخطاء الجيل الي قبلهم ويتحسبون علينا وعلى سكوتنا

الكويت ما تستاهل التقصير منا
ياليت محد يسكت عن الحق

:eh_s(17):

 

[انوار المحبه]

معاج حق حبيبتي مفروض محد يسكتتتتتتتتتتتتتتتتتت

 

[انوار المحبه]

كويتنا غاليه

 

[$حبيبة عبودي$]

والله هذا عيبنا نسكت ..

 

[عاشقة_الجمال]

سكوووتنا اهو ىاللي خلى الناس تتمادى علينا وعلى ديرتنا

 

[حصــgص..~!]

رد : لا تسكتون عن الغلط الكويت ما تستاهل

اييي والله الكوويت مآتسستآهل ..!!

 

[_ظل الياسمين _]

من سكت ضاااع حقه.

 

[روح الدنيا]

إن تكلمنا عن الهنود قالو انتو حسودين ما تبون الخير لغيركم و انتو قطاعين ارزاق و عيونكم ضيقه وووو


و اذا بنت اشتكت من واحد حطو البلا فيها


و اذا كلمتي مدير المستشفى يقولج شنسوي احنا تكلمنا و محد تجاوب معانا


حسبي الله و نعم الوكيل

 

[غماآزهـ]

رد : لا تسكتون عن الغلط الكويت ما تستاهل

معاج حق حبيبتي ،،
السكوت عن الغلط غلط

شكراً ع الطرح
~​

 

[7sasa]

رد : لا تسكتون عن الغلط الكويت ما تستاهل

معااج بكل كلمه قلتيها...
احنا اهم شي مانسكت..حتى لو ماتغير من الواقع شي هم مااانسكت ومن صبر ناال
لحد يستخسر كلمه بحق الكويت الحبييييبه
يعطييج العاافيه

 

[غرور المطيري]

صدقتي ..

ربي يقول :

[ إن الله لايغير مابقوم حتى يغيروا مابأنفسهم ]

والرسول عليه الصلاة والسلام وهو خير معلم لنا قال لنا :

[من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان ]

مبدأ التغيير وإنكار المنكر إذا شفناه بعيونا وين التطبيق فيه ؟!

يقهرني فئة من الناس لما يقولون : ( مالنا شغل غير بحالنا وشلون نغير

هالناس كلهم إذا كلهم على نفس المنوال شلون أنا بقدر أغير ) ؟! < يتهاون بمقدرته !

ما تغيرت هالأمم كلها ولا بدأ التاريخ إلا من بداية خُطى شخص واثقة نحو

التغيير الموضوع مو تاريخي ولا كان استرسلت بذكر كل إلي ساهموا في تغيير

العالم نحو الأفضل من أصعب الأمور لحد أبسطهـا ..

من شوارعنا ؛ من تعليمنا ؛ من الصحة ؛ من الإعلام ؛ من تربية أطفالنا من كل شيء يدور حولنا ..

لما كل شخص فينا يخلي في ذمته [ ناقوس حّي ] يضرب فيه لما يشوف

شيء غلط سواء بحق غيره ولا حقه راح نكون بخير !

 

[bnt_shyo5]

رد : لا تسكتون عن الغلط الكويت ما تستاهل

كلامج 100% صح

:denya:

 

[hend6363]

رد: رد : لا تسكتون عن الغلط الكويت ما تستاهل




ههههههه شفت العنوان و فهمته غلط في الاول انك تقولي الكويت ما تستاهل يعني انتي موافقة خخخخخ
اخترعت اقول شلون كويتية تقول جذي عن بلدها

ايييي حبيبتي معك حق السكوت عن الخطئ يزيد المشكلة
شكرا علي طرح الموضوع

 

[جورجيت]

متصفحك يصنع مواطَنَه حقيقية ...


احييكِ على مبادرتكِ ..

 

[aṕriliå]

رد : لا تسكتون عن الغلط الكويت ما تستاهل

فعلا عبالهم سكوتنا عن تجاهل او رضا ..


المواطنين جزء لا يتجزأ من الوطن فلازم تكون له بوادر لاحياء الوطن ..

 

[مزيـانه]

مشكلتنا مو انا نتكلم و بس

احنا لازم نفعل .. الكلام شبيفيد؟؟

كانا صار لنا سنين بس نتحلطم !! شنو تغير؟؟ شنو تعدل؟؟ بالعكس الديرة كلمالها الى الأردى

مجلس الأمه يتحلطم من صوب و ما شفنا منه الا الحجي و اللسان الطويل .. القنوات تتحلطم من صوب ووصلت الى درجة فضيييعة من الابتذال .. الشعب يبربر من صوب

طيب شنو استفدنا؟؟

ما غير قاعدين نولول و نندب حظنا

انزين لي متى؟؟؟؟؟؟؟

لازم نتحرك .. بس اشلووون؟؟

الله اعلم

لأن محد له خلق (باختصار) .. و لأن في ناس مستفيدة من هالوضع


يا كويت .. عليج السلام

 

[ضايعه بهدنيا]

عادي تكلمي وقولي اذا بتشوفين نتيجه لازم تتعبين واعتقد الكويت تستاهل تعبنا

للرفع

 

[sweet dashttya]

رد : لا تسكتون عن الغلط الكويت ما تستاهل

نتكلم بس محد يسمعنا خليها على الله بس

 

[ناطعه]

رد : لا تسكتون عن الغلط الكويت ما تستاهل

ياكويت مامثلج بهالدنيا بلد انا سعوديه بس مارضى عالكويت لو شنوو وه كل يوم وترك طابتها وي فديتها
انا والله مارضى لو اشوف هالاشياء ماسكت لساني يلوط اذني بعد هندي ولا بنقالي هي هي هي اشرشحه
يسلمووو

 

[Hello_kitty]

والله موضوعج عجيب ويثير الحماس وانه من النوع اللي ما اسكت كلش على الكويت بالمنتدى ولا داخل الكويت حتى برا ديرتي

دايما بقلبي وتاج على راسي..وموضوعج ضيق خلقي لأني قبل اسبوع تقريبا كنت حيل مستعيله عندي شغله بمنطقه شرق

وانه بالسياره شفت سياره جدامي حرمه وافده كبيره من الجنسيه اللي ليه بتكرهونا؟احنا عملنالكم ايه؟؟اكيد عرفتوها

جدامي بالإشاره فتحت الباب قطت كلينكس وتكرمون تفلت بالشاعر وصكت الباب لاعت جبدي ارتفع ضغطي تعوذت من ابليس وسكت

المفاجأه اني خلصت شغلي وبطلعتي من شرق لقيتها جدامي بالإشاره مره ثانيه ونفس الموقف ونفس الحركه بالضبط

خير؟؟عسى ماشر؟؟منو قالج ان الكويت اللي ترابها يسوى الدنيا وما فيها واكبر شرف لج انها ضافتج ومعيشتج سله مهملات مثلا؟؟

ولا الوصاخه اللي ببلدج وعايشين فيها حسبالكم بكل مكان قسما بالله انه اهني فوووورت وسجلت رقم السياره وقلت بلحقها مارح اسكت لو شنو بس ما ادري شنو اللي خلاني اسكت بآخر لحظه قلت احتراما لكبر سنها وخفت اغلط بالكلام معاها لأني كنت معصبه وتصرفها بمنتهى القذاره

لكن والله بعد موضوعج الله يقدرنا نرد ولو جزء من افضال هالديره الطيبه علينا

وفي برنامج اكيد تعرفونه يطلع الظهر بالإذاعه اسمه البرنامج الثاني على الخط اي شي ما يعجبكم اي شي تقدرون تكلمونها واهم مباشره

يتصلون بالمسؤل المباشر عن الموضوع ويحلووووووووونه