لا تخلوني بنات بليز

[eemee]

السلام عليكم بنات انا قبل جم يوم مسويه المسحه عشان يشوفون في التهابات بالرحم او لا واليوم بينت النتيجه وطلع فيني التهاب وعطني الدكتوره ادويه وتحاميل بس قالت لي لا تاخذينهم الحين نطري لين الدوره اليايه وابدي فيهم بنات بسالكم في احد حمل وكان مع التهاب بليز لا تخلوني

 

[eemee]

بنات ولي سلمكم ردو علي

 

[هالة الصباح]

أنا ماجربت طبيعي أنا حملت حقن مجهري بس إللي أعرفة إذا في إلتهابات مافي حمل ولازم الوحدة تعالج عشان تحمل ومايصير مضاعفات بعديين والله يبلغج وتحمليين ياالله

 

[eemee]

مشكوره حبيبتي

 

[فراولة كوتية]

المفروض الوحدة تعالج من أي التهاب عشان يتم الحمل الله يكتب لج وتحمليين

 

[عمة الزين]

والله انا مرة خالي كانت عندها التهابات وحملت عادي من كلامها طبعا
وماادري بالضبط انشالله تحملين

 

[أم عبووووود]

حبيبتي على حسب الالتهاب في التهابات خفيفه تحمل الوحدة عليها عادي وفي التهابات شديدة اصلا هذي اذا ما تعالجت ينكمن تسبب عقم

توكلي على الله وان شالله التهابات خفيفه وتروح لاتشيلين هم

 

[eemee]

مشكورين كلكم

 

[قمر ضاوي33]

في حريم يحملون على الإلتهاب وفي حريم لا الإلتهاب يؤخر الحمل

عندي اختي ما تحمل لمن تعالج الإلتهاب

 

[eemee]

ما قصرتي قمر ضاوي

 

[Amory]

والله انا قبل كان فيني التهابات مزريه ولا تروح لا علاج ولا شي ويقولون هالشي عادي يصير في بداية الزواج لأن الجسم مو متقبل الشي اليديد اللي قاعد يدخله.

المهم عطوني تحاميل واحبوب لي ولزوجي والحمدلله راحت الالتهابات والحين صرت اعرف بس اتصير عندي اي افرازات زايده علطول اروح الصيدليه اشتري تحاميل من نفسي.

سألت الدكتوره مره هل الالتهابات تمنع الحمل ، قالت احيانا تمنع واذا صار حمل الالتهابات تسبب اجهاض اذا كانت قويه.

الله يشافيج اختي ويرزقج.

 

[eemee]

مشكوره وما قصرتي اموري

 

[روعة خيال]

وااااااااااااااايد سمعت ان الالتهابات اذا عالجتيها تحملين بسرررعة
و ان شاء الله انتي منهم و تبشرينا بحمالج

 

[mosta7eel]

عالجيها حبيبتي لا تسكتين عن روحج
وان شاءالله بعدها بسرعه تحملين

 

[فانسي نايت]

حبيبتي لازم تعالجين الالتهابات موزين تخلينها باجر تكبر المسأله ،، توكلي على الله و اخذي العلاج مثل ماقالت الدكتوره ،،

و بعد العلاج في غسول مخصص للأماكن الحساسه ، اشتري و وخليه عندج حاولي بعد العلاقه تغسلين منه ، لاتكثرين واااايد و يصير وسواس

الله يشافيج ان شاء الله و يرزقج الذريه الصالحه ..

 

[eemee]

مشكورين كلكم ولكم مثل الدعوات الحلوه وماقصرتو والله حسستوني اني وحده منكم وفيكم ودي ابجي والله