لا اتطوفكم احلى كيكه ككاو

[ام زين العابدين]

السلام عليكم
طبعا هالكيكه سويتها 4 مرات ويالحين يطلبونها مني
بس نصيحه سويها قبل يوم وايد تطلع حلوه واتريحج من الشغل بنفس اليوم
:050103nbh_prv:
المقادير :
بودره الكيك الجاهزه الي عليها رسمه طباخ بجيس لونه ازرق
علبه صغيره حليب ككاو
2 كريمه سائله
ككاو نوتيلا
1قيمر صغير
و صلصه الككاو العلالي او هيرشي بس العلالي تطلع الصلصه لونها غامج
فراوله و اعواد الككاو بالكبتشينو للتزين

الطريقه:
طبعا اتسوين الكيكه مثل المقادير على العلبه بس اهم حاطين لج كوب و3 ملاعق ماء خلي الكوب وال3 ملاعق استبدليها بكريمه سائله
تخبزين الكيكه بالطريقه المعتاده مع تغليف القالب بالزيت والطحين قبل لا اتصبين الكيكه فيه
بس تطلع لج الكيكه على طول واهي حاره وبقالبها شربيها بحليب الككاو كله و فنيال من الكريمه السائله <<<<<<مصيبه الكيكه كلها كريمه حق المتن :botetoo:
اتخلينها بالثلاجه لي اليوم الثاني
الحين اني حق الصلصه :weight_lift:
طبعا والكيكه داخل الفرن مو اتحوسين بالبيت لا اشتغلي وسوي الصلصه و ديري بالج على الكيكه لا اتفشلينه و تطلع محروقه :dfgl:

طبعا تخلطين علبه كريمه مع القيمر و قفشتين كبار ككاو نوتيلا خلط مبرح وانتي تخلطين حطي من صلصه الككاو وزيدي لمه يضبط الطعم او بالمقادير نص كوب
واتخلينه مع الكيكه بالثلاجه لي يوم ثاني :gathering:
اني حق التقديم تقلبين الكيكه بطبقج و اتصبين الصلصه عليه طبعا اذا زاد خليه معاج لانه راح يطلبون ازياده من حلاوتها :eshrab:
واتزينين بخطوط من صلصه الهرشي و اعواد الككاو باكبتشينو والفراوله
وبالعافيه
جربوها وقولو ام زين العابدين ما قالت::balo:​

 

[78MariMar78]

تسلم ايدك حبوبة
وعليكم بالف عافية

بس نشربها بالكريمة وهي سائلة مثل الحليب؟؟؟

 

[al-musk]

وااااااااااااو حدها خطيرة عاد انا غرامي الكاكاو....وفعلا صدقتي الواحد لازم الحلا يحاول يسويه قبله بيوم اريح والله

 

[الحراير]

يسلموووووووووووو

 

[جارة القمر]

شكله رهييييييييييييييييييييييييييبه



تسلم ايدج حبيبتي

 

[أحلى همبه كويتية]

تسلم الأيادي

 

[<<لمار>>]

تسلم ايدج حبوووووبة من مقاديرها مبينة انها لذيذة

 

[ام زين العابدين]

الله يسلمكم حبايبي وصج جربوها حده خطيره
والكريمه سائله يا المسك

 

[nadoo]

تسلم ايدج شكلها بتشهي

 

[خبز مسمسم]

الكريمة السائلة شنو اهي بالضبط ((كريمة الخفق))

ومشكوورة شكلها لذيييييييييذة

 

[....q8....]

تسلمين على الطريقه حفظتها بالجهااز مو انا امووت على الاشياء الدسمه

 

[%عـجـمـيـه صـريـحـه%]

تسلم الأيادي..

 

[ام زين العابدين]

الكريمه السائله = كريمه الخفق

 

[ام زين العابدين]

الي اتجربها اتورينا وانشالله راح انزل لكم حلو البيض تابعوني

 

[دراما كوين]

تسلم ايدج
حسافه ناقصه الصوره

 

[SaD FaCe]

تسلم ايييدج

 

[ام^تبوله]

تسلم ايدج

 

[ام زين العابدين]

والله كان ودي بصوره بس نسيت اصورها واحطها وحتى الحين كنت خاشه من حلى البيض عشان اصوره رجعت ما لقيت ولا وحده اصورها لكم

 

[ام زين العابدين]

اب اب

 

[sweet_girl ^_^]

ماشاء الله عليج
وتسلم ايدج