لايطوفكم تدخلات خالتي وحمواتي !!

[حبيبه بدر]

الحمد لله على سلامتج

وعادي حبيبتي انا خالتي قالت اذا يتكم بنت بسميها .... المهم انه اسم يعني

ولما يبت بنت بعد ولدين قالي ريلي انتي سميها لانه انا سميت الاولاد وانا ماعندي مشكله بالاسماء وخالتي ما علقت

ولما سميتها تفاجات انها تعيب على الاسم من وراي تقول ويع شنو هالاسم الخايس مع انه اسم عادي جدا مو غريب او صعب

بس اسوي روحي ما سمعت لانها كله من وراي

 

[رمـآنه]

رد : لايطوفكم تدخلات خالتي وحمواتي !!

بناات اللي يقولوون شفيها لو علمتي بنت او ولد

انا يمكن في شغلات ماوضحتها حريم حمواني معاي ثنتين بالبيت

وحده بنت خالتهم والثانيه كانت معاهم بالمدرسه ورفيجه حماتي

بحمالتهم ماادري شنو فيهم بنت او ولد بس انا لو اعلم خالتي وحمواتي

مليوون بالميه بيعلمووون وبعدين على طاري بجيب ولد او بنت موملاك

انا مونحاسه اني مااعلم لا والله بس انا ودي يكون فجأه وقلتلهم كذا مره ابيه مفاجأه احلى

وتوها حماتي ولدت ماعلمت شنو فيها مع اني ادرري شنو فيهاا من حركاتهاا

حتى زوجي سألها قالت الله اعلم مع انه اخوووهاااا وعلمها واناا بالتاسع شنو فيني ماعلمته

والاسسم محد له حق يسمي لاني انا امهااا وخالتي ماقلت ماتسمي بس اناا ودي بأسم ابي اكوون ام فلااانه

بس الله ماكتب

انا صج احتريت بس مااقصرت فيهم بشي بالعكس اقعد معاهم واسولف واضحك واوجبهم وبرمضان اطبخ عن خالتي

 

[tmtmt]

اي حبيبتي صيري احسن منهم ليش اشوف فلانه قالت وعلانه غبت
والمفاجاه حق الي يبي تكون حلوه
بس اهما ما يبون مفاجاه يبون يعرفون عرفتي اقول وخلاص خل الكل يعرف عادي

صدقيني نصيحه اول شي لا تدخلين ريلج بهالمواضيع شقالوا فيها وما قالوا
لا تقول وقول بمل والله

ثاني شي اذا شافج انتي مثلا قلتي اي شفيها امك تسمي ليش ما تسمي
شوفي شلون بتكبرين بعينه
وقوليلها صج كان ودي بام فلانه بس يالله عشان خاطرك وخاطرامك

اهوا اذا شافج جذي بينه وبين امه بحاول اذا قدر قالج سمي الي تبين واذا ما قدر بيسكت
م
لن ماراح يكون مرتاح اذا قلتي لا مابي هالاسم واهما شكو وما شكو
ومايقدر يسوي شي لن امه ما يبي يعارضه عرفتي

الله يباركلج ببنيتج لا تحرين عمرج ما يسوا
وان شاءالله تخاوينها وتييبين لها اخة سند لها بالدنيا
وانتي الي تسمينه ان شاءالله ومحد يكون زعلان

 

[أم عبودي الكتكو]

نصيحه لله لا تصرين رسميه بعدين مايشاركونج باي شئ

 

[اريج الجوري]

رد : لايطوفكم تدخلات خالتي وحمواتي !!

شوفي انا ولا مره علمت شنو في بطني لأنه اهم ما يعلمون اصلا انهم حوامل عشان يعلمون شنو فيهم ,,,

فعادي انهم ما يسالون شنو فيج ,,,

واذا احد سالني اقول مفاجاه ,,,

بس اعلم امي وخواتي وفي بجري وثاني حمله حتى خواتي ماقلت لهم بس قلت لأمي لأنها زعلت ,,, هع

وبالنسبه للأسم انا ما سميت الا واحد من عيالي على اسم ابوي الله يحفظه ,,,

بجري ريلي مسميها بكيفه ,,, وولدي الاول خالتي الله يرحمها سمته على ولد بنتها اللي توفى بنفس وقت ولادتي الله يرحمه ,,,

وبنتي الثانيه ريلي سماها على اخته العوده اللي مربيته ,,,

وانا اللحين حامل واهو مختار اسم البنت او الولد لأني ما علمته ,,, هع

بس ادري انه عارف شنو فيني وعارفه شنو بيسمسه لأنه خواته قالوا نبي هالاسم ,,,

وبختصار لا تطولين الموضوع ولا تكبرينه واكسبي رضى خالتج وزوجج ترى اهيا امه بالنهايه ويعزها عليج ,,,

لا تعتقدين انه يجبج اكثر منها ,,,

هذه امه ,,,

واذا الاسم حلو مافيها شي سميها وقوليله باجي اليهال انتي بتختارين اسمائهم صدقيني راح يوافق ,,,

لو تشوفين رفيجتي مسكينه شمسين بنتها البجر على جدة ابو ريلها ,,,

واسم يلوع الجبد ويفشل من عصور الجاهليه ,,, وخمسه من عيالهم مسمين عليها ,,,

والاسم وييييييييييييييييييييع ,,,

بس شتسوي سمتها ورضت ,,,

كثرت حجي بس حبيت افيدج ,,,

ولاتكثرين زعل ترى تمللين الريال منج ,,,

تحياتي ...

 

[جوزائيه مغروره]

حمواتج مثل خواتج

ودهم يعرفون اول بيبي حق اخوهم ولد ولا بنت

يحق لهم ترى

وامه مثل امج

وبعدين دام الاسم مو عاجبج انتي قولي لها يا خالتي الاسم مو عاجبني

بصراحه موضه يديده ماتبون تقولون شنو فيكم

اكيد بنت ولا ولد

وفي ناس تعرف بدون لا تقولين لهم

كبري عقلج

 

[qomerq8]

انا بفهم لو مرت أخوج ما تقولكم شنو فيها ما راح تاخذون على خاطركم !!!!!!!!!
ولو امج مختارة هالاسم شنو بيكون موفقج !!!!!!!
هذيلا صاروا اهلج اشتري خاطرهم عشان رضا زوجج

 

[shak!shoka]

رد : لايطوفكم تدخلات خالتي وحمواتي !!

لا والله امي امي وخالتي خالتي فيه فرق
وحمواتي مو خواتي خواتي قلبهم علي ودمهم دمي فيييي فرررررق

انا ما اقول كرهيهم بس شكو اللقافه

يا كرهي هالبشر يبا محد له شغل بأحد

وشكو مسميه البنت انشالله ؟؟
البنت بنتج وانتي الي تعبتي وانتي الي نطرتني واهيا على ابو الخاله خذت على شي بارده مبرده
انزين يمكن الاسم مو عاجبني كيفي عاد بنتي وابي اسميها على كيفي


ياربي ما احب جذي

لاني اصلا ما ارز فيسي واتسأل وادش باخلاق الوحده احترم الخصوصيه يعني احب الناس تعاملني مثل ما اعاملها علشان جذي قاعده اقولج هالكلام

وهذا الصج لحد يبالغ ويقول مثل امي ومثل خواتي !!

 

[حياتي فراغ]

رد : لايطوفكم تدخلات خالتي وحمواتي !!

الحموله ماتعيش معاهم إلا اللي تسوي جذي والله لو سكتي مره وحدة بس لحتى عيال عيالج يسمونهم ...

 

[مناوي الكويت]

حمد لله على السلامه
بقولج شئ لا تزعلين
انتي الغلطانه بالامور هذيه
فكري شوي باجر بصيرين خاله
وهذي خالتج مثل امج خليها على كيفها حرام عليج والله مثل ماتعاملينها باجر الله يعطيج ولد ومرته تعاملج مثل ماتعاملين خالتج

لا تنسين كما تدين تدان والدنيا ماتسوى انج تزعلين على شئ قبل لا تفكرين

اكسبي خالتج وحمواتج بالكلام الطيب صدقيني راح ترتاحين انتي

وحطي الياهل بحظن خالتج كل دقيقه خليها تحب اعيالج الاكثر اكسبيها بصفج علشان ربي يوفقج

وهذا ولدها عقب التربيه والتعب والتضحيه تاخذين منها بالساهل وتوزين عليها حرام عليج

النيا دواره شنو تسوين بشبابج باجر ربي يوريج اياه لما تكبرين

سامحيني على الكلام لاني اكبر منج افهم منج وهذا كل لمصلحتج

 

[روحي زوجي]

رد : لايطوفكم تدخلات خالتي وحمواتي !!

الاسم مكتوب من قبل لاتنخلق السموات والارض وقبل لاتجيبج امج

وللحين تفكرين تزعلين ولا لاء ؟

قولي يارب لك الحمد على سلامتي وسلامة البيبي وارزقني برها

 

[برد ابو الذهب]

بصراحه حدها عيب ؟ شنو تقوليله قول لامك بس يعني مثلا شراح يكون فيج اكيد يابنت ياولد صدقيني اهل ريلج حقدوا عليج من هالسالفه شهالتفاهات ؟ يبا خلج اكبر من جذي بالله هذي سالفه ؟ وبعدين يدتها وسمتها ما فيها شي هذا راح يزيد غلاها عندها وراح تحبها حيل؟ وهذي تسمينها تدخلات شوفي بلاوي الناس وحمدي ربج على حمولتج

 

[برد ابو الذهب]

حمد لله على السلامه
بقولج شئ لا تزعلين
انتي الغلطانه بالامور هذيه
فكري شوي باجر بصيرين خاله
وهذي خالتج مثل امج خليها على كيفها حرام عليج والله مثل ماتعاملينها باجر الله يعطيج ولد ومرته تعاملج مثل ماتعاملين خالتج

لا تنسين كما تدين تدان والدنيا ماتسوى انج تزعلين على شئ قبل لا تفكرين

اكسبي خالتج وحمواتج بالكلام الطيب صدقيني راح ترتاحين انتي

وحطي الياهل بحظن خالتج كل دقيقه خليها تحب اعيالج الاكثر اكسبيها بصفج علشان ربي يوفقج

وهذا ولدها عقب التربيه والتعب والتضحيه تاخذين منها بالساهل وتوزين عليها حرام عليج

النيا دواره شنو تسوين بشبابج باجر ربي يوريج اياه لما تكبرين

سامحيني على الكلام لاني اكبر منج افهم منج وهذا كل لمصلحتج

والله انج ابداع تسلم اناملج:nbvppw:
مادري ليش حرني الموضوع

 

[حجيه هيونه]

رد : لايطوفكم تدخلات خالتي وحمواتي !!

انا عاد كلش ولا اسم البنت


انا وابوها نسمى والباقي محد له شغل


حلوه هذي والله كل واحد مشتهي اسم يجي يسمي عيالي ليش ما يسمى عياله اهو


ويالله الله يخليها لج وتشوفينها عروس

 

[كويتيه مذهله 87]

أمبيه من صجج ماتبين تقولين حق امه شنو فيييييييييييييييييييييييييج

شخبااااري هالتفكيييييييييييييييير


يمكن معاج ان هي تدخل بأسم البنت بس اذا حلو مايعني ان تشيشين ريلج علي امه اي شي

,,,

 

[Australia girl]

بصراحه مكبره السالفه انتي وسالفة ماعلم انا اقول مو لازم تتبعين كل شي اهلج يسسوونه ترى مو دين اهوه تمشين عليه والسالفه بسيطه
وسالفة الاسم والله عادي خل تسمي امه ودام اسم حلو ليش لا بجذي بنتي بتكون غاليه عندها واكسبهم وترى كله اسم شنو يعني ...الله يهديج

 

[العاطفية]

بصراحة انتي موقفج حلو يعني ماسويتي مشكلة بس بينتي انج رافضة ان احد يتدخل بقراراتكم خصوصا تسمية العيال أنا اعتبره شي يخص الام والأبو بشكل خاص يعني شنو احمل وأتعب وأموت بالولادة واشقى بالنفاس واتيي امه باردة مبردة اتسمي عيالي أنا رفضت لما مريت بموقفج وازعلو تخيلي سنة يقولون لزوجي زوجتك لا تيي بيتنا وولدك ييبه مع خدامتكم امبيه قلة حيا بس لما أخذت موقف بس وقفو عند حدهم وبالنسبة للحمل أنا مرة زوجي تليقف وعلمهم والله نفس اليوم أجهضت فاخذ درس وقام ما يقول. أنا مابي اشيشج والله موقفج حيل حلو بس نصيحة لا تسمحين لاحد يتدخل بحياتج لانهم بياخذونها عادة وبتصير سبهللة

 

[say yes]

احس موضوع البنت حساس بس الولد عادي لكن البنت مشكله لما يصير اسمها قديم واحس الام مفروض تسميها مو ام الزوج يعنى الولد عادي من حق ابوه واهله بس البنت لااااااااااااااااااااااااااااااااااااا حقي

 

[اشتياق]

يعني شدعوه بتكونين حامل بشنو مثلا؟؟

اكيد يابنت ياولد

يعني شنو اذا قلتي؟؟شحقه كل هالاسرار والحزازه؟؟تبطلون باب للمشاكل غصب بعدين تقولون ليش وشصار!

سهالات كله اسم وكله سونار وقالي فيني ولد والا بنت يعني شبيصير بالدنياا؟؟

والله قلة عقوول بعض هالحريم..!

 

[روحي تحبه غصب]

الله يهداج هونيها وتهون واذا خالتج بخاطرها هالاسم مافيها شي عشان خاطرها

وانا اعلم شنو فيني لان مو حلوه ما ارد على اللي يسالني شنو نوع الجنين بصراحه انحرج وما اعرف اقول ماابي اعلم

وبعدين انا متاكده اني ليمن اعلمهم بالصج عبالهم اني اجذب وابي اسويها مفاجاءه فعشان جذيه مااخبي

وعلى الاسم كنا مختارين اسم وعاجبنا بس خالتي الله يهداها احلفت ان هالاسم مانسميه واحلفت انها ماراح تحب البنيه اذا سميناها

والله ان ريلي اللي تضايق من خالتي وقالي عادي خلينا انسمي وبعدين راح ترضى وانا مارضيت قلت له خلنا نغير حرام تكسر حلفها

والحمدلله اخترنا اسم ثاني لها وارضينا خالتي