لاهل الخبره فقط .........، الأسهم

[الباسمه]

مرحبا
منو عندها فكره جم وصل سهم شركه الإتصالات؟؟؟؟
ضروري واللي داخله تستفيد ترفع الموضوع لو تكرمتوووووو​

 

[السميرونه]

أب لعيووونج ...

بسم الله الرحمن الرحيم .. مساكم الله بالخير ...

اولا حبيت ارفع لج الموضوع عشان تعم الفايده لج ولي ولغيرنا ..
ثانيا عندي كذا استفسار بخصوص البورصه والاسهم ياليت تفيديني وتساعديني ..

مالي خبره كثيره بالبورصه بس خلال الايام اللي طافت قريت مواضيع عن بعض العضوات لو انها قديمه بس خذيت فكره وجيزه مثل مايقولون ..

بسألج البورصه شلونها هاليومين ؟ تنصحيني ادش فيها اشتري الاسهم والا لا ؟
وجم اقل مبلغ تقريبي ادش فيه السوق ؟؟ يعني حول 2000 ا 3000 ؟

وبغيت اعرف عن افضل شركه ممكن اتعامل وياها بالوساطه اللي مجوده بالبورصه لاني بحسب اللي قريته وفهمته انه يكون لي خبير بالبورصه والاستثمار يساعدني في شراء الاسم الرخيصه المتوقع لها الارتفاع خلال المده القادمه .. ياليتج تساعديني وتدليني باول الطريق عسى الله ايسر لج امرج .. ثقلت عليج بالسالفه بس تقدرين تقولين الفراغ قاتلني وابي اعرف استغله بشي ممكن اكون قادره فيه من خلاله اشوف رزقتي ..

ياليت من اي وحده عندها فكره وخبره تفيدنا وجعلها في ميزان حسناتها .. الرسول عليه الصلاه والسلام قال : الدال على الخير كفاعله ..
هذي اول مشاركه لي بالمنتدى وان شاء الله ما تقصورن مع اخواتكم الفاضلات ..

تقبلي شكري مروري اخت الباسمه .. وعسى البسمه تكون دؤوؤوم ..

 

[الباسمه]

[size="5"]مشكوره عالدعوات اللي تفتح النفس
بس انان امانةً ماعندي فكره
بس اللي اعرفه شي واحد لاتثقين باي شخص
واذا بتحطين فلوسج قسميها علا شغلتين مثلا ١٠٠٠ اسهم و ١٠٠٠بضايع
المهم لاتحطين فلوسج بشغله وحده
وانا سالت لانه وحده مكلفتني اسأل عن هالاسهم
واتمنى البنات يفيدونج[/size]

 

[السميرونه]

مسالخير ...

أشكرج اختي عالمعلومه المفيده ..

يا بنات يا المستثمرات ياخبيرات بلييييز تفاعلو بالموضوع وفيدونا فديتكم ..
امسكو بيدنا بأول الطريق ساعدونا ... ونكون لكم من الشاكرين ..

 

[hhateek]

السلام عليكم
هلا حبيبتي ...
الاسعار كلها بتلاقيها علي موقع البورصة شوية واجيبه لج ... معلش لاني اللابتوب عطل
واللي ناوية تدش هالمجال كلامج صح ما تثقي بأحد
لكن لازم تتعلمين انج انتي اللي تختاري اسهمك عن طريق دراسة التحليل الفني

 

[السميرونه]

وعليكم السلام ..

اشكرج على التفاعل حبيبتي ..
مثل ما تفضلت سابقا انا ماعندي الخبره الكافيه خصوصا بالتحليل واختيار السهم فعشان جذي مضطره اني اتعامل مع شركه وساطه ويفيدوني ..

انا جم مره دخلت موقع البورصه بس الجدول يعني مو فاهمتله بس اللي عرفته السهم الاحمر والاخضر لووول

وهم بعد مو مبين لي مثل ما تقولين جدوله تبين قيمة اسهم الشركه وتسلسلها في الارتفاع والانخفاض اللي من خلاله ممكن اعرف اختار السهم ..

ياليت لو تشرحيلي بالصور ولو اني بتعبج معاي ..

بس السؤال اللي مالقيت اجابه له للحين هو الوقت الحالي تنصحيني اشتري الاسهم والا لا ؟ لان اتوقع السوق نازل ..
وشنو الشركه اللي تنصحيني فيها مبدئيا اشتري منها السهم اللي ممكن بالايام الجايه راح ترتفع ..

واشكرج على التفاعل مه ثانيه ..

 

[مس مونتريال]

لعيونك .... اب اب

 

[hhateek]

هلا حبيبتي
شوفي الحين والله ومن فترة كبيرة ما تابعت اسعار الاسهم واي سهم ارتع وانخفض
اما انج ما عندج خبرة اذا تبين صج تتابعي مالك لازم تتعلمي واعتبريها دراسة واحتسبي اجرها
وانا حاضرة لاي سؤال عن التحليل اما اي سؤال عن تحليل الاسهم بس الاقي وقت ...
وانا كنت فتحت موضوععن الفوركس لكن للاسف ماكو تفاعل ومتابعة
لكن اللي يبي فعلا يتعلم انا بساعده واكيد لوجه الله

 

[hhateek]

هلا حبيبتي
شوفي الحين والله ومن فترة كبيرة ما تابعت اسعار الاسهم واي سهم ارتع وانخفض
اما انج ما عندج خبرة اذا تبين صج تتابعي مالك لازم تتعلمي واعتبريها دراسة واحتسبي اجرها
وانا حاضرة لاي سؤال عن التحليل اما اي سؤال عن تحليل الاسهم بس الاقي وقت ...
وانا كنت فتحت موضوععن الفوركس لكن للاسف ماكو تفاعل ومتابعة
لكن اللي يبي فعلا يتعلم انا بساعده واكيد لوجه الله

 

[السميرونه]

الله يعطيج الف عافيه ..
ما قصرتي كفيتي ووفيتي حبيبتي ..

انا ابي اتعلم هالشي بس مو عارفه من وين ابدا ؟

والله يوفقنا ان شاء الله ..

 

[الباسمه]

اب اب اب