لاعت جبدي

[~LiBrA~]

رد : لاعت جبدي

بنات مشكورين كلكم وشكلي بسوي الي قلتوه لي والله كريم

امس لما رجع جنه كان حاس بتأنيب الضمير شوي


بس الكارثه قبل شوي و

واااي بنات والله بموت من القهر

اهو موعده الساعه 7ونص

جان يقولي الساعه 5 قومي وديني قلتله انشالله

والعاده مرات اذا طالعين مبجر يخليني اقطه على بيت رفيجه ويروح معاه

بس هالمرة الطريج غير نفس طريج المستشفى

جان نوقف بمصافط ستاربكس الي بالسالميه

انا تشققت بيني وبين نفسي علبالي يبي نقعد مع بعض قبل موعده

بس الصدمه لما دق على رفيجه وقاله ها وينك؟ اثاري مواعد رفيجه ايي ياخذه من اهناك:cxxxp:

انا وصلت حدي من القهر جان اقوله انزل انطره بره انا تعبانه بمشي

بس نزل جان لا اراديا ادوس حد الدوسه وامشي عنه

زين ما شفطت فيني السيارة

ودق عقبها يقولي شفيج وشفيج

اقوله مافيني شي وصكيته

ومتحلفه فيه ليما يرجع

والله مو قادرة احس اني حيل مقهورة

يعني هذي يزاتي عقب هالنطره هذي كلها؟؟؟

احس ان للحين اهو مسافر مو موجود

استغفر الله ياربي

 

[ام اغلى الناس]

الله يعينج
لا تنطرينه
اشغلي نفسج واطلعي مع رفيجاتج و خواتج
يمكن ما يبي يبين تعبه جدامج !!! ولا يحب يخليج تشوفينه بالمستشفى

 

[~LiBrA~]

رد : لاعت جبدي

مشكورة حبيبتي والله كريم

 

[eva beach]

واااي صج قهر

انزين خلاااص صارحيه لانه الحركه تبط الجبد ترى

بس طبعا مو تتناجرين كل شي بهدوووووووووء وبركاده

قوليله ولهانه عليك .. مشتاقتلك .. ابي اقعد معااك .. ترى ماشبعت منك

ودي نطلع مع بعض .. حيييييل محتاجه وجودك معاي بهالفتره بروحي ماصدقت على الله رجعت

ماعليه اطلع مع ربعك لك حق تسوي هالشي وانا مو معارضه ولا زعلانه

بس حتى انا ابي احس فيك معاااي ابي اطلع معاك ابي اقعد معاك اكثرررررررر

مادري بس شكله ريلج يهتم بربعه وااااااااااااايد

حبيبتي صارحيه او قطي نغزات بدون ماتجرحينه او تضايقينه

والله يكون بعوونج حبيبتي

 

[MISS-_-FLOWER]

رد : لاعت جبدي

عادي جابلي النت حالج من حالنا

 

[قوية الباس]

رد : لاعت جبدي

حمدالله ع سلامة ريلج والله يشافيه انشاء الله

صدقيني اهو راد الكويت مشتاق حق الوناسه والربع

تبين الصج والله مالوم الرياييل يسنترون بالدواوين والله سوالفهم اتيينن وتموتج ضحك وماتملين منهم عكس الحريم يبوووي بس حش وتنغز حق بعض

الحين خليه يستانس وحاولي تجذبينه حق البيت سويلج برنامج كل يوم للسهره

يعني مره فلم مره مسرحيه مره مسلسل جذي واستانسو مع بعض

والله يوفقكم يارب

 

[الجفووول]

الله يعينج

بس حاولي تتأقلمين لين الله يرزقج في بيبي وتتسلين فيه

 

[ELFAD3Ah]

رد : لاعت جبدي

حيلتي ميخالف هاذي تصرفات لاارادية وحاله نفسية مايحس فيها الا المجرب انا لما رحت علاج ويا ولدي الله يخليه لي ولما رديت صرت جامده ماباثر فيني شي والسبب الي شفته والمحنه الي مريت فيها وصرت بس بقعد بروحي انا وولدي وريلي والسبب الثاني الناس كله يطالعون بنظرة شفقه وكله يسالونا عن عمليته مع ان صار زين الحمد الله بس صرت اتهرب لان مابي اتذكر الي صار
وانا اذا قعدت بروحي ياارقص او اشوف حلقات اوتلقين اطلع تصاميم ملابس من النت من المجلات

 

[engineer]

الله يعينج

 

[غنج بدويـه]

بالذات هالمشكله بكل البيت ..
تبين نصيحتي .. جربي مره قبل لايوصل
سوي له جو ..
واذا وصل قولي له اللي بخاطرج
ترا الكلام له مفعوله ..
لآتحطين بقلبج.. السكوت ماينفع
لانه ماراح يدري عن اي شي بداخلج
والله يوفقكم وييسر اموركم يارب

 

[ام محمد الشمري]

الله يهديه ويسخره لج

 

[~LiBrA~]

رد : لاعت جبدي

مشكورين حبايبي

انا مليت من التلميحات ووضحت الي مضايقني

وقالي الاسباب نفس اسبابكم انه مشتاق حق ربعه بس مو معناته مو مشتاق لي

بس يقول قعدة البيت وايد تضايقني

وانا قدرت هالشي لان توه راجع

يبيله فترة على ما يتأقلم

والله كريم انشالهه ويهديه

 

[فرفر 2010]

رد : لاعت جبدي

الله يهديه ويشفيه

 

[*loveli-noni*]

رد: رد : لاعت جبدي

وقت فراقه من غير شر

حوّليه من سلبي الى ايجابي

اولا ....زوجج طبيعي 100%

ثانيا :كل الزوجاااات غالبا ما يجلسون لوحدهم الى الساعه 12 بالليل

ثالثا :استغلي هالوقت بالزياره للاهل ...لصالون ...ممارسة هوايه...التسوق...النت

رابعا :ترى الفراق المؤقت يجدد الشوق والوله

فوفو

عظمه على عظمه ياست:hjy5jewf:

 

[lovemyself]

انشغلى يا حياتى
شتسوين امرج لله
حطى عندج اهداف حقج انتى وحققيقيها
اهتمى بنفسج اقرى طلعى زورى اهلج وصديقاتج لا تخلين ريلج اهو كل حياتج ترى بتموتين انا فاهتمج عدل بس الريال يحب بعض المساحه والحرية خلينا نحاول ما نقرب اكثر عشان ما يهرب

 

[سارة ة]

:n2006107::n2006107:

 

[برد ابو الذهب]

الف الحمد لله على سلامته يالغاليه يامعوده اشوه ان ردلج بالسلامه وكل شي يهون

 

[احب المنتدى]

رد : لاعت جبدي

اول شي حمد الله على سلامة زوجج

ثاني شي انا اشوف ان من حقه يروح و يرد من طبعه لان مو معقوله بيقعد معاج 24ساعه و بالعكس تلقينه مستانس جذي

انا اقول خليه على راحته حرام تضايقينه فوق مرضه

الله يخليكم البعض

 

[ليالي الكويت1]

رد : لاعت جبدي

عادي ياقلبيلاتحاتيتن واللةفترة ويرد احسن من قبل بس عشان توة راد كل الرياجيل جذي عادي ياحياتي:fun:

 

[~LiBrA~]

رد : لاعت جبدي

الله يسلمكم كلكم وشكورين

بنات بس انتو مو فاهمين علي الي يقولون تبينه يجابلج 24 ساعه

انا ماابي جذي واكيد حتى انا راح امل

بس توقعت على ااقل اول يومين من يرجع يكون معاي طول الوقت ويهتم فيني حييييييييل

بس ماصار هالشي


بس المدالله على كل حال وشي احسن من ولا شي

على قولة وحده من البنات على الاقل يرعلي اخر اليوم ينام عندي

احسن من الاول مااشوفه كلش واكلمه بالحسره

الله كريم

وانشالله يهديه ويشفيه ونفتك ياارب