لاعت جبدي

[~LiBrA~]

السلام عليكم والرحمه











ماكان ودي اتكلم بعد عن خصوصياتي بس احس اني بنفجر من الضغط









الحمدالله مرتاحه واموري تحسنت واابد عن قبل بعد ماتشافى ريلي ورجع بالسلامه



بس حاسه بفراغ كبير

توقعت بعد فراق شهور عن بعض ان بعد مايرجع يكون لاصق فيني 24 ساعه

بس ماصار هالشي

صج انه احسن من اول بوايد

بس توقعت انكون اقراب من بعض هالفترة ونطلع ونستانس مع بعض

اهو عنده مراجعات بالمستشفى بوميا بليل جم ساعه ولازم كل يوم يروح

وانا اوديه وانطره

بس مرات انا اوديه ويقولي روحي رفيجي الي بيرجعني

والاغلب رفيجه بوديه واييبه


وانا كنت ابي انا اسوي هالشي

كنت ابي استغل كل لحظه ودقيقه معاه

حتى لو ماكانت طلعه صجيه

يعني كافي نتمشى ونسولف بالطريج واحنا رايحين

او ناخذلنا عشا واحنا رادين



احس حتى هالشي انحرمت منه شوي مو وايد


يعني اهو كل يوم اذا انا ماقلتله ((انا باخذك عشان نطلع مع بعض))
شي طبيعي رفيجه يمره ويطلعون يتعشون ويتمشون ويرجع



انا مقدرة انه مسكين صارله بالغربه فترة طويله ووده يطلع ويستانس مع ربعه وهذا الشي زين حقه

بس انا مو قادره


هذي مو انانيه مني اني ابيه لي هالفترة

خاصه ان ماصارله وايد من رجع من السفر



والمصيبه مااقدر اطنقر او اقوله اني متضايقه من هالشي

لان كل شي يأثر على نفسيته





والله مادري


احس اني يايبه الهم حق نفسي

قاعده اضيق خلقي على الفاضي واهو الحمدالله مو مقصر معاي


بس يضيق خلقي من عقب المغرب اقعد بروحي لي هالحزة واهو بعد للحين مارجع





انا الي ماسكني بس انه اهو مستانس وانا حيل استانس لي شفته مرتاح ونفسيته عدله
وهذا الي مصبرني




كل يوم انطره على العشى واموت من اليوع على مايرجع وانصدم لما يقولي متعشي:eh_s(2):
ولما يسألني اقوله اي كليت وخلصت






مع انه قايلي لا تكتبين خصوصياتج
بس لان باط جبدي كتبت:eh_s(13):
وحبيت افضفض بس





شتسووون اذا قعدتو بروحكم؟؟؟؟؟؟


في وحده تعاني من غياب زوجها وطلعاته الوايده؟؟؟؟؟


عطونا حلول:gr4uu:

 

[ام شووووق]

رد : لاعت جبدي

ام حيدر الشكوى لله

انا نفس حالتج زوجي يوم رد من السفر علبالي بيلصق فيني

كله ويا ربعه شكثر يجيت وشكيت ومافي فايده


انتي بالنسبه لوضعج اتوقع ريلج يستحي انج تودينه وتجييبنه هذا تفكير الشباب

انتي تبين تساعدينه بس هو تفكيره غير تفكيره انه عاجز وهذا يأثر على نفسيته وااااااايد

مالج الا الصبر والدعاء

الله يسخره لج يااااااااااارب

 

[~LiBrA~]

رد : لاعت جبدي

ام شووق

اشوه في احد مثلي هههه

استغفر الله

قارصني اليوع بس معاقبه نفسي شكوووو مادري الحمدالله والشكر

بس معقوله يستحي مني؟؟

اول مرة قلتله صج تضايق يقول ليش مااروح بروحي واسوق بروحي!!


الله يعينا ياارب

 

[a7la MUM]

رد : لاعت جبدي

حبيبتي والله توني ادري انه رد بالسلامه الف الحمدالله عالسلامه

دام انج ماتقدرين تقوليله اللي مضايقج مالج الا تتحملين وتحاولين تلهين نفسج بفترة طلعته واهو مو طالع سينما ولا عالبحر لا رايح موعده ويتعشى
لاتضيقين خلقج وتسوين سالفه من ولاشي

تذكرين موضوعج اللي كتبتيه اول ماسافر ريلج؟؟؟انا دايما اذكره.ردي الحين واقريه حاولي انج ماتضايقينه
لاتعاتبينه خليه بسم الله توه ياي
انتي الظاهر ودج تدلعين عليه_03BA::wqedqw:
فديتج اسم الله عليج خرعيتيني عبالي فيج شي

 

[##سبحان الله##]

ميخالف خل يستانس وانتي بهالوقت شغلي روحج بنفسج اقري او تعالي شبكي ويانا خخخخخخخ

ونصيحة صفحة من القران يوميا تصلح الاموووور كلها :hjy5jewf:

 

[اشتياق]

تعديت هالمرحله من زماااااااااااااااان
وترى الريال روحه بالطلعه يموت لي قعد بالبيت مو نفسنا احنا الحريم بيتوتيات!

يعني زوجي لمن يقعد بالبيت يقولي اشتياق بالدوانيه ربعي ووناسه وسوالف وكوت وجوي
هني شسوي اقعد نفس الحريم ؟؟؟؟

عاد بديت استوعب اني مستحيل اتملكه واحكره
كله لي اهم شي انه مستانس ومقضي وقته ومرده بينام بحضني

يعني قنعي نفسج انه هالشي طبيعي والريال البيتوتي هذا فيه خلل!:flower:

 

[ام دليار]

رد : لاعت جبدي

أخ أخ شو أقول شو أخلي
لو مو مشارك بلمنتدى وبتسلى كان موتت ونجنيت

مافي ولد أتسلا فيه
أذا بدي اطلع زيارة ماحدا فاضي كلها عندها مدارس زوجي بيتأخر لما يجي ياخذني
بستحي أطول عند الناس

أدوية علاج الحمل بتحسي حالك كل شوي بعقل ساعة:eh_s(2):
وساعة:dddds:
الله يفرجها
بيطلع الساعة 8 حتى الساعة 2
بيطلع 4 بيرجع 12 وحسب الشغل :eh_s(13):

 

[~LiBrA~]

رد : لاعت جبدي

a7la MUM

حبيبتي الله يسلمج

بس ترا صج اهو عقب المراجعه يطلع قهاوي ويتمشى عالبحر وفي مشروع روحة سينما الايام اليايه
يعني شي طبيعي:bbbiu:

انا علشان ذاكرة كل كلمه قلتها بموضوعي الاولي هذا الي مسكتني

بس يضيق خلقي من القعده بروحي كافي 6 شهور قاعده بروحي

يلا الله كريم

مشكورة ياقلبي واسم الله عليج من الخرعه:friends:

 

[فوفو22]

رد : لاعت جبدي

وقت فراقه من غير شر

حوّليه من سلبي الى ايجابي

اولا ....زوجج طبيعي 100%

ثانيا :كل الزوجاااات غالبا ما يجلسون لوحدهم الى الساعه 12 بالليل

ثالثا :استغلي هالوقت بالزياره للاهل ...لصالون ...ممارسة هوايه...التسوق...النت

رابعا :ترى الفراق المؤقت يجدد الشوق والوله

فوفو

 

[~LiBrA~]

رد : لاعت جبدي

##سبحان الله##

مشكورة وانا كل يوم لما يكون مو موجود اقرا سورة البقرة وصج تحسنت اموري من بعدها بس في اشياء للحين معلقه

 

[ريمي اميري]

رد : لاعت جبدي

من جد حااااااجه تحزن ..... بس ماعليه اذا هو مبسووووط ترى الرجااال يفكرون غير عنااااا ,,
حبوبه اشغلي حالك بالبيت وشغل البيت ولا حتى انتي اطلعي مع صديقاتك روحي للصالون المهم لا تزعلون من بعض عشان هالشي ترى هو مو حااااس انك زعلانه .. يعني مو متعمد .. الله يكون بعونك وعونااااا جميعا

 

[~LiBrA~]

رد : لاعت جبدي

اشتياق
اتمنى اوصل المرحله الي وصلتيها وصج الريال لي قعد بالبيت يمل بسرعه
مايمديه عقب طلعته يقعد 10 دقايق يقعد يحووووووس بالبيت يدور الي يشغله


ام دليار
الله يكون بعونج
وانا الي عندي للحين ما داوم
الله يستر لما يداوم ماراح اشوف ويهه كلش

فوفو22
كلامج كله عدل واحاول اشغل نفسي
بس الا بالنقطه الاخيره
يامعوده اذا الفراق الؤقت يجدد الشوق والوله
المفروض عقب فراق شهور يكون متجدد هالشي
انا ماشفت الا شوي :flower:

الله كريم

 

[Petite]

رد : لاعت جبدي

والله مادري

بس اتوقع ردة فعل طبيعيه من عقب الغربه

مالي غير الدعاء لج

 

[~LiBrA~]

رد : لاعت جبدي

ريمي اميري
اهو اكيد مو حاس ومايدري اني زعلانه لان كل مايرجع اسأله شسويت وعسا استانست واسولف معاه على ان الوضع طبيعي

بس مادري جنه هالشي خلاه يزيد بطلعاته لان اخذ الامان واني ماراح ازعل:bbbiu:

 

[الأميرة الحزينة]

ميخالف حبيبتي اهو بس فاقد ربعه عشان كان بعيد عنهم وهذي فترة وبتعدي لا تضيقين خلقج .. يمكن اهو ما يبي يضايقج او يضغط عليج عشان جذي يقول حق رفيجه يوديه:denya: انا اقترح تقوليله بس تييله من ناحية انج مشتاقتله وتبين تكونين معاه تودينه وتييبينه من غير ما تييبين طاري رفيجه عشان لاتضايجينه ولامايصير عنده ردة فعل بس بيني استعدادج انج تكونين معاه بكل وقت:rerrerek: موفقه

 

[ماركة انثى]

رد : لاعت جبدي

ام حيدر مغيرة نكج توني ادري
الحمدلله على سلامت زوجج
وشي طبيعي انه مشتاف حق ربعة تبينة يقعد
24ساعة
صراحة مالوم الرجال انهم يطلعون مع ربعهم بدال حنة المراة
والله يخليه لج ويسخرة لج
​

 

[صمــت_ALsHfaaH]

انا يسهرر لين الصبح واذا بيرد بدري 3 الفجر

تعودت احووس بالبيت او ادلع نفسي او اروح لاهلي

 

[شبعآنه دلـع]

رد : لاعت جبدي

اولا مبرووووووووووووك على النك الجديد ثانيا اللي فيه زوجك شي طبيعي عقب الغربه مصيره بيمل ويرجعلك لا تحاتين ولا تضيقين عمرك :blueSmCLR:

 

[G!RLooNa]

الحمدالله على سلامته و قرت عينج

لا تقولين له متضايقه لا كلميه عادي حبيبي انا ولهانه عليك ربعك باقوك مني على ضحك و غشمره و اذا طلعه ربعه بالليل طلعي وياه الصبح ولا العصر غدا ريوق تمشي عالبحر الجو الحين يرد الروح استانسوا بالنهار و بالليل خليه يستانس ويا ربعه اكيد ولهان عليهم و عقب جابليه بالليل لي رد

 

[~LiBrA~]

رد : لاعت جبدي

Petite
مشكورة ياقلبي

الاميرة الحزينه
اتمنى اتكون فترة وتعدي
وانا كلش مااييب طاري ربعه خاصه اذا زينين وخوش اوادك بالعكس استانس لي طلع معاهم
بس الشي لي زاد عن حده ينقلب ضده
وانا بحاول ابين له

خايني زماني
اي هذي انا مشكوووورة
لا انا مابيه يقعد 24 ساعه بس مثل ما وناسته وربعه لهم حق انا المفروض لي حق اكثر هههه
بس حرام لا تظلمين الحريم مو كلهم حنه
وانا بطلت حنه من رجع مرعاة لشعوره هههه

صمــت_ALsHfaaH
واي الله يعينج انتي حالتج صعبه اكثر مني
بس لانج تعودتي
انا للحين ماتعودت بس صارلي اسبوع على هالحال:denya:

شبعانه دلع
مشكورة
وانشالله يمل مع ان اشك بهالشي
الرياييل ما ينعطون ويه هههه


G!RLooNa

الله يسلمج وبويه نبيج
شكلي بسوي جذي والله كريم