لاسنة ولاشيعة ....كويت وااااااااحد

[@عذبة الوصف@]

http://www.q8yat.net/showthread.php?t=557103


أولا أحب أحيي كاتبة هذا الموضوع اللي حطيت رابطه فوق واشد على ايدها وأقولها بارك الله فيج كفوو والله

ثاني شي أحب أقولكم اني شفت هذي اليومين في المنتدى صارت حساسيات شيعة وسنة يعني انتقل من أرض الواقع لي المنتدى !!!

بليز بنات الكويت وشعب الكويت المحترم لاتخيبونا

انا يمنية وتعالوا شوفوا كيف فتنونا بسالفة الشمال والجنوب مع انا متوحدين صار لنا قريب عشرين سنة لكن للأسف هذي أجندة امريكية إيرانية إسرائلية لتفتيت المفتت وتجزئة المجزء ...وترى بلادنا صارت معصودة عصيد بسبب الحراك والحوثيين واللحين تنظيم القاعدة


فأناشدكم بنات الكويت وايا الشعب الكويتي بليييييييييييييز لاتخلوا الأجندة الامريكية والاسرائلية والايرانية تلعب وتقص عليكم انت بعد ...

هذي بلادكم احموها وحطوها في عيونكم ولاتخلون اللي صار بالعراق يصير عندكم بعد بسببت السنة والشيعة وبالأخير الوطن هو الخاسر ....


قولوا



لاسنة ولاشيعة احنا الكويت مانبيعه زي ماقالوها العراقيين للحكيم وجماعته


وزي مانقول نحن لاشمال ولاجنوب ....

بس احس انه نحن فات الوقت على قول هذا الشي


فلاتخلوها تفوت عليكم انتم بعد لاقدر الله

 

[memei]

جزاج الله خير وإنشاءالله مافي شي يفرقنا اللهم آمين

 

[كويتية فاصله]

يا حبيبتي خلاص خل نخلص من هالمواضيع تدرين ليش لأن موضوع شكله ماراح ينحل

ياحبيبتي هذي المقوله من وجة نظري غلط بالعكس نختلف إذا صج مانختلف شويفي الكتب كتبا وكتبهم تختلف مني راح تعرفين إن إحنا نختلف وإحنا سنه بإذن الله فليش أقول آنا ويا الشيعه ما نختلف يعني عادي آخذ عقيدتي وياخذ عقيدته لا ليش عشانه نختلف ؟؟؟؟؟؟؟؟؟؟؟

إحنا مانختلف على كلمه كويتيين بالعكس الكويت فوق راسنا بس إحنا بينا فرق مو واحد بل وااايد


أشكــــــــرج على الموضوع ​

 

[جفا الأصحاب]

أختي الغاليه احنا ما نختلف على ان احنا كويتيين صح كلنا كويتيين والكويت على روسنا

بس ان الشيعي والسني كلهم واحد غلط .. شلون واحد والعقيده مختلفه تماما ..

انا ما اقول ان ننشر الفتنه ..لا.. بس نتعامل بالحسنى معاهم .. مو معنا هذا ان احنا السنه والشيعه واحد ..

والله يهدي الجميع ...

 

[grumpy22]

اشكرج اختي على الموضووع وفعلا انا ملااحظه اني واايد صاير بالمنتدى سنه وشيعه الله يهدي الجميييع
وتظل الكوييت فوق رااسنا وبنظل نحبها
وانا اساسا مادري ليش صاايره الحزاازيات طول عمرنا ماكنا نعرف سنه وشيعه الحين شنو صار ماادري
الكويت قبل كانوا كلهم اخوان ومافي شي اسمه هذا سني وهذا شيعي بالعكس كاانوا كلهم اخواان واكثر من اهل
ما اقوول الا عسى الله لا يفرقناا ياارب

 

[جاكليت]

لا للتفرقه

كلنا للكويت والكويت لنا

 

[ZooZooWa]

الله يوحد كلمة المسلمين في جميع أرجاء الأرض

ويبعد عنا أعداء الإسلام

 

[om reem 86]

انا الصراحه ائئيد هالكلام مافي فرق سني والا شيعي كلنا عيال الكويت

 

[Un-6be3iya]

امبيه يفشلون والله يعني ابائنا واجدادنا سنين بنوو هالديرة و عاشو فيها الجار للجار و الطوف بالطوووف و طول عمرهم يشيلون بعضهم البعض !
عمرهم ماقالو هذا سني و هذا شيعي و هذا نصراني و هذا يهودي !!@
لو الله يفكنآ من الفـتـنة احنآ بخـــير !!!
" الفـتنة نآآآئمة لعن الله من أوقظهآآ .. ! "

 

[WHO CARES!]

كلامج حلو بس في ناس مغسووول مخهم اعتقد فات الاوان وعلى الدنيا السلام

 

[أوكسجين]

جزاج الله خير وإنشاءالله مافي شي يفرقنا اللهم آمين
اخوان سنه وشيعه وهذا الوطن مانبيعه

 

[sereen]

تنبيه : تحديد امر المواضيع مخالفة من عدمها من اختصاص الادارة والاشراف لذا يرجى عدم تجاوز الصلاحيات

 

[جمولة مزيونة]

أحب أذكر ان المسئلة مسئلة عقيدة يا اختي مو لعب يهال

شلون نتجاهل اختلاف العقيدة

قبل لا نقول الكويت واحد او اليمن واحد

قولي أسلامنا واحد و لا للمذاهب ديننا القرأن و سنة النبي محمد

 

[a7La_3eMeYa]

من قال هل حجي الشيعه والسنه من زمان لكن في ناس سوو فتن بهل ديره
وعندنا اثبات على هل حجي شيوخنا الي الله اخذ امانتهم والي موجودين عسى الله يحفظهم كل سنه لازم يدخلون الحسينيات
وغير الشيخ جابر والشيخ عبدالله السالم كانو زايرين الامام الحسين وماتقدرون تنكرون مستحيل من عمر سنه وشيعه عادي مانفرق بعض في سنه لي يومج يروحون حسينيات وياكلون من الحسينيه

كلامج كللله عدلل صااجججججججه

 

[ii DareeN ii]

اولا انا اشكر صاحبة الموضوع على مشاعرها تجاه لكويت

ثانيا بنات خلونا نتحاور بطريقة حضارية ياترا نقدر

ثالثا الموضوع فيه حكمة كبيرة جدا شفتو شلون حال بلادهم عسى ربي يصلح بينهم فتنة حرب اهلية البنت تحذركم بان التفرقة الي صايرة قد تقودنا حق شي مثل الي قاعد يصير في بلادهم فنصيحتها صادقة من قلبها تتوقعون هالشي مستحيل لا مو مستحيل

رابعا كل انسان يخالف المذهب الي مايعتقد فيه انا سنية اختلف مع الشيعية بمذهبي بس مو من حقي اني اغلط فيها ولا من حقها تغلط فيني الاحترام المفروض اهو الي يكون السمة السائدة بينا مو بضرورة كل الكره الارضية تصير على دين واحد ولا على مذهب واحد في دول فيها فوق الامية مذهب وملة ودين تعتقدون شنو المفروض يكون حالهم انتي لج معتقداتج الي المفروض محد يمسها دامها ماتجاوزت الغير وغيرج له معتقدات دامة ماتجاوز فيها عليج فمو من حقج انج تغلطين عليه

التفرقة والكره مراح يخلي وحدة تكون احسن من الثانية ولا راح يوصلنا حق نتيجة احنا كلنا بشر محد اختار دينة ولا مذهبه فياريت نوصل حق نقطة اتفاق في ان نحترم بعضنا بعض والموضوع بيظل مفتوح وان شاء الله اشوف فيه حوار راقي


لان اي حوار طائفي عنصري مراح اسمح فيه

 

[WHO CARES!]

اللي قالو انه احنا والشيعه واحد طبعا مو واحد في اختلاف كبييير بالعقائد محد يقدر ننكره بس يعني بتهاجمووون وبتتهاوشووون لي متى
تبوووون حرب !! عشان ترتاحون خلاص كل واحد لكم دينكم ولي دين انا هذا اعتقادي وانتو هذا اعتقادكم وكل واحد الله بيحاااسبه فات الاوان انه بنحاااسب بعض لان كل واحد حاط بباله انه اهوا صح والباجي غلط لا نقاشاتكم ولا هواشكم بيحل الموضوع والله يهدي من يشاااء والحين الحمد الله الدنيا متفتحه وكل واحد عارف مذهب الثاني وعارف اعتقاداته مو مطلوب منكم انكم تصدقونها كيفكم لا تصدقون بس احترمو اذا تحبووون الكويت لا توصل فينا درجه يكون فيها اضطهاد وكراهيه خصوصا اهني بالكويت سبحان الله الشيعيه ماترافج الا سنيه والسني قام ياخذ شيعيه خلاااص فكوها من سيره كل وحده تاخذها الحميه على مذهبه اوكي دفاااع بس لا توصل لتجريح واهانه وكراهيه فانا اقول لمصلحه الكويت واللي يحب الكويت فكوها من سيره وصلو على النبي ودحرو الشيطان واذا صج انتو مسلمين اقتدو باخلاق النبي من ناحيه هالسالفه

 

[فوفو00]

جزاكم الله خير كلكم صح والله يعطيكم العافية

 

[Ibtisama]

شوفي اختي من عمرنا ما سمعنا هذا سني و هذا شيعي وكل واحد محترم الثاني.. عيل شنو اللي صار و شنو اللي تغير؟؟

اللي صار ان القلوب تغيرت ..ناس رابين بيننا وقلبهم حاقد وصار يربون الأجيال من ولادتهم على انك غير عن المذهب الفلاني انت الافضل ولازم توقف اصحاب المذهب الاخر عند حدهم بالتعدي عليهم و سب و اهانة معتقداتهم و تحقيرهم وانك انت الافضل انت اللي راح تدخل الجنه و اصحاب المذهب الثاني في النار

وهذي هي النتيجه مثل ما تشوفين

انا تعجبني مملكة البحرين الله يحفظها من كل مكروه رغم الاختلاف اللي موجود ببينهم الا ان كل واحد يحترم الثاني ولا واحد يتجرأ يغلط مدام الملك موجود الله يطول بعمره و يحفظه يا رب

 

[باونتى]

اولا انا اشكر صاحبة الموضوع على مشاعرها تجاه لكويت

ثانيا بنات خلونا نتحاور بطريقة حضارية ياترا نقدر

ثالثا الموضوع فيه حكمة كبيرة جدا شفتو شلون حال بلادهم عسى ربي يصلح بينهم فتنة حرب اهلية البنت تحذركم بان التفرقة الي صايرة قد تقودنا حق شي مثل الي قاعد يصير في بلادهم فنصيحتها صادقة من قلبها تتوقعون هالشي مستحيل لا مو مستحيل

رابعا كل انسان يخالف المذهب الي مايعتقد فيه انا سنية اختلف مع الشيعية بمذهبي بس مو من حقي اني اغلط فيها ولا من حقها تغلط فيني الاحترام المفروض اهو الي يكون السمة السائدة بينا مو بضرورة كل الكره الارضية تصير على دين واحد ولا على مذهب واحد في دول فيها فوق الامية مذهب وملة ودين تعتقدون شنو المفروض يكون حالهم انتي لج معتقداتج الي المفروض محد يمسها دامها ماتجاوزت الغير وغيرج له معتقدات دامة ماتجاوز فيها عليج فمو من حقج انج تغلطين عليه

التفرقة والكره مراح يخلي وحدة تكون احسن من الثانية ولا راح يوصلنا حق نتيجة احنا كلنا بشر محد اختار دينة ولا مذهبه فياريت نوصل حق نقطة اتفاق في ان نحترم بعضنا بعض والموضوع بيظل مفتوح وان شاء الله اشوف فيه حوار راقي


لان اي حوار طائفي عنصري مراح اسمح فيه

كلامج عين العقل وهذه الورده منى لج :tek: