لازم تكونين كشخه ولا الموضوع بالنسبه لج عادي ؟؟ !!

[قمر الليل]

ما أحب شي إسمه كشخه

بس لازم أكون مرتبه وملابسي عدله

 

[SeDuCTive]

احب اطلع بالشكل اللي يرظيني واشوفه مناسب للمناسبه او العزيمه اللي رايحتها.. واحب اكون نجمه بس لنفسي مو لعيون الناس اللي ماترحم.. والتميز صفه تزيد للمراه ماتنقص منها..

 

[شهد سبرنغ]

اهم شي اكون عالموضه ولبسي مرتب وانيق مولازم كشخه تعبنا من الخبه والفناتك -واحس مهما كشخت اميل عالناعم اكثر حتى دايما يقولون لي انتي لبسج ناعم وتبون الصراحة ولاتزعلون على قولة المثل( الزين زين لو قعد من النوم والشين لو تغسل بصابون )

 

[0(مـــســـ(مطير)ــــــك)0]

والله على حسب اذا رفيجتي القريبه مني حيييييل وجايه بروحها
يكون كل شي بسيط بس راهي عشان ماتحس بان العزومه صارت رسميه

بس اذا بنات واجد لاااااااا اكيد بتكشخ .. بس مايهمني اذا انا احسن ولا هم لانهم رفيجاتي فمافي غيره ان شاء الله

والله جميـــــــــل يحب الجمااااال فاحرص اني اطلع كشخه ومرتبه ...

 

[بنات حواء2]

انا عن نفسي ما احب اروح مناسبه و لا حفله و لا ازواره الا و انا على سنقت عشره و البس الشغلات الغريبه و اهتم بكل شي من فوق لي تحت و ما اشتري من اي مكان ادور الشغلات المميزه اشتري من حريم ييبون بضاعتهم من بره عشان يكون شي مميز مثل جناطي مكياجي عدساتي بذات السحريه تهبل روعه
و ادور و ابحث بالانترنت عن المميز
احب الكشخه
بس على فكره ترى بنات الكويت ماكو على كشختهم و محد يصك عليهم

 

[كتوه مو شريرة ^^]

ماكو على الكويتيات باللبس والكشخه بشهادة الكل.. اللبنانيات عندهم ملابس السهرة توب لأنها على طول تكون ناعمه ...
انا احب الناعم والبسيط غالبا ... بس مرات تكون المناسبه مهمه حيل واللي فيها اهم .. فتلاقيني اكشخ يعني بدلتي يكون ستايلها غريب مكياجي غيييييييييييير ... انا ما احط مكياج عموما الا نادر يعني ولا يكون ناعم حددددددددددددددددده. فتلاقين يتغير شكلي 180 درجه وقت الكشخه ..لبسي اليومي بالدوام ولا طلعات او سوق بسيط وعملي .. يعني كله جينزات وهالسوالف .. اما الشي اللي ما استغني عنه صج العطر والجنطه ... خو الجنطه لاااااااااااااااااااااااااااااااااااااااااااااااااااااازم تكون غريبه ماحب الاشياء المكررة

 

[رفرف]

احب اكون كاشخة .. ومرتبه ..
ما اهتم لراي الناس ولا منو بيكون موجود ولا يهمني اذا كانو اكشخ مني عليهم بالعافية ..

ما يهمني اكون اكشخ وحدة ولا نجمة الحضور ..

 

[Dancing^Queen]

ماشاءالله كل البنات كشخه وفنتق ومسكتين وصاكين علي الكل


عيل منو الناس الكشخه الطبيعيه؟



الماركات المعروفه العالميه اللي اعرفها وسامحوني باللي ماعرفه
دولتشي اند غابنا
ديور
ميو ميو
بربري
لوي فيتون
كارتيه
كفالي
بولغاري
فيرغامو
شانيل
بوتيجا
مارك جاكوبس
فندي
فيرساس
الكساندر
ماكوين
ميوسوني
ايف سان لوران
البيرتا فريتي
سلين
ايميليو بوتشي
جست كفالي
تودز
لامب
لاوندري
جون بول
كنزو
انتيك بتيك
ايتيان ايغنر
برادا
اسكادا
نينا ريتشي
ناريسسو رودريغاز
اوسكار دي لارينتا
نيكول ميلر
موسكينو
كلوي
فالنتينو
كولي هان
ايس بيرغ
ايتين ايغنر


هذول اعتبرهم الصف الاول ونجوم الكشخه

ايون عقبهم الصف الثاني

مايكل كورس
بي سي بي جي ماكس ازاريا وبي سي بي جي غيرل
دي كي ان واي
بيتسي فيلاز
فيرا وانغ
جوسي كاتور
غيس
ديزل
لاكوست
بي بي
رالف لورين
تومي هاغيرفيلد
ايلا موس
باريس هيلتون (جناط واكسسسوارات)


من ناحيتي احب يكون عندي من الصف الاول لنفسي وارضاء رغبه في نفسي مو علشان اكون احسن من احد او الفت نظر احد
او اصك علي احد او علشان اكون احسن من الكل
وماقل هالكلام تهجمنا علي البنات اللي يحبون يكنون بهالمنزله لاوالله حشا الناس في مايعشقون مذاهب
اقول هالكلام للاجابه علي السؤؤال
واذا كنت معزومه علي مكان او بشوف ناس يعزون عيل او مناسبه رسميه احرص اني يكون معاي شي من الصف الاول لان سبحان الله هالشغلات تخليج تستانسين علي عمرج وانا اكافئ نفسي بين فتره وفتره اني اشتريلي هديه لي من الصف الاول اذا وضعي المادي وقتها تمام
مرات ارضي نفسي بالصف الثاني

مو لازم اكون متشكشكه ماركات من فوق لي تحت واصك علي الكل
المهم ان يكون عندي احد من ربعي بالصف الاول
وشكلي مرتب
وحيث اني متروسه ادور شي يخش المتن هذا اللي يهمني
ماحب اني اكون اووووووووفررررررررررررررر
ولاحب اني اكون نيون بين الناس
المهم اني اكون راضيه عن نفسي وبعين نفسي حلوه
ومعاي احد اصدقائي من الصف الاول


بخصوص الفناتق والغريب الصراحه ابتعد عنها باللبس يمكن اسوي شعري بالستايل اللي دارج او لالاوان الدارجه اي احب اني اغير واجدد وايد مو شويه وكل ثلاث اشهر اصبغ شعري لون واقص واغير والبس عدسات ملونه اذا مزاجي وزني علي هالشي
ويمكن يوم كنت اصغر بالتعش اخرهم وبالعشرين اولهم احرص اني اكون مميزه بس مو بشكل غريب او فنتق احب اني اكون مميزه بلبسي وتجددي




ونصيحه يابنات
ارقي الماركات واتكنها تودز وال في وبربري وكارتيه ومارك جاكوبس
تراهم كلاسيك

 

[FOZQ8]

امممممممم
يعني انا ما أقارن نفسي بكشخت غيري لا حشاا
بس أكيد الكشخه شي أنثوي سبحان الله يعني أكيد كل وحده تحب شكلها مرتب وحلو
وموشرط كل يوم اقعد أتفنتق
بالعكس تلاقوني مرات اقول في ايام هلاقه ولاحظوا اني اسميها هلاقه لان مايكون لي خلق وايد ادقق على لبسي بس اكيد ماراح يكون مو مرتب .. لا اكيد مرتب بس يكون بسيط واايد
بس مو معقوله اكون مثلا معزومه ومابي اكون كشخه هااااو !!! ليش ما اكشخ عيل متى اكشخ
بس مو شرط أركز منو احلى وحده واكشخ وحده لان كل وحده له هالتها وجمالها
وفي بنات لو تلبس خيشه حلو عليها
سبحان الله الكاريزما مرات والشخصيه تعطي لوك للبنت بعد
واكيد الجسم مهم مهم عشان اللبس يطلع حلو

كوين تعبت وانا اقرا الماركات
بس بس ترى فيني بجوه وايد تأثرت


" تم تعديل البدليات حيث أني ولا مره قلت كلمه كشخه عدل اشوا عدلتها قبل لا تشوفون البلاوي"

 

[blue diamond]

على حسب العزومة وعلى حسب المكان
بس بشكل عام افضل ان يكون شكلي ناعم ومرتب وعلى ذوقي طبقا

 

[كاتو_كويتيه]

اكيد الكل يحب الكشخه والشي الراقي ..

ثانكس

 

[& دلوعه زوجها &]

شوفي ياقلببي

من وجه نضري ان التميز والكشخه مطلب كل بنت ماننكر ذالك

بس على حسب العزيمه يعني انا امس كنت معزومه عند حمولتي واو والله انواع الوناسه هههههههه

المهم الصراحه ما تكلفت بلبس ولا الميكئب وبنفس الوقت شكلي جذاب

وربي حتي الكل يسئلني عن ضفوري هههههههه شفتي البنات وحب الكشخه هههه

المهم اني يعني شي ناعم حيل وخفيف والحمدالله دائم بصدار حتي اكلاتي ياربي لك الحمد يالله هههههههه

واذا رحت لهلي ماعترف بلمكياج كلش لئنهم كلهم امي وخواتي وحريم اخواني وبنات خواتي يعني صراحه

مافيه احد غريب بس اذا كانت مناسبه حلوة وكبيرة وجمعه طلعت كشختي خصوصا بليا ه اهم شي النعومه وادري بقولك موقف مو لم الموضوع بس يمكن هوالموضوع المناسب

امس دار بيني وبين ائحلا حموات موضوع هههههه عن كشخه العيييد والاستعداد له وربي يابنات الكل يسلني منين اشتربت الملابس ه ويا حلوها وحدة من بناتهم الصغار تقول لامه شفتي اقولك بس 00000مدري وشو ههههههه

وتقولي وحدة الماركات احسهم عاديات قلت لا عزيزتي الماركات على قيمتهم مو مثل الرخيص والابخيص
عاد قلتلهم الصراحه انا بمناسبه الصباح كلش عادي لبسي بس مقتنعه فيه قالو ايه صادقه يعني مب لازم نشتري الصباح وربي ضحكت قلت بكيفكم شي راجعلكم انا اتكلم عن نفسي

هههههههه يعني فعلا موضوعك ذكرني بموضوعنا بيت حمولتي امس ههههه الله يخليهم ما ئحلاهم

تسلمي على الموضوع الشيييييق

 

[sweet barbi]

والله صراحه اموت على تزقرت بس على حسب المكان وهم ساعات ماااااااالى خلق الواحد يمل بس اكييد كل وحده تيى تكون نجمه الحفله واحب اكشخ

 

[**أم السنع**]

والله عن نفسي احب الكشخة الراقية والله واتعب على ما اكون الصورة اللي احب اطلع فيها بس الحمدلله في الاخير اكون آنا وبناتي مميزين جدا والنعومة والرشاقة طبعا لها دور

 

[طوق البنفسج]

لكل مقام مقال ..

يعني العزيمه .. استعداداتها غير عن يمعه الصديقات ..

و حتى الصديقات ناس اعرفهم وامون عليهم غير عن ناس اول مره اقعد معاهم ..

 

[أشواق]

على حسب المقصود بكلمة كشخه

يعني اتجهز واسوي شعري أو ملفع حركاات

وبدله حتى لو بسيطه بس أسوي فيها شي يعني اكسسوار أو شي رزه

وسلامتج

 

[الجوري74]

اهم شي اكون مرتبه وناااااااااااااااااااااااعمه وبس
ما احب الخبه

 

[عنزية والهيبه وايليه]

اذااا مااا كنت احلااا وحده بالحفله تصير كارثه << لوووووووووووووووووووووول