لازم تكونين كشخه ولا الموضوع بالنسبه لج عادي ؟؟ !!

[ام فهووودي]

على حسب المناسبه

اذا كان عرس او حفله استقبال اكيد بتكون غير عن الزواره او يمعه الرفيجات

لان بالعرس يصير كل شي اوفر بالمكياج واللبس

اما بالزواره كل شي بسيط وناعم

والكشخه تعتمد على حسب نوع الشخصيه في ناس يحبون يكشخون مثل كشخه العيد وفي ناس يحبون البساطه والنعومه

 

[الأم الصغيره]

اما انا بالصراحه اموووت بشء اسمه كشخه صالونات ومكيااااااج بس احب لبسي يكون غير عن الناااااااس انا اصمم حق نفسي الموديلات حت العبايات وكل شيء بس ابتلشت باس ماتغلد غيري الا انا ادا لبست ابض اشوف بكره هم بالسوق وبثاني جمعه لابسين نفس لوني وكل شيء سويته يتقربون منه ويقلدوووووووووون واقول ماعندهم عقل يفكرو فيه لازم يقلدو يعني ههههههههه بس انا من كثر ما اتكشخ الناس ماخده عني فكره اني مينونه ومتكبره وانا بالعكس هادئه حيل وطيوبه

 

[pretty sarona]

على حسب نوع العزيمة ,, استقبال بيت ولا مستشفى ولا عزيمة بنات او عشا ,, يعني اهم شي لبس حلو و يناسب الموقف ,, و العزيمة اهي تحدد موقفي من مكياج و شعر ,, على حسب حجمها ,,
و استعداداتي طبعا اذا عندي البدله زاهبة كان بها واذا لا اكيد بروح السوق اخذ لي بدله و ما يهمني اكون سيدة الحفله كثر ما يهمني ان شكلي يكون حلو و مرتب و كشخه بنفس الوقت ,,
و بعدين انا ما اشوف ان اللبنانيين كشيخه ,, ناس بسطاء لأبعد الحدود و ما عندهم كشخه ,, بس كل معاشهم يطير على السهرات ,, يعني عادي واحد يكرف طول الاسبوع و اخر الاسبوع يقط فلوسه على سهره ,, اما كشخه ما اشوف عندهم ولا هم صوب الماركات ولا شي ,, ناس عمليين بس يعرفون متى يلبسون

 

[^marioOom^]

لووووووووووووووووول

حلو الموضوع امممممممم طبعا احب اكووووون كشخة او احلى وحدة فيهم هههههه <<< بنات بعد

او على قولة بعض البنات كل وحدة او طبعها

 

[Lullaby]

احب اكشخ الكشخه اللي تطلعني حلوة
بس دائما كشختي ناعمة مااحب الاوفر والخرابيط اللي نازله وطالعه
ومايهمني اكون احلى الموجودات قد مايهمني اني اكون حلوة وبس :$

عموما كل بنت تنعكس شخصيتها ومزاجها بطريقة لبسها ومكياجها

 

[الريحانة]

آنه إذا عندنا حفلة و لا جذي
ما أفكر وايد
أروح لي كبتي و أختار لي بدلة من إلي ما ألبسهم وايد و حتى لو كنت لابستها جم مره أحاول أركب معاها شي ثاني
لأني ما أحب الفسق
ما أحب أروح أشتري شي و أقول لازم أطلع أحلى وحده و ما أدري شنو

لا
بالعكس أحب ألبس شي يناسبني و ما أقطط الفلوس يمين يسار
و مكياجي آنه أحطه لي و يكون ناعم ما احب أروح صالون على حفلة صغيره ما تسوى
المهم أكون ذربه بلبسي و شكلي لا غير
مو شرط لازم ألبس كل ما هو يديد

 

[Mawazi]

أنا ستايلي بسيط و راقي و ناعم في كل المناسبات..يمعة ربع , أهل , زياره , عرس إلخ

ولا عليي من اللي لابسنه غيري أهم شي أكون مقتنعه بلبسي و واثقه فنفسي

يلسموو

 

[ردينه]

اختي شنو هدف موضوعج ؟

 

[Stylist]

بصراحه يهمني ويهمني وايد بعد مو شوي
بس ماعندي هوس اكون احسن من غيري وعمري ماقارنت...منشغله بنفسي

 

[iTaLiyA]

بالنسبه لي اكيد احب اكشخ و دايما لما اروح مكان العيون علي ... الحمدلله لو البس خيشه هم بتكون العيون علي لأنه حلات الشي بسيط مو اوفر حتى الميكب اخليه طبيعي

 

[Candel in the Desert]

اهم شي عندي اني اكون مقتنعه بنفسي .. احب اكون مرتبة وستايل

 

[مجروحه واكابر]

اموووووووووووووووووووووووووووووووووووووووووووووووت ع اللبس والكشخات بس ستايلي اقرب للنعومه والفخامه بنفس الوقت وداااااااااااااااااااااااااااايما اتلاقيني معزوله من البنات في الجمعات........بس ما يهموني و لا احب ادقق بفلانه وعلانه شنو لابسين وشنو حاطين ولو يسألوني خواتي عن البنات هذي شنو مسويه وهذي شنو لابسه مستحيييييييييييل اذكر لاني اصلا ما انتبه
بس والله ما حصلت من ورى اللبس والكشخات الا الحسد والامراض يكافيكم الشر

 

[*مــــســــك*]

اكيد لازم انا يا اكشخ عدل يا ما اروح

واهتم بكل التفاصيل ما اخلي شي


هذا طبع فيني من يوم كنت صغيرووووووووووووووونة بيبي

يعني الكشخه بدمي ودايما ادور اشياء غريبه وحلوة عشان محد يكون نفسي

صراحة انا استغرب من بعض الناس الي مايهتمون بكشختهم بالطلعات او المناسبات عاد اذا كانت متزوجة هذا شي ثاااااااااني يعني اذا مو قاعد تكشخ حق الناس والمناسبات شلون حق زوجها اتوقع مايفرق بينها وبين الخدم لازم المره تهتم بنفسها هذا يدل انها تحب نفسها سواء كانت متزوجه او لا

تقبلي مروري حبيبتي
بصراحة موضوعج حلو

 

[الثمينه]

اهم شي يكوون شكلي مرتب ونااعم

الدفااشه باللبس مو حلوه كللش

 

[DeCToOoRa]

انا احب واحرص اني اكون اكشخ وحده في كل مكان وبكل المناسبات ,,

 

[زهرة الربيع]

انا عن نفسي لا الصراحه ازهب عدل ويهمني اني اكون احلى واكشخ وحده وفلوسي كلها على لبس لي ولبنتي وابي يكون لبسي ولبس بنتي اكشخ وارتب شي بالمكان اللي احنا فيه للعلم بنتي عمرها 4 شهور وكل يوم حنه ورنه انا وامي حرام عليج البنت توها صغيره على الكشخه خليها بالبيجامه بس لو شنو يصير ما اخلي احد يشوف بنتي مبهذله ولا انا بعد ما احب احد يشوفني مو كاشخه وعلى الطاري امس رحت بيت خالي وطلعت بسرعه بسرعه مع اني مزهبه لبسي بس الخدامه ضيعت اللبلوزه وغيرتها وطلعت معصبه قلت لزوجي كله منك خليتني اعجل وشكلي صار مبهذل جان يقول منو اللي تطلع شكلها مبهذل لو الناس كلهم يطلعون مبهذلين انتي اهون عندج تقعدين بالبيت ولا تطلعين مبهذله هههههههههههه
لي درجه ان خالتي ام زوجي تقول ترى الكشخه مو كل شي عبالها اني اكشخ ومهمله بيتي مع العلم انها قليل ما تدخل شقتي يعني كل ما دخلت الشقه مرتبه ومبخره وكل ما شبيت بخور توقف على الدرج تشم الريحه وتقول شحلاتها المهم طلعت عن محور الحديث لجيتكم بالقرقه مادري شفيني اليوم كل الردود اللي قاعده اردهم كلهم قرقه ههههههه
وهذي انا

 

[saro0ona]

احب اكون الستايل و النجمة بكل مناسبة

 

[كويتيه متغربه]

.........أحب اني أكون مميزه عند ناس ماأختلط فيهم واجد وماحب الدفاشه فاللبس أحب النعومه والتميز/////////وشكراعلى الموضوع...........

 

[اصبع مكسور]

احب اكشخ
دايم
بمناسبه
اوبدون مناسبه
بس في المناسبه ازودشوي

 

[ريماا]

طبيعة الانثى تجبرها انها تحب التميز وتكون حلوة بكل وقت
بالنسبة لى احب اكون ذربة بكل وقت عشان احس بانوثتى
بس اذا كنت بروح عزيمة البس على حسب نوع العزيمة وعلى حسب المعزومين
لبسى اغلبة مميز مع نعومة ومناسب لى