لازم تكونين كشخه ولا الموضوع بالنسبه لج عادي ؟؟ !!

[سفيرة العشق]

والله اذا الناس عارفيني وشايفيني قبل على طبيعتي لا والله ما اخب عمري حيل بس اكشخ بحدودو المعقول

بس على حسب المناسبة اذا زوارة او استقبال او عزيمة ...

 

[حمام شاقني فنه]

اهم شي مرتبه وشكلي نااااعم >>>>اذا كانت الجمعه عاااديه (شغل .بالمدرسه .....الخ

اما بالعزاايم لااازم اكشخ عشااان نكييد العذاااااال:wqedqw:

بس ماااحب اكثر من لووحااات الفنيه بالوجه مكياجي على طول بسييييط :eh_s(20):



وووووووشكرا على الموضووع :eh_s(8):

 

[مسك الغلا]

اكيد على حسب المكان والناس .. يعتمد يعني اذا الناس يهمووني اكشخ و نص هههههههه اما اذا عادي لا ما اهتم واايد


و الصراحه انا ماشوف لبنان كل معاشهم عالكشخه هذا بس نشوفه بالتلفزيون .. اما بالصج بسيطين حييل و حياتهم عاديه مو اللي لازم يكشخون و يلبسون لا لبسهم حيل عادي


و من ناحية التعليقاات اوووه الواحد مايسلم من كلام الاوادم ههههههه هذي لابسه و هذي مسويه و هذي و هذي ..

هذي الحياة ههههه

 

[سلمى الخير]

ماشاء الله حبيباتي

الصفحه الثالثه خلال ساعتين

رايكم يهمني

ومشاركتكم اسعدتني

وانا بحط رايي

انا احب اكون سمبل وناعمه باليمعات

بس اذا في عزيمه او قدام عذالي احب اكون توب

والله يستر علينا من العيون بس تبون الصراحه

المقردوه مقردوه اكشخت ماكشخت منضوله منضوله

في ناس تشهق بقميص بو خمسه وفي حريم دايم ذاكره ربها

يعني اذا فكرتي بالحسد بيروح العمر وانتي مالبستي وتتحسفين على ايام شبابج الي راحت

( اكثر وحده كل مارجعت من عزيمه تصيرلها مصايب انا )


بس عندي قناعه ان العين حق ومو الكشخه اهيا سببها لا

سببها الحقيقي الناس الي ماتخاف الله وتحسدج على ابسط شي وهذولا وين تفرزينهم

والله ثم والله لبستي مالبستي حاسدينج حاسدينج

يعني باختصار نفوسهم ضعيفه


يعنينا ويعنكم ويحفظنا واياكم من هالشكليات

نبي راي باقي البنات

 

[.]

اتا احب اني البس شي يناسبني ولسني وناعم وراقي بنفس الوقت..

ومو شرط يكون غالي لانه قي شغلات رخيصه وحلوه يعتمد ع الذوق مو السعر..

وشكرا ع الموضوع..

 

[Dr.SoS]

أنا الصراحه بطلعتي اليوميه أحب أكون مرتبه و عمليه مع تجات ستايل باللي يناسبني و يناسب ذوقي....و مالي شغل بأحد اذا طرى على بالي الموديل أشتريه أو أخيطه أهم شي يناسبني يعني أنا ما أحب الضيج و المرصرص....و بما ان الشي فيه هالمواصفات...فألبسه....أما بيمعه رفيجاتي أحب الصراحه ألبس شي يديد و حلو ما يهمني اذا كان على الموضه أو لأ....وأنا الصراحه وايد أشتري هدوم و أكثر شي أخيط لأن عندنا خياط و ماخذه راحتي....و تعودت اللي ألبسه يكون ماكو منه و محد لابس نفسه مو كبر و ملاقه لأ أعوذ بالله بس لأن أخيط وايد فمحد يكون نفسي.....و الصراحه غالبا هدومي تكون محط الأنظار و المدييح....و الله يعافي أمي اللي مظبطتني بخياطها حبيبتي......و الصراحه اللبس و الكشخه حلوه بس تكون فمحلها و ما تكون مبالغه و لا طالعه عن الشرع....

 

[pretty86]

خوش موضوع يعطيج العافيه:tek:

شوفي و الله يعتمد اذا حفله او عرس او استقبال احط مكياج و اكشخ بس دايما ادور شي حلو و يعجبني يعني افكر اني اغير جو ... اما بالنسبه للطلعات العاديه او الدوام بالكليه الله يعتمد على مزاجي

 

[IM SO LOCCO]

انا الصراحه عادي عندي المهم شي عملي ومريييييح وبنفس الوقت شكله ذرب وانا بطبيعتي ما احب لفت الانظار واذا بفلت نظر احد الفتهم بكلامي وبشخصيتي مو بملابسي

 

[kuwaitya_zoGaa]

انا اكشخ ومو اى كشخه من قمة راسي لى تكرمين الجوتي
ماعرف ... انا هذا طبعى احب اكون ذربه بلبسي خصوصا صديقاتى اللى من زمان ماشفتهم

 

[أمـيـرة الشــوق]

والله انا لبسي على حسب المناسبه

يعني اذا بيت عمي او خالتي
ألبس لبس عادي بس اهتم بالميك اب والشعر
واحب اكون مميزه بلبسي

اما اذا كانت مناسبه

احب اكون نجمه الحفل
انا طبعي احب اكون مميزه مااحب يكون احد لابس نفس لبسي
وهذا الشي اللي مخلي امي تتعب معااي

دايما احب التميز
بالكشخه واللبس انا التوب بالعايله

 

[القلوب الساهيه]

انا عندي مبدأ البساطه تعني الفخامه اهم شي اكون ذربه وعلى حسب المناسبه تكون كشختي

 

[dr_enshalla]

اعتقد انه الكويتيات صكو على اللبنانيات يمكن اللبنانيات فلوسهم كلها تجميل بس لو بتقارنين بنات الكويت باي بنات باي ديرة تروحينله راح تكتشفين انه كلنا حتى لو كنا نامين هم بنكون مهتمين ابشكلنا وايد وبس صارت عاده كل وحده بتقلد الثانية
بالنسبة لي يعتمد على المكان يعني اذا بيت يدي على حسب المزاج بس اذا عزيمة لازم اكشخ وساعات اظل ايام استعد وافكر شنو بلبس وشنو بحط ميك اب واحب اني اخطط حتى اينن رفيجاتي وخواتي بالحنه لانه الشكل مهم ... مقوله جمال الروح اهم محد ينكر بس ماعتقد انه اهم يعني جمال الشكل مهم مثل المظهر خاصة اذا شخص بتقابلينه لاول مره اول شي شكله يلفت النظر ... مولازم يكون مبهر بس انه مريح و محبب للعين

 

[بوران]

انا احب البساطة في اللبس و تخلي الشخص انيق

اما الخبة كلش مو حلوة ة تخلي الشخص يتردد انه يكون علاقة مع اللي يكون اوفر

و عمري ما فكرت اني ابي اكون احلى وحدةالمهم اني اكون راضية عن شكلي و لا فكرت اني بصك على

هذي و ذيك لاني ما راح ارتاح لانه الاذواق تختلف يمكن انا اشوف فلانه اهيه احلى وحدة بس

اختي تشوف غيرها احلى و برايي الشخصية اهيه اللي اهم من اللبس

يعني في وحدة بعايلتنا اهيه مشالله حلوة بس عليها ثقل طينة اللهم يا كافي اتحسف على اللبس الحلو

اذا لبسته يعني

تلبس ماركات و فناتق بس مو لايق عليها و في بنات العكس تلبس شي عادي بس يطلع عليها اينن

 

[رايقة1980]

الحمدلله دايم شكلي مرتب
حتى في البيت

يهمج تكونين نجمة الموجودات

لا والله مايهمني اكون نجمة الموجودات

اللي يهمني اني أكون بمستواهم بس مو أكثر ولا أقل

 

[Dr.Nouf]

انـــــــا وحددددده عاااااااااااااااادي عندي >>> تتعيييييز مو عادي !!






خخخخخخخخخخخ

يسلمو حبوبة =)

 

[LA TROO7]

النعومه=الكشخه

عمره ما كان الاوفر كشخه احب البس الغالي بس يكون ستايله ناعم جدا

والنعومه بروجها ملفته الانتباه..​

 

[قوطي نيدو]

؟؟؟؟؟؟؟

 

[brettey]

انا الكشخه شي مهم عندي ويهمني اني اكشخ على سنقه عشره والفت النظر بالعزايم واليمعات والعيد انا وحده حيل اصرف على كشختي

 

[q8 nono]

اكيد كل وحده تحب كشخه و مميزه بس انا احب الكشخه الي على ذرابه مو خبببببببببببببببه كل شي بالسوق البسه

اهم شي يكون ذوق و مرتب و مناسب لي مو لازم اكون اوفر علشان اصير مميزه و ملفته للنظر

 

[داريني]

اكيد ومنوو كويتيه ما تحب تكشخ
بس الاذواق تختلف عاد
وانا بالنسبه على حسب المناسبة
بس عموما احب اكيد اكشخ واتميز