لاحول ولا قوة لاباللله

[حبي زوجي فديته]

قوه كويتيات شخباركم


بنات زوجي سوا تحليل طلع الحيوانات المنويه 1مليوووووووووووون لاحول ولا قوة الا بالله
اللهم لك الحمد والشكر والدكتور قال عدد المنوي وحش اوووي وعطاه حبوب 3انواع لمدة 3 اشهر يقول هذي تزيد وتنشط



امبيه لمن قال وحش اوي بغى يغمى علي انا كنت داشه معاه
ضاق خلقي حيل بس بعدين تعوذت بالله من الشيطان الرجيم

وقال الدكتور على هالعدد هذا ممكن يصير حمل احسه بس جذي كان يقولي
وهل في اكل معين او اي شي ثاني ياخذه عشان تزيد المنويه

والله حدي متضااااايقه استغفر الله

عاد عقبها راح للبناي واليوم معطيه موعد تهقون تاثر الحجامه

وعادي زوجي ياخذ مع الحبوب اعشاب وعسل ولا شلون؟؟؟؟
تكفون جااااااااااوبوني

 

[miss_uk]

حبيبتي كل شيء عند الله جايز مو الدكتور اللي يحدد الارزاق

بعدين في وحدة من المنتدى ريلها اعتقد صفر وحملت

ممكن وقت التحليل كان 1 لكن ممكن يزيد او يقل

اللحين في عمليات يخذون من المليون واحد ويلقحونة بالبويضة

لا تحاتين ان شاء اله اذا لج رزق تاخذينة

 

[نيبال الايمان]

ضى الايمان


يا عمرى يا حبى زوجى فديته قولى لا اله الا الله 000 صدقينى لو فى واحد بس مو مليون اذا بيرزقج الله بيرزقج والله والله اخوى كانوا يقولون له مافى منى بالمرة واقطعوا الامل منه بالمرة واللحين والحمد لله عنده بنوته تهبل الله يخليها ان شاء الله 000

ياعمرى والله العسل مع المكسرات وايد زين لضعف الحيوانات المنوية وجربى شهر وادعى لى خليه كل يوم ياخذ قفشه كبيرة عسل مخلوط معاه مكسرات من جوز ولوز وبيذان وفستق كل انواع المكسرات بس تكون عادية و مو مملحه ياخذها يوميا على الريق قبل الاكل بنص ساعه تقريبا ويحاول يقلل شاى وقهوة وان شاء الله باذن واحد احد بيزيد العدد ياعمرى بس قولى يارب 000

وعسى الله يرزقج ويرزقنى ويرزق كل محروم وحرومه منهم اللهم امين يارب

 

[ScarletteO'Hara]

حبيبتي لا يضيق خلقج, هذي قسمة ربج, و الحمدلله البنات عطوج طرق لتحسين الرقم و سبحانه ما يحتاج الا واحد لحدوث الحمل

يا رب تتسهل امورج و تبشرينا بحملج يا رب

 

[eng.q8]

ان شالله الله يرزقج
بس فكري بالتلقيح

 

[ايمانو حلوة]

فعلا اللي حيواناته المنوية قليلة اضمن شي الحقن المجهري بس اذا عالج وصار عدد الحويانات المنوية زينة ممكن اصير طبيعي وهذا يعتمد على تقبل الجسم للعلاج والله يرزقكم

 

[تفااحة]

ياعمري لاتضايقين نفسج كلها ارزاق بيد الرحمن واذا اللة كاتبلج رزق بيجيج لو بحيوان منوي واحد ياما ناس زينين وحيواناتهم المنوية ممتازة بس اللة مارزقهم ..... الحمداللة على كل حال ....

حاولي تسوين كورس لزوجج لمجة ثلاث شهور مع الحبوب يعني يبتعد عن الوجبات السريعة , يترك التدخين اذا يدخن او يقلل منة , يكثر من الفواكهة والخضار خصوصا الورقيات الجرجير والبربير تكون مع وجبتة الرئيسية كل يوم , شرب عصير برتقال فرش صباحا يوميا بدال الشاي والقهوة لاتنسين العسل الاصلي يوميا والمكسرا مع العسل وبين الوجبات وانشاللة تشوفين النتيجه ممتازة بس يبيلها صبر شوي لاتنسين الماكولات البحرية على الاقل تكون مرتين بالاسبوع ( السمج والروبيان )) واللة يعينج على الطباخ والزفرة ... بس كلة في سبيل انج تشوفين ضناج وتفرحين يهون.....

 

[احلى^فراولة]

احمدي ربج قولي الحمدلله يحمد بالسراء والضراء

والله اللي الرزاق واحد مليون نعمه في ناس صفر وناس عقم

تعوذي من ابليس وكثري استغفار والحين الطب تطور

 

[ام_مرام]

يا قلبي لا تخافين
خليه يلتزم بالفيتامينات
و دايم الدكاتره يقولون لنا لا تخافون .. البويضه ما تحتاج الا حيوان منوي واحد
لانه زوجي فيه ضعف
سوي تلقيح مجهري و جربي الى ان يرزقكم الله

 

[SaD FaCe]

الله يرزقكم ان شاءالله

 

[++The DuchesS++]

اول شي الحمدلله انه يت على جذيه
ما في شي صعب الحين الحمدلله
وفي كذا طريقه للانجاب الادويه والحقن المجهري

لا تتضايقين ولا شي الرزق بيد رب العالمين
الواحد اللي يشوف مصايب الناس تهون عليه مصيبته
مع اني ما عتبر مشكلتج مصيبه لانه في لها حلوووول

الله يرزقج الذريه الصالحه ان شاء الله

 

[اشتاق الى الجنة]

افاااااااااااااااااااااا تضايقين ولج رب يعلم بحالكم

لا تقل يا رب عندي هم كبير بل قل يا هم عندي رب كبير

العسسسسسسسسسسسسسسسسسسسسل وما ادراك ما العسل

 

[om-7amod]

الله يشافيه يارب ويرزقكم عاجلا غير اجل

 

[الزيزفونه]

الله يرزقج الذريه الصالحه خلي يجرب اعلاج ام سمير وايد زين انا زوجي خذا العلاج وحس بتحسن صارله شهر مو راضي يحلل يقول ابي اكمل بعد شهر

 

[sara_77]

لا تحاتين حبيبتى كل شى له علاج انا اعرف واحد نتيجة التحليل واللله 1 او 2 بس ومافى شى بالعينه يعنى الحيوانات المنويه ماتنزل وسوا حقن مجهرى ياخذون العينه من ظهره تخيلى وببنج وماشالله الحين عنده ولدين وبنتين وولد وينت منهم توام الله يرزقج انشاللله وخلى اتكالج على الله

 

[شقردية ذهبية]

الله يرزقج الذريه الصالحه والمعافاه يا رب وكل محرووووومه يا رب يا كريييييييييييييييييم..

خلي ريلج يمشي على العلاج اللي قالولج البنااات.. والله كريييم إن شاءالله الله بيرزقج..

 

[حبي زوجي فديته]

جزاكم الله خير بعد قلبي كويتيات كلامكم يريح القلب
عاد امس زوجي كسر خاطري سوا حجامه عند البناي فوق ركبه بشوي وقاله بعد اسبوع راح يرفع مكان الحجامه اكثر وفاعد يقولي الحجامه تعور لان اول مره يسويها عطاه عسل ومكسرات