لاحركه لامشي لا رياضه لا>> لاعزاء للكسولات

[GAP^^الكبيرة]

شوفي لج رياضه تحبينها شوي وبلشي فيها وصدقيني من اول ما تشوفين النتايج بتحمسين تكثرين منها
اذا ما تحبين المشي وما عندج وقت جربي تمارين جورج كروز
اذا تحبين الرقص جابلي بناتج وسو حفله صغيره حتى من غير اغاني بس تحرقين فيها شوي
او اشتري اشرطه تمارين او ممكن تحصلينها اليوتوب سوي لو ربع ساعه وكل اسبوع زيدي شوي
الصراحه كلنا ما نحب الرياضه بس بالحركه بركه
صعدي ونزلي الدرج
تحركي بالبيت واخذي معاج مسباح واستغفري ..والله ما تحسين بالوقت>> انا كنت اسويها وايد برمضان عشان لا اضيع وقت
انتي اسم الله عليج عندج سطح وحوش يوم امشي هني ويوم هناك
وحطي هدف 10 دقايق مرتين باليوم

 

[mrs_sugar]

انا معاكم

خل نشجع بعض

انا شريت دي في دي رياضة على رقص بجربه من اليوم ن شاء الله

 

[فهههده]

قااااب الكبيره

والله انتي كبيره بكل شي حتى في ردودك بارك الله فيك

 

[فهههده]

mrs_sugar

وخلينا نشجع بعض الله يجزاك الخير
لاني اتأكدت ان مافي مثل الحركه والرياضه تنزل الوزن تقليل الاكل او تحديده ابد مايفيد لازم رياضه
اذا خسرت من وزني 5% من تعديل الاكل والحميه ممكن انزل الى 20% لو اضفت للحميه رياضه

 

[ή ő 0 и Ч *]

والله أني ابي ادخل معاكم
مادري ليه احس بكسل وبس مجابله النت خخخ
ومالي خلق لشي وحيل زاد وزني ولاراضي ينزل ؟
سويت فحوصات مافيني شي
بس في بنات قالوا لي سوي فحص هرمونات ؟؟


الله يضعفنا بخير وعافيه وبدون كسل يارب